एफिसी 2:3 - कोन्छ्‌योककी सुङ

³ ती दोके तोङ्‍ला दाक्‍पी साङ सेमला शरुप तेरी लाका मेलोक्‍पातिवा क्‍यानी मिजी क्‍योङ्‍गुप ताङ रङगी जु ताङ सेमगी नोवाला युवुजा। तुक क्‍यानी दाक्‍पु साङ मी यम्‍बा दोके कोन्‍छ्‌योककी पर्च्या फोकुप गिपा च्‍युङ्‍गुप यिन।

एफिसी 2:3 Iomraidhean Croise

मर्कूस 4:19

यिने जम्‍बुलिङकी पप ताङ टोङ्‍बाकी नासाम ताङ यम्‍बा ताम्‍ङेकी देर्पाकी ती सुङला क्‍येक्‍नी डेलु मोगोर्वी।

यूहन्‍ना 1:13

तमा तिवा ति मीकी ठक याङ्‍ना सेम नोजु याङ्‍ना मीकी नोवा नेसुर क्‍येवु मिन, यिने कोन्‍छ्‍योककी नोवा नेमा क्‍येवु यिन।

यूहन्‍ना 8:44

ख्‍यिराङ ति ख्‍यिरा पपा शैतानकी गिपा यिन। ख्‍यिरा पपी काङ सिक्‍यावे, ख्‍यिराङ साङ तुक राङ कितुप नो किवी। ती शैतान ति थल्‍मा नेज्‍युनी शेन्‍बा यिन। तीकी नाम्‍साङ टेङ्‍बुला ङ्‍याम मिकिवी, च्‍यिलासिसिन तीकी सेमला काङ साङ टेङ्‍बु मे। तीकी जिनोक जोप पेला खोरो किताङ नालुला राङ जिनोक जेवी, च्‍यिलासिसिन ती ति जिनोक्‍पा यिन, तमा तेरी जिनोककी पपा यिन।

लोमा छ्‍येतिवी लाका 14:16

कोन्‍छ्‍योककी राङ गलुप ङ्‍यिमाला यहूदी मिन्‍दुप मिरिक यम्‍बातिवा तेरीला दाक दाक्‍पी ल्‍हलुतिवाला तेन्‍दुप ङ्‍याम माक्‍यानोक।

रोमी 1:24

तुक क्‍यानी कोन्‍छ्‍योककी तिवाला तिवी सेमला काङ मेलोक्‍पा कियी दे लङ्‍गुप ति किशी नोनी पि ताङ ताङ्‍सुङ। ती तप्‍की तिवा तिवी खोप्‍रे पर्ला राङ ङोछा मेतुप लाकातिवा क्‍यासुङ।

रोमी 11:30

गोमाला याङ ख्‍यिराङ यहूदी मिन्‍दुप मिरिक यम्‍बाकी मीतिवा कोन्‍छ्‍योककी खला माङ्‍येन्‍दुप यिन, यिने त याङ यहूदीतिवी कोन्‍छ्‍योककी खला माङ्‍येन्‍दुप तप्‍की ख्‍यिराङला च्‍यम्‍बा ङ्‍येनी वे।

रोमी 13:14

यिने ख्‍यिराङ काङ क्‍यासिनाङ चोवो येशू ख्रीष्‍टकी दोके की, तमा दिक्‍पा कितुप जुकी किताङ नालुला वोतुप नासाम मेलोवा मातोङ।

रोमी 2:14

यहूदी मिन्‍दुप मिरिक यम्‍बाकी मीतिवी मुला मोशाकी ठिम ति मे, यिने मोशाकी ठिमला सिक्‍यावु दोके तिवी सेम नेमा मिजी टेङ्‍बु क्‍याङ्‍सुङ सिसिन, तिवी मुला ठिम मेसिनाङ ती ति तिवी मिजीकी थोक्‍ला ठिम यिन।

रोमी 5:10

च्‍यिलासिसिन दाक्‍पु कोन्‍छ्‍योक ताङ मुला डला गल वोसिनाङ खोकी सेवु येशू ख्रीष्‍ट टुङ्‍नी दाक्‍पु कोन्‍छ्‍योक ताङ मुला डिक्‍नी तम्‍जी ल्‍यामु च्‍युङ वे। तुक क्‍यासिन त याङ येशू ख्रीष्‍ट ङोसु वोतुप तप्‍की वुतुङ के दाक्‍पु दिक्‍पा ने थरुप ति मङ तेन्‍तेन वे।

रोमी 5:9

तुक क्‍यानी त याङ खोकी ठक नेसुर दाक्‍पु कोन्‍छ्‍योककी थोङ्‍दाङला टेङ्‍बु ङ्‍येतुप तप्‍की वुतुङ के ख्रीष्‍ट नेसुर दाक्‍पु कोन्‍छ्‍योककी पर्च्या नेमा र्‍होकिवी सिरुप ति मङ तेन्‍तेन वे।

रोमी 6:12

ती तप्‍की तफेन्‍ला ख्‍यिरा शिनी डोप जु ति दिक्‍पी ओङला ख्‍येल माज्‍यी, ख्‍यिरा मिजीला ख्‍यिरा जुकी सेम मेलोवाकी ग्‍येला कि माज्‍यी।

रोमी 7:18

तुक क्‍यानी दी ताम्‍ङे ति ङला छ्‍या वे। ङे मिजीला ताम्‍ङे ल्‍यामु काङ साङ मे। च्‍यिलासिसिन काङ ल्‍यामु नोके ती लाका ति कितुप सिनी ङे नोक्‍यासिनाङ ती ति ङे कि मुथुपी।

रोमी 9:22

ती दोके कोन्‍छ्‍योककी साङ खोरे ओङ नेसुर मीतिवाला ना ताङ्‍नी खोकी पर्च्या ताङ ङार छ्‍या देन्‍दुप नोवे, यिने खोकी पर्च्या तोङ्‍गुप नो क्‍यावु मीतिवी थोक्‍ला खो हम क्‍यानी दे मुथुवी रो?

१ कोरिन्‍थी 4:7

सी ख्‍यिराङला मी यम्‍बा सिनाङ छ्‍ये यिन सिनी सिक्‍यासुङ? ख्‍यिरा मुला वोतुप तेरी मोलामतिवा कोन्‍छ्‍योककी ख्‍यिराङला नङ्‍गुप मिन रो? यिन्‍सिनाङ ख्‍यिराङ च्‍यिला तेके किवी?

२ कोरिन्थी 7:1

तुक क्‍यानी ङे ङ्‍यिङ्‍ज्‍येवु अच्‍युनुपतिवा, कोन्‍छ्‍योककी दाक्‍पुला ती ताम्‍ङेतिवा थाक्‍छ्‍येन नङ्‍गुप तप्‍की दाक्‍पी जु ताङ सेम मेचेङ्‍गा जोप तेरी परकी ताम्‍ङे मेटेङ्‍बु नेसुर कुतुक देतुप। तमा कोन्‍छ्‍योकला ताङ्‍देन क्‍यानी वुतुङ के चाङ्‍मा वोतुप मिजी क्‍योङ्‍गुप।

गलाती 3:22

यिने कोन्‍छ्‍योककी सुङला “जम्‍बुलिङकी मीतिवा तेरी दिक्‍पी ओङला वे।” सिनी वे। तुक क्‍यानी येशू ख्रीष्‍टला तेपा कितुप मीतिवाला तिराङ खोकी थाक्‍छ्‍येवु ताम्‍ङे ति थोप्‍किवी।

एफिसी 2:2

ती पेला दी जम्‍बुलिङ ताङ शैतानकी ओङ्‍ज्‍येनला वोतुप मीतिवी दोके ख्‍यिरा साङ लाका मेलोक्‍पा क्‍यासुङ। ती शैतानकी राङ तन्‍दा साङ कोन्‍छ्‌योककी सुङ मेङ्‍येन्‍दुप तिवी खला ओङ्‍ज्‍येन किवी।

एफिसी 4:22

तुक क्‍यानी ख्‍यिरा मिजी ङ्‍यिङ्‍बा नेसुर वुङ्‍गुप किताङ नालु ति मज्‍या ङ्‍यिङ्‍बा पिनी क्‍युरुप दोके क्‍यानी क्‍युर। ती मिजी ङ्‍यिङ्‍बा ति जिनोक जोप नासाम दुक्‍टा नेसुर वावु तप्‍की ना डिवी।

कलस्सी 1:21

तोङ्‍ला याङ ख्‍यिराङ लाका दुक्‍टा क्‍यानी कोन्‍छ्‍योक नेसुर थाक्‍रिङ्‍बु गल्‍नी ख्‍यिरा सेम ति खोकी तेन्‍दोकला लानी डला गल वोतुप्‍जा।

१ थेसलोनिकी 4:13

अच्‍युनुपतिवा शेपतिवी कोर्ला ख्‍यिराङ हाक्‍माकोवा क्‍यानी मेदेशी, तमा रेवा मेतुप मीतिवा दोके सेम्‍दुक क्‍यानी साङ मेदेशी सिरुप ति ङ्‍यिरा नोवा वे।

१ थेसलोनिकी 5:6

तुक क्‍यानी दाक्‍पु ति नक्‍तोमीला ङ्‍यिलोकुप मी यम्‍बा दोके ङ्‍यिमालोक्‍नी च्‍याङ्‍से देतुप।

१ तिमोथी 6:9

यिने छ्‍युक्‍पु डोप नो कितुपतिवा शैतानकी जिनोकला ख्‍येल्‍नी तोर्वाला ख्‍येलुप दोके डिवी। तमा तिवा अम्‍बारङ्‍शिङ कितुप ताङ मीला ना तोङ्‍गुप नासाम तिराङ तङ्‍नी खोरो राङ खुरुङला मेताला जोनी ना डिवी।

तीतस 3:3

च्‍यिलासिसिन येशूला तेपा कितुप गोमाला ङ्‍यिराङ साङ हम्‍बा कितुप ताङ अम्‍बारङ्‍शिङ कितुप ताङ थङ्‍गी कितुप ताङ शम्‍डेन कितुप ताङ किर्मु तिराङ छोलुप ताङ ठतोक कितुप ताङ मीतिवी ङ्‍यिङ्‍मर क्‍यावु ताङ च्‍यिककी च्‍यिकला ङ्‍यिङ्‍मर कितुप वोतुप्‍जा।

१ पत्रुस 1:14

ख्‍यिराङ कोन्‍छ्‍योककी कला ङ्‍येन्‍दुप खोकी पुज्‍युङपुमतिवा यिन्‍दुप तप्‍की गोमाला कोन्‍छ्‍योकला ङो माशेवु पेला क्‍यावु दोके सेम नोजु कितुप क्‍युर।

२ पत्रुस 2:14

तिवा नरी शम्‍डेन कितुप नासाम तिराङ तोङ्‍गिवी। तिवा चो दिक्‍पा क्‍यासिनाङ सेम लो मिदिवी, तिवी तेपा रम्‍बु मेनी सेम नटेकोटे वोतुप मीतिवाला अलम च्‍योलोम जेवी। तिवी सेम ति देर्पा कितुपला छासे खामु गिवी। तुक क्‍यानी तिवा मोताप सुकुप गिपातिवा यिन।

२ पत्रुस 2:18

तिवा अम्‍बारङ्‍शिङ कितुप ताङ तेन्‍दोक मेतुप ताम्‍ङे तिराङ किवी, तमा मलोक लाका मेलोक्‍पा कितुप क्‍युर ज्‍यकुप मीतिवाला साङ सेम नेसुर वुङ्‍गुप नासाम मेलोक्‍पाला ख्‍येल ज्‍यितुपला लुकिवी।

१ यूहन्‍ना 2:16

च्‍यिलासिसिन जम्‍बुलिङला वोतुप तेरीकी तेन्‍दोक ति मी सेमला शरुप नासाम मेलोवा ताङ मिककी थोङ्‍सिमा नासाम मेलोवा शरुप ताङ मी मिजीला ङ राङ यिन सिनी छ्‍येजु कितुप यिन। तिवा ति कोन्‍छ्‍योक नेमा वोवु मिन, यिने जम्‍बुलिङ नेसुर वावु यिन।

१ यूहन्‍ना 2:8

यिन्‍सिनाङ ङ ख्‍यिराङला क सम्‍बा यी टिकिन। ती टेङ्‍बु वोतुप क ति येशू ख्रीष्‍टला वे, तमा ख्‍यिरा मिजीला साङ वे। च्‍यिलासिसिन नक्‍तोमी ति गानी सिन्‍सुङ, वोसिर टेङ्‍बु ति वो ग्‍यकिन नोक।