एफिसी 2:4 - कोन्छ्‌योककी सुङ

⁴ यिने कोन्‍छ्‌योक च्‍यङ्‍च्‍यु सेम्‍बा वोतुप तप्‍की खोकी दाक्‍पु तेरीला छासे ङ्‍यिङ्‍ज्‍ये क्‍या नाङ्‍सुङ।

एफिसी 2:4 Iomraidhean Croise

लूका 1:78

च्‍यिलासिसिन दाक्‍पी कोन्‍छ्‍योक ति च्‍यम्‍बा ताङ ङ्‍यिङ्‍ज्‍ये कितुप यिन। खोकी देवाच्‍येन नेमा ङ्‍यिराङला ङ्‍यिमा शर च्‍यिनी

रोमी 10:12

यहूदी ताङ यहूदी मिन्‍दुप मिरिक यम्‍बाकी मीतिवी पर्ला काङ साङ ख्‍ये मे। कोन्‍छ्‍योक ति मी तेरीकी चोवो यिन। खोला रेन्‍दुपतिवा तेरीला छासे मोलाम थोप्‍किवी।

रोमी 2:4

याङ्‍ना कोन्‍छ्‍योककी ख्‍युरुङला सेम ग्‍युर च्‍यिनी दिक्‍पा ने थर ज्‍यितुपला गा कितुप ति हाक्‍माकोनी खोकी च्‍यम्‍बा ताङ हम क्‍या देतुप ताम्‍ङेला मो बेप्‍किवी रो?

रोमी 5:8

यिने कोन्‍छ्‍योककी दाक्‍पु दिक्‍छेन वोसिनाङ दाक्‍पी दिक्‍पी थोक्‍ला येशू ख्रीष्‍ट टुङ च्‍यिनी खोकी दाक्‍पुला ङ्‍यिङ्‍ज्‍ये छ्‍या तेन्‍सुङ।

रोमी 9:23

तमा खोकी खोरे मोवाकी थोक्‍ला गोमाला के च्‍यम्‍बा नङ्‍गुप टडिक क्‍यावु मीतिवाला छासे मङ्‍मु वोतुप मोवा छ्‍या तेन नङ्‍सिमा दाक्‍पी काङ सि थुप्‍किवी?

एफिसी 1:7

तमा खोकी ग्‍यक्‍चेकी कटिन नेसुर येशू ख्रीष्‍ट दाक्‍पी दिक्‍पी थोक्‍ला टुङ्‍नी खोकी ठककी दाक्‍पी दिक्‍पा ता च्‍यिनी दाक्‍पुला थर्वा ङ्‍येन वे।

एफिसी 2:7

तुक क्‍यावु ति च्‍यम्‍बा वोतुप कोन्‍छ्‍योककी येशू ख्रीष्‍ट नेसुर दाक्‍पुला ग्‍यक्‍चेकी कटिन नङ्‍गुप ति त वुङ्‍गुप कल्‍वाला छ्‍या देन्‍दुपला यिन।

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

२ थेसलोनिकी 2:13

यिने चोवोकी ङ्‍यिङ्‍ज्‍येवु अच्‍युनुपतिवा, ख्‍यिरा थोक्‍ला कोन्‍छ्‍योकला ङ्‍यिराङ नरी थुचिछे बुलिन। च्‍यिलासिसिन कोन्‍छ्‍योककी गोमा नेज्‍यु ख्‍यिराङला खोकी थु चाङ्‍मा नेमा चाङ्‍मा जो नङ्‍गुपला ताङ कोन्‍छ्‍योक टेङ्‍बुला तेपा क्‍यानी शेप ने र्‍होकुपला खोकी पेन नङ्‍गुप तप्‍की यिन।

१ तिमोथी 1:14

चोवोकी ङला नङ्‍गुप कटिन ति छासेकी ग्‍येर्पु वे। तोजो तिराङ मिन, खोकी ङला ख्रीष्‍ट येशूला वोतुप तेपा ताङ ङ्‍यिङ्‍ज्‍ये बङी क्‍या नाङ्‍सुङ।

२ तिमोथी 1:9

खोकी दाक्‍पुला दिक्‍पा ने थर च्‍यिनी दाक्‍पु टेङ्‍बु च्‍युङ्‍गुपला कताङ नाङ्‍सुङ। ती ति दाक्‍पी लाका ल्‍यामु क्‍यावु तप्‍की मिन, यिने खोकी नोवा ताङ कटिनकी जोसालेन्‍सिन यिन। ती कटिन ति जम्‍बुलिङ ज्‍येङ्‍गुप पेला नेज्‍युनी येशू ख्रीष्‍ट नेसुर खोकी दाक्‍पुला नङ वे।

१ पत्रुस 1:3

दाक्‍पी चोवो येशू ख्रीष्‍टकी पपा कोन्‍छ्‍योकला सोवा देकिन। च्‍यिलासिसिन खोकी येशू ख्रीष्‍टला शेप ने ङोसु लाङ्‍नी खोकी खोरे छासेकी कटिन नेमा दाक्‍पुला मिजी सम्‍बा नाङ्‍सुङ। तमा दाक्‍पु शिसिनाङ सेन्‍बु लुवु रेवा ङ्‍येन वे।