एफिसी 2:18 - कोन्छ्‌योककी सुङ

¹⁸ येशू नेसुर राङ दाक्‍पु ङ्‍यिकरला कोन्‍छ्‌योककी थु चाङ्‍मा ङ्‍येनी ती थु चाङ्‍मा नेमा राङ दाक्‍पु ङ्‍यिकर पपा कोन्‍छ्‍योककी चाला लेप थुप्‍किवी।

एफिसी 2:18 Iomraidhean Croise

मत्ती 28:19

ती तप्‍की ख्‍यिराङ गल्‍नी लुङ्‍बा तेरीकी मिरिकतिवाला ङे लोमा जो, तमा पपा कोन्‍छ्‍योक ताङ पुज्‍युङ ताङ खोकी थु चाङ्‍माकी मिङला तिवाला बप्‍तिस्‍मा बिन।

यूहन्‍ना 10:7

तुक क्‍यानी येशूकी येलुङ तिवाला दुक सुङ्‍सुङ, “वुतुङ के ङ ख्‍यिराङला सिरिन, लुक शुकुप खोरकी गो ति ङ राङ यिन।

यूहन्‍ना 10:9

लुक शुकुप गो ति ङ राङ यिन। सु ङ नेसुर नाङ्‍ला शुकिवे, ती ति र्‍होकिवी, तमा फिला नाङ्‍ला डोप वुङ्‍गुप ताङ चरिन ङोर्मुला च साप ङ्‍येकिवी।

यूहन्‍ना 14:6

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

रोमी 5:2

दाक्‍पी येशू ख्रीष्‍टला तेपा क्‍यावु तप्‍की खोकी दाक्‍पुला कटिन नङ्‍नी वे। ती कटिनला राङ दाक्‍पु तसाम देनी वे। तमा ज्‍युक्‍थमाला कोन्‍छ्‍योककी दाक्‍पुला नङ्‍गुप मोवाकी थोक्‍ला रेवा क्‍यानी गा किवी।

रोमी 8:15

त याङ ख्‍यिराङ ज्‍यिवा लङ्‍गुप दिक्‍पाकी ओङला मिन, कोन्‍छ्‍योककी थु चाङ्‍माकी ओङ थोपुप तप्‍की ख्‍यिराङ कोन्‍छ्‍योककी पेजातिवा यिन। तुक क्‍यानी दाक्‍पी कोन्‍छ्‍योकला “पपा” सिनी सि थुप्‍किवी।

१ कोरिन्‍थी 12:13

च्‍यिलासिसिन दाक्‍पु यहूदीतिवा यिन्‍सिनाङ ग्रीकतिवा यिन्‍सिनाङ योक्‍पुतिवा यिन्‍सिनाङ योक्‍पुतिवा मिन्‍सिनाङ कोन्‍छ्‍योककी थु चाङ्‍मा च्‍यिककी ओङला राङ दाक्‍पी बप्‍तिस्‍मा लानी जु च्‍यिक राङ च्‍युङ्‍गुप यिन। तमा दाक्‍पु तेरीला खोकी थु चाङ्‍मा साङ च्‍यिक राङ नङ्‍नी वे।

१ कोरिन्‍थी 8:6

दाक्‍पी थोक्‍ला ति पपा कोन्‍छ्‍योक च्‍यिक राङ वे। खोकी सुङ नेसुर राङ जम्‍बुलिङला वोतुप च्‍यालकतिवा तेरी ज्‍येसुङ। दाक्‍पु साङ कोन्‍छ्‍योककी थोक्‍ला मिजी क्‍योङ्‍यिन वे। तमा येशू ख्रीष्‍ट तिराङ दाक्‍पी तेपा क्‍यावु चोवो यिन। खो नेसुर राङ कोन्‍छ्‍योककी जम्‍बुलिङला वोतुप तेरी च्‍यालकतिवा ज्‍ये नाङ्‍सुङ। तमा दाक्‍पुला मिजी नङ्‍गुप साङ येशू ख्रीष्‍ट राङ यिन।

गलाती 4:6

दाक्‍पु कोन्‍छ्‍योककी पुज्‍युङ यिन्‍दुप तप्‍की खोकी खोरे सेवुकी थु ति दाक्‍पी सेमला ज्‍याङ नाङ्‍सुङ। तुक क्‍यानी दाक्‍पी खोला “पपा कोन्‍छ्‍योक” सि थुप्‍किवी।

एफिसी 3:12

दाक्‍पी खोला तेपा क्‍यावु तप्‍की दाक्‍पु तेन्‍तेन ताङ ङाडेङ क्‍यानी खोकी चिप्‍ला डोप ङ्‍येकिवी।

एफिसी 3:14

ती तप्‍की जम्‍बुलिङ ताङ देवाच्‍येनला वोतुप तेरी मिछाङतिवी मिङ जो नङ्‍गुप पपा कोन्‍छ्‌योककी चिप्‍ला पुमुङ चुनी मोपोर कितिन।

एफिसी 4:4

खोकी ख्‍यिराङला कताङ नङ्‍गुप पेला रेवा च्‍यिककी थोक्‍ला कताङ नङ्‍गुप दोके जु साङ च्‍यिक राङ यिन, खोकी थु चाङ्‍मा साङ च्‍यिक राङ यिन।

एफिसी 6:18

नरी खोकी थु चाङ्‍माकी क्‍येङ्‍नी तेरीकी थोक्‍ला मोपोर ताङ गोङ्‍बा पुल। तोजो तिराङ मिन, टेमु ताङ च्‍याङ्‍से क्‍यानी कोन्‍छ्‌योकला तेपा कितुपतिवा तेरीकी थोक्‍ला नरी मोपोर किसा।

कलस्सी 1:12

तीकी थोक्‍ला पपा कोन्‍छ्‍योकला थुचिछे पुल। खोकी ठछ्‍येली वोतुप ग्‍येल्‍खापला खोरे चाङ्‍मा वोतुप मीतिवाला तेरिन सिनी थाक्‍छ्‍येतुप ति खोकी ख्‍यिराङला ङ्‍ये छ्‍योवु जो नङ वे।

हिब्रू 7:19

च्‍यिलासिसिन ती ठिमकी सुला साङ कोन्‍छ्‍योककी थोङ्‍दाङला टेङ्‍बु जो माथुप। तुक क्‍यानी तीकी छापला कोन्‍छ्‍योककी दाक्‍पुला मङ ल्‍यामु रेवा च्‍यिक नङ वे। ती रेवाकी दाक्‍पुला कोन्‍छ्‍योककी चाला क्‍योल्‍गिवी।

याकूब 3:9

दी दाक्‍पी च्‍येलाककी राङ दाक्‍पी पपा कोन्‍छ्‍योकला सोवा साङ देकिवी, खोकी जुजमला जो नङ्‍गुप मीतिवाला मोताप साङ देप्‍किवी।

१ पत्रुस 1:17

तमा सुला साङ ख्‍ये मापेवा क्‍यानी मीतिवी क्‍यावु लाका ल्हानी ठिम क्‍या नङ्‍गुप कोन्‍छ्‍योक ति ख्‍यिरा पपा सिनी सिक्‍यावु तप्‍की दी जम्‍बुलिङला देतुप पर सेक नरी खोला ज्‍यिवा खुर्नी मिजी क्‍योङ।

१ पत्रुस 1:21

खो नेसुर ख्‍यिरा कोन्‍छ्‍योकला तेपा क्‍या वे। कोन्‍छ्‍योककी येशूला टुङ्‍नी शेपतिवा नेसुर ङोसु लङ च्‍यिनी मोवा नाङ्‍सुङ। तुक क्‍यानी ख्‍यिरा तेपा ताङ रेवा ति कोन्‍छ्‍योकला ज्‍याक्‍नी वे।

१ पत्रुस 3:18

च्‍यिलासिसिन चोवो येशू ख्रीष्‍ट साङ दिक्‍पातिवी तेन्‍दोकला थेङ्‍मा च्‍यिक टुङ्‍सुङ, खो दिक्‍पा मेसिनाङ मेटेङ्‍बुतिवाला कोन्‍छ्‍योककी मुला तम्‍जी ल्‍यामु जोपला टुङ्‍गुप यिन। खोकी जु ति टुङ सिनाङ खोकी थु ति कोन्‍छ्‍योककी ङोसु लाङ्‍सुङ।

यहूदा 1:20

यिने अच्‍युनुपतिवा, ख्‍यिराङ ति छासे चाङ्‍मा वोतुप तेपाला रम्‍बु च्‍युङ्‍नी फेलिन ग्‍युक। तमा कोन्‍छ्‍योककी थु चाङ्‍माकी ओङला देनी मोपोर किसा।