एफिसी 2:16 - कोन्छ्‌योककी सुङ

¹⁶ तमा येशू ख्रीष्‍ट ग्‍यङ्‍शिङला टुङ्‍नी दाक्‍पु ङ्‍यिकरला डला गलुप ति च्‍यिक राङ जोनी कोन्‍छ्‌योक ताङ मुला थिन च्‍यिसुङ। तमा यहूदी ताङ मिरिक यम्‍बाकी मीतिवी पर्ला ङ्‍यिङ्‍मर कितुप ताम्‍ङेतिवा ना ताङ नाङ्‍सुङ।

एफिसी 2:16 Iomraidhean Croise

रोमी 5:10

च्‍यिलासिसिन दाक्‍पु कोन्‍छ्‍योक ताङ मुला डला गल वोसिनाङ खोकी सेवु येशू ख्रीष्‍ट टुङ्‍नी दाक्‍पु कोन्‍छ्‍योक ताङ मुला डिक्‍नी तम्‍जी ल्‍यामु च्‍युङ वे। तुक क्‍यासिन त याङ येशू ख्रीष्‍ट ङोसु वोतुप तप्‍की वुतुङ के दाक्‍पु दिक्‍पा ने थरुप ति मङ तेन्‍तेन वे।

रोमी 6:6

दाक्‍पी दिक्‍पा वोतुप मिजी ति ना डोशी, तमा येलुङ दाक्‍पु दिक्‍पी ओङला मेख्‍येल्‍शी सिनी दाक्‍पी मिजी ङ्‍यिङ्‍बा ति खो ताङ मुला राङ ग्‍यङ्‍शिङ लोला कल्‍नी शेप यिन सिरुप ति दाक्‍पुला छ्‍या वे।

रोमी 8:3

मीतिवाला दिक्‍पा वोतुप तप्‍की मोशाकी ठिमकी काङ साङ कि मुथुप्‍नोक, यिने कोन्‍छ्‍योककी तिवी थोक्‍ला क्‍यासुङ। तीकी तेन्‍दोक ति खोकी च्‍यिक राङ वोतुप सेवु येशू ख्रीष्‍ट ति दिक्‍छेन दोके दी जम्‍बुलिङला ताङ्‍नी मीतिवी दिक्‍पी थोक्‍ला जिन्‍बा च्‍युङ्‍सुङ। तमा मीतिवी क्‍यावु दिक्‍पाकी छ्‍येर्पा ति खोकी खला ख्‍येल च्‍यिसुङ।

रोमी 8:7

तमा दिक्‍पी नासाम ताङ्‍नी युकुप ति कोन्‍छ्‍योक ताङ मुला डला गलुप यिन, च्‍यिलासिसिन तुका मी ति कोन्‍छ्‍योककी नङ्‍गुप ठिमला सिक्‍यावु दोके युकुप साङ मुयुकिवी, कितुप साङ मुथुपी।

१ कोरिन्‍थी 10:17

दाक्‍पु बङी वोसिनाङ दाक्‍पी साप शुब्‍ज्‍याङ ति च्‍यिक राङ वोतुप तप्‍की दाक्‍पी जु ति च्‍यिक राङ यिन। च्‍यिलासिसिन दाक्‍पु तेरीकी शुब्‍ज्‍याङ च्‍यिक नेसुर मुला राङ सेवी।

गलाती 2:20

ङ ख्रीष्‍ट ताङ मुला ग्‍यङ्‍शिङ लोला कलुप यिन। तुक क्‍यानी तन्‍दा ङे क्‍योङ्‍गुप मिजी ति ङे ति मिन, ख्रीष्‍टकी ति यिन। दी मिजी ति ङला ङ्‍यिङ्‍ज्‍ये क्‍यानी खोरे मिजी साङ ङे थोक्‍ला नङ्‍गुप कोन्‍छ्‍योककी सेवुला तेपा क्‍यानी क्‍योङ्‍गिवी।

एफिसी 2:15

तमा यहूदीतिवी छ्‌यो नाङ्‍ला वोतुप तेरी लुक्‍सुतिवा ना तङ्‍नी खो नेसुर यहूदी ताङ यहूदी मिन्‍दुप मिरिक यम्‍बा ङ्‍यिकरला लोदिमु वोतुप मी सम्‍बा जो नाङ्‍सुङ।

एफिसी 3:6

ती छ्‍याकला वोतुप ताम्‍ङेकी तेन्‍दोक ति लेन ल्‍यामु नेसुर राङ यहूदी मिन्‍दुप मिरिक यम्‍बातिवाला साङ यहूदीतिवाला थोपुप कोन्‍छ्‌योककी मोलाम ति मुला राङ थोप्‍नी वे। तमा दाक्‍पु तेरी येशू ख्रीष्‍ट ताङ मुला जु च्‍यिक्‍पा राङ च्‍युङ्‍नी खोकी खोरे मीतिवाला थाक्‍छ्‌येन नङ्‍गुप साङ मुला राङ थोप्‍नी वे।

एफिसी 4:4

खोकी ख्‍यिराङला कताङ नङ्‍गुप पेला रेवा च्‍यिककी थोक्‍ला कताङ नङ्‍गुप दोके जु साङ च्‍यिक राङ यिन, खोकी थु चाङ्‍मा साङ च्‍यिक राङ यिन।

कलस्सी 2:14

तीकी तेन्‍दोक ति खोकी दाक्‍पुला क्‍येन फोकुप दाक्‍पी क्‍यावु दिक्‍पी थोक्‍ला टिवु यिकीतिवा तेरी ख्रीष्‍टकी मुला राङ ग्‍यङ्‍शिङला काँडी दाप्‍नी ना ताङ्‍सुङ।

कलस्सी 3:15

ख्रीष्‍टकी ख्‍यिराङला लोदिमु नङ्‍गुप तप्‍की ख्‍यिराङ च्‍यिककी च्‍यिकला नरी ङ्‍यिङ्‍ज्‍ये की। च्‍यिलासिसिन ख्‍यिराङ च्‍यिककी च्‍यिकला लोदिमु क्‍यानी सेम थिन्‍नी देतुपला राङ कोन्‍छ्‍योककी ख्‍यिराङला कताङ नङ्‍गुप यिन। तीकी थोक्‍ला ख्‍यिरा खोला थुचिछे पुल।