एफिसी 2:15 - कोन्छ्‌योककी सुङ

¹⁵ तमा यहूदीतिवी छ्‌यो नाङ्‍ला वोतुप तेरी लुक्‍सुतिवा ना तङ्‍नी खो नेसुर यहूदी ताङ यहूदी मिन्‍दुप मिरिक यम्‍बा ङ्‍यिकरला लोदिमु वोतुप मी सम्‍बा जो नाङ्‍सुङ।

एफिसी 2:15 Iomraidhean Croise

२ कोरिन्थी 5:17

तुक क्‍यानी सी ख्रीष्‍टला तेपा क्‍यावे, ती ति मिजी सम्‍बा फोवु यिन। गोमी मिजी ति तोर्नी गाल्‍सुङ। ल्‍होसा, त याङ मिजी सम्‍बा च्‍युङ वे।

गलाती 3:10

तमा मोशाकी ठिमला तिराङ तेन्‍नी टेङ्‍बु च्‍युङ्‍गुप छोलुपतिवा तेरीला पर्च्या फोकिवी। च्‍यिलासिसिन कोन्‍छ्‍योककी सुङला दुक सिनी टि वे, “मोशाकी ठिमला वोतुप क तेरीला नरी मेङ्‍येन्‍दुप मीतिवाला पर्च्या फोकिवी।”

गलाती 3:28

तुक क्‍यानी कोन्‍छ्‍योककी थोङ्‍दाङला ख्‍यिरा नाङ्‍ला काङ ख्‍ये मे, यहूदी साङ मिन, ग्रीककी मी साङ मिन। योक्‍पु साङ मिन, ज्‍यिन्‍दाक साङ मिन। पुम्‍पेजा साङ मिन, ख्‍योक्‍पेजा साङ मिन। येशू ख्रीष्‍टला तेपा क्‍यासिमा ख्‍यिराङ तेरी च्‍यिक्‍पा राङ यिन।

गलाती 6:15

च्‍यिलासिसिन ख्रीष्‍ट येशू नेसुर खक्‍छ्‍येवु मिजी सम्‍बा ङ्‍येसिमा यहूदी च्‍येतुप लुक्‍सु क्‍यासिनाङ माक्‍यासिनाङ काङ साङ ख्‍येप्‍साङ मे।

एफिसी 2:10

दाक्‍पु ति कोन्‍छ्‌योककी थोक्‍ला लाका ल्‍यामु कितुपला ख्रीष्‍ट नेसुर खोकी छ्‍याककी ज्‍येवु यिन। दाक्‍पु खोकी नोवाला वोतुप दोके युक्‍शी सिनी खोकी दाक्‍पुला तोङ्‍ला के ज्‍येवु यिन।

एफिसी 2:14

दाक्‍पुला सेम च्‍यिक्‍पा राङ जो नङ्‍गुप ति येशू ख्रीष्‍ट यिन। खोकी राङ यहूदी ताङ यहूदी मिन्‍दुप मिरिक यम्‍बाकी मीतिवा ङ्‍यिकरला च्‍यिक राङ जो नाङ्‍सुङ। तमा खो टुङ्‍नी खोरो जु नेसुर दाक्‍पी पर्ला डला जोप तम्‍जी मेलोक्‍पातिवा तेरी ना ताङ्‍सुङ।

एफिसी 2:16

तमा येशू ख्रीष्‍ट ग्‍यङ्‍शिङला टुङ्‍नी दाक्‍पु ङ्‍यिकरला डला गलुप ति च्‍यिक राङ जोनी कोन्‍छ्‌योक ताङ मुला थिन च्‍यिसुङ। तमा यहूदी ताङ मिरिक यम्‍बाकी मीतिवी पर्ला ङ्‍यिङ्‍मर कितुप ताम्‍ङेतिवा ना ताङ नाङ्‍सुङ।

एफिसी 4:16

ती गो नेसुर दाक्‍पी जुकी तेरी थिन्‍जामतिवा थिनी जु च्‍यिक च्‍युङ्‍गिवी। तमा जुला वोतुप तेरी येन्‍लकतिवी दाक दाक्‍पी लाका ल्‍यामु क्‍यासिमा जु ति मङ रम्‍बु डिवी। तमा च्‍यिककी च्‍यिकला ङ्‍यिङ्‍ज्‍ये कियी ती जु ति खोरुङ राङ फरिन डिवी।

कलस्सी 2:14

तीकी तेन्‍दोक ति खोकी दाक्‍पुला क्‍येन फोकुप दाक्‍पी क्‍यावु दिक्‍पी थोक्‍ला टिवु यिकीतिवा तेरी ख्रीष्‍टकी मुला राङ ग्‍यङ्‍शिङला काँडी दाप्‍नी ना ताङ्‍सुङ।

कलस्सी 2:20

ख्‍यिराङ याङ ख्रीष्‍टकी मुला राङ शिनी दी जम्‍बुलिङला ओङ्‍ज्‍येन क्‍यावु ठिम नेसुर थर्नी वे। यिन्‍सिनाङ च्‍यिला दी जम्‍बुलिङकी ठिमला वोतुप मीतिवी दोके मिजी क्‍योङ्‍गिवी?

कलस्सी 3:10

ख्‍यिरा रङगी मिजी सम्‍बा फोनी वे। तुक क्‍यानी ख्‍यिराङ जो नङ्‍गुप कोन्‍छ्‍योककी ख्‍यिरा मिजी साङ खोकी किताङ नालु दोके मङ मङ सम्‍बा जो नङ्‍गिवी। तमा ख्‍यिरा खोकी रिक्‍पाकी कोर्ला ल्‍यामो क्‍यानी हाक्‍कोकिवी।

कलस्सी 3:11

कोन्‍छ्‍योककी मिजी सम्‍बा जो नङ्‍गुप तप्‍की दे याङ ग्रीक ताङ यहूदी, च्‍येतुप लुक्‍सु क्‍यावु ताङ च्‍येतुप लुक्‍सु माक्‍यावु, छ्‍यिग्‍यपकी मी ताङ च्‍योलाम ल्‍यामु मेतुप मी, योक्‍पु ताङ योक्‍पु मिन्‍दुप मीतिवी पर्ला काङ साङ ख्‍ये मे। यिने ख्रीष्‍ट तिराङ तेरी सिनाङ खक्‍छ्‍येवु वे, तमा खो ति तेरी मीतिवी मुला ज्‍यु वे।

कलस्सी 3:15

ख्रीष्‍टकी ख्‍यिराङला लोदिमु नङ्‍गुप तप्‍की ख्‍यिराङ च्‍यिककी च्‍यिकला नरी ङ्‍यिङ्‍ज्‍ये की। च्‍यिलासिसिन ख्‍यिराङ च्‍यिककी च्‍यिकला लोदिमु क्‍यानी सेम थिन्‍नी देतुपला राङ कोन्‍छ्‍योककी ख्‍यिराङला कताङ नङ्‍गुप यिन। तीकी थोक्‍ला ख्‍यिरा खोला थुचिछे पुल।

हिब्रू 7:16

खो मीतिवी जोवु ठिम नेसुर कोङ्‍यार च्‍युङ्‍गुप मिन, यिने नाम्‍साङ मिशिवु ङार नेसुर कोङ्‍यार च्‍युङ्‍गुप यिन।

हिब्रू 8:13

खोकी “थाक्‍छ्‍येवु ताम्‍ङे सम्‍बा” सिनी खोकी गोमाला थाक्‍छ्‍येवु ताम्‍ङेला ङ्‍यिङ्‍बा जो नाङ्‍सुङ। तमा ती ङ्‍यिङ्‍बा गलुप ताङ फेन मोथोवुतिवा ति तेरी ङमु राङ तोर्नी डिवी।

हिब्रू 9:23

दी जम्‍बुलिङला वोतुप देवाच्‍येनकी च्‍यालक जुमातिवा चाङ्‍मा जोपला सेम्‍ज्‍येन सेनी जिन्‍बा बुल गोसुङ सिसिन देवाच्‍येनला वोतुप च्‍यालकतिवाला चाङ्‍मा जोपला याङ ती सेम्‍ज्‍येन सिनाङ मङ खक्‍छ्‍येवु ठककी जिन्‍बा तोङ गोकिवी।