एफिसी 2:22 - कोन्छ्‌योककी सुङ

²² येशू ख्रीष्‍ट नेसुर ख्‍यिराङ साङ थु चाङ्‍माकी ओङला कोन्‍छ्‌योक ज्‍युवु दासा च्‍युङ्‍गुपला तेरी मुला थिन्‍नी च्‍यिक्‍पा राङ जोयी डिवी।

एफिसी 2:22 Iomraidhean Croise

१ कोरिन्‍थी 3:16

ख्‍यिराङला छ्‍या वे? ख्‍यिराङ ति कोन्‍छ्‍योककी ल्‍हङाङ यिन। तमा खोकी थु चाङ्‍मा ति ख्‍यिरा मुला ज्‍युकिवी।

१ कोरिन्‍थी 3:9

ङ्‍यिराङ ति कोन्‍छ्‍योककी थोक्‍ला मुला राङ लाका कितुपतिवा तिराङ यिन। तमा ख्‍यिराङ ति कोन्‍छ्‍योककी शिङ ताङ खोकी जोवु खाङ्‍बा यिन।

१ कोरिन्‍थी 6:19

ख्‍यिरा जु ति कोन्‍छ्‍योककी थु चाङ्‍मा ज्‍युवु दासा यिन सिरुप ति ख्‍यिराङला छ्‍या मे? ती थु चाङ्‍मा ति कोन्‍छ्‍योककी ख्‍यिराङला नङ्‍गुप यिन। तमा ख्‍योरो मिजी ति ख्‍योरो ति मिन।

२ कोरिन्थी 6:16

कोन्‍छ्‍योककी थु चाङ्‍मा ज्‍युवु ल्‍हङाङ ताङ कुतिवी ति काङ तम्‍जी वे रो? च्‍यिलासिसिन दाक्‍पु ति ङोसु वोतुप कोन्‍छ्‍योककी थु चाङ्‍मा ज्‍युवु ल्‍हङाङ यिन। ती तप्‍की कोन्‍छ्‍योककी सुङला साङ दुक सिनी टि वे, “ङ तिवी मिजीला देतिन, तमा तिवी पर्ला फार छुर कितिन। तमा ङ तिवी कोन्‍छ्‍योक यिन, तिवा ति ङे मीतिवा यिन।”

एफिसी 3:17

तमा ख्‍यिरा क्‍यावु तेपा नेसुर ख्रीष्‍ट ख्‍यिरा सेमला ज्‍युशी। ख्‍यिरा च्‍यिककी च्‍यिकला कितुप ङ्‍यिङ्‍ज्‍ये ति दोङ्‍बी मर क्‍यङ्‍गुप दोके रम्‍बु च्‍युङ्‍शी।

१ यूहन्‍ना 3:24

येशू ख्रीष्‍टकी कला ङ्‍येन्‍दुपतिवा तेरी खोकी मुला तम्‍जी ल्‍यामु गिवी, तमा खो साङ तिवी मुला तम्‍जी ल्‍यामु गिवी। खो दाक्‍पी मुला तम्‍जी ल्‍यामु वे सिरुप ति खोकी दाक्‍पुला नङ्‍गुप थु चाङ्‍मा नेसुर हाक्‍कोकिवी।

१ यूहन्‍ना 4:13

खोकी दाक्‍पुला थु चाङ्‍मा नङ वे। तुक क्‍यानी खो दाक्‍पी मुला ज्‍यु वे, तमा दाक्‍पु खोकी मुला वे सिरुप ति दाक्‍पी हाक्‍कोकिवी।

१ यूहन्‍ना 4:16

कोन्‍छ्‍योककी दाक्‍पुला ङ्‍यिङ्‍ज्‍ये क्‍या नङ्‍गुप ति हाक्‍कोवु तप्‍की दाक्‍पी खोकी क्‍या नङ्‍गुप ङ्‍यिङ्‍ज्‍येला तेपा क्‍यावु यिन। खो ति ङ्‍यिङ्‍ज्‍ये कितुप कोन्‍छ्‍योक यिन। चुका मी तीकी मी यम्‍बाला ङ्‍यिङ्‍ज्‍ये किवे, ती मी ति कोन्‍छ्‍योककी मुला वे सिरुप हाक्‍कोकिवी। तमा कोन्‍छ्‍योक साङ तीकी मुला ज्‍युकिवी।