एफिसी 2:13 - कोन्छ्‌योककी सुङ

¹³ तोङ्‍ला ख्‍यिराङ मिरिक यम्‍बा यिन्‍दुप तप्‍की कोन्‍छ्‌योक नेमा थाक्‍रिङ्‍बु गाल्‍नोक, यिने त याङ येशू ख्रीष्‍टकी ठक नेसुर ख्‍यिराङ कोन्‍छ्‌योक ताङ मुला थाक्‍ङ्‍यिमु गल वे।

एफिसी 2:13 Iomraidhean Croise

यूहन्‍ना 10:16

ङे मुला दी खोरकी नाङ्‍ला मेतुप यम्‍बा लुकतिवा साङ वे। ङे तिवाला साङ टिनी वुङ गोकिवी। तिवी साङ ङे वोरु थोकिवी, तमा तिवा तेरी गोठाला च्‍यिककी मयी च्‍यिक राङ च्‍युङ्‍गिवी।

लोमा छ्‍येतिवी लाका 15:14

यहूदी मिन्‍दुप मिरिक यम्‍बाकी मीतिवी पर नेमा कोन्‍छ्‍योककी खोरो थोक्‍ला गिपा मिरा च्‍यिक पेतुप ताम्‍ङे ति सिमोन पत्रुसकी सिक्‍या वे।

लोमा छ्‍येतिवी लाका 2:39

च्‍यिलासिसिन कोन्‍छ्‍योककी थाक्‍छ्‍येवु ति ख्‍युरुङ ताङ ख्‍योरो गिपा ताङ थाक्‍रिङ्‍बु वोतुप मीतिवा ताङ सु सुला खोकी कताङ नङ्‍गिवे तिवा तेरीकी थोक्‍ला यिन।”

लोमा छ्‍येतिवी लाका 22:21

यिन्‍सिनाङ चोवोकी ङला ‘ख्‍युरुङ ग्‍युक! च्‍यिलासिसिन ङ ख्‍युरुङला थाक्‍रिङ्‍बुकी यहूदी मिन्‍दुप मिरिक यम्‍बाकी मीतिवी ते ङे थोक्‍ला पङ्‍बु तेरुपला तोङ्‍यिन।’ सिनी सुङ्‍सुङ।”

लोमा छ्‍येतिवी लाका 26:18

ख्‍युरुङ गल्‍नी ख्‍योरो गिपाकी मीतिवाला कोन्‍छ्‍योककी थाकाला ग्‍युर च्‍यी। तमा तिवा नक्‍तोमी वुङ नेसुर ठछ्‍येलीला ग्‍युर्नी शैतानकी ओङ नेसुर कोन्‍छ्‍योककी थाकाला वुङ्‍शी। तुक क्‍यासिन तिवी दिक्‍पा ताकिवी, तमा ङला तेपा क्‍यानी टेङ्‍बु गलुपतिवी पर्ला देतुप ङ्‍येकिवी।’ सिनी सुङ्‍सुङ।

रोमी 8:1

तुक क्‍यानी त याङ येशू ख्रीष्‍टला तेपा कितुपतिवाला कोन्‍छ्‍योककी पर्च्या मोफोकिवी।

१ कोरिन्‍थी 1:30

यिने कोन्‍छ्‍योककी ख्‍यिराङला येशू ख्रीष्‍ट ताङ मुला जु च्‍यिक राङ जो नङ्‍गुप यिन। खोकी ख्रीष्‍ट नेमा दाक्‍पुला खोकी रिक्‍पा नाङ्‍सुङ। तमा खोकी थोङ्‍दाङला दाक्‍पुला चाङ्‍मा ताङ टेङ्‍बु वोतुप जोनी दिक्‍पा ने थर च्‍यिसुङ।

१ कोरिन्‍थी 12:13

च्‍यिलासिसिन दाक्‍पु यहूदीतिवा यिन्‍सिनाङ ग्रीकतिवा यिन्‍सिनाङ योक्‍पुतिवा यिन्‍सिनाङ योक्‍पुतिवा मिन्‍सिनाङ कोन्‍छ्‍योककी थु चाङ्‍मा च्‍यिककी ओङला राङ दाक्‍पी बप्‍तिस्‍मा लानी जु च्‍यिक राङ च्‍युङ्‍गुप यिन। तमा दाक्‍पु तेरीला खोकी थु चाङ्‍मा साङ च्‍यिक राङ नङ्‍नी वे।

१ कोरिन्‍थी 6:11

गोमाला याङ ख्‍यिराङ साङ ललाइ तुकै राङ नोक। यिने त याङ चोवो येशू ख्रीष्‍ट ताङ दाक्‍पी कोन्‍छ्‍योककी थु चाङ्‍मा नेमा ख्‍यिरा दिक्‍पातिवा तानी ख्‍यिराङ टेङ्‍बु ताङ चाङ्‍मा च्‍युङ वे।

२ कोरिन्थी 5:17

तुक क्‍यानी सी ख्रीष्‍टला तेपा क्‍यावे, ती ति मिजी सम्‍बा फोवु यिन। गोमी मिजी ति तोर्नी गाल्‍सुङ। ल्‍होसा, त याङ मिजी सम्‍बा च्‍युङ वे।

गलाती 3:28

तुक क्‍यानी कोन्‍छ्‍योककी थोङ्‍दाङला ख्‍यिरा नाङ्‍ला काङ ख्‍ये मे, यहूदी साङ मिन, ग्रीककी मी साङ मिन। योक्‍पु साङ मिन, ज्‍यिन्‍दाक साङ मिन। पुम्‍पेजा साङ मिन, ख्‍योक्‍पेजा साङ मिन। येशू ख्रीष्‍टला तेपा क्‍यासिमा ख्‍यिराङ तेरी च्‍यिक्‍पा राङ यिन।

एफिसी 1:1

टसी देलेक! दी यिकी ति कोन्‍छ्‌योककी नोवा नेसुर ख्रीष्‍ट येशूकी लोमा छ्‌ये च्‍युङ्‍गुप ङ पावलकी छ्‍योक नेसुर येशू ख्रीष्‍टला तेपा क्‍यानी खोङ्‍तेर्मु वोतुप एफिससकी मीतिवाला टिवु यिनो।

एफिसी 1:7

तमा खोकी ग्‍यक्‍चेकी कटिन नेसुर येशू ख्रीष्‍ट दाक्‍पी दिक्‍पी थोक्‍ला टुङ्‍नी खोकी ठककी दाक्‍पी दिक्‍पा ता च्‍यिनी दाक्‍पुला थर्वा ङ्‍येन वे।

एफिसी 2:10

दाक्‍पु ति कोन्‍छ्‌योककी थोक्‍ला लाका ल्‍यामु कितुपला ख्रीष्‍ट नेसुर खोकी छ्‍याककी ज्‍येवु यिन। दाक्‍पु खोकी नोवाला वोतुप दोके युक्‍शी सिनी खोकी दाक्‍पुला तोङ्‍ला के ज्‍येवु यिन।

एफिसी 2:12

ती पेला येशू ख्रीष्‍टला ख्‍यिरा ङो माशेवु तप्‍की इस्राएलकी गिपा माच्‍युङ। तमा ख्‍यिराङ ति कोन्‍छ्‌योककी थाक्‍छ्‌येतुप ठिम नेसुर थाक्‍रिङ्‍बु गल्‍नी दी जम्‍बुलिङला रेवा मेतुप ताङ कोन्‍छ्‌योक ङो माशेनी दे नोक।

एफिसी 2:2

ती पेला दी जम्‍बुलिङ ताङ शैतानकी ओङ्‍ज्‍येनला वोतुप मीतिवी दोके ख्‍यिरा साङ लाका मेलोक्‍पा क्‍यासुङ। ती शैतानकी राङ तन्‍दा साङ कोन्‍छ्‌योककी सुङ मेङ्‍येन्‍दुप तिवी खला ओङ्‍ज्‍येन किवी।

एफिसी 2:6

तमा खोकी मुला राङ दाक्‍पुला सेन्‍बु लङ्‍नी देवाच्‍येनला येशू ख्रीष्‍टकी मुला ज्‍याक्‍नी नाङ्‍सुङ।

हिब्रू 9:18

तुक क्‍यानी गोमाला थाक्‍छ्‍येतुप ताम्‍ङेला साङ ठक मातेन्‍दा सेक्‍ला लाका कि माथुप।

१ पत्रुस 3:18

च्‍यिलासिसिन चोवो येशू ख्रीष्‍ट साङ दिक्‍पातिवी तेन्‍दोकला थेङ्‍मा च्‍यिक टुङ्‍सुङ, खो दिक्‍पा मेसिनाङ मेटेङ्‍बुतिवाला कोन्‍छ्‍योककी मुला तम्‍जी ल्‍यामु जोपला टुङ्‍गुप यिन। खोकी जु ति टुङ सिनाङ खोकी थु ति कोन्‍छ्‍योककी ङोसु लाङ्‍सुङ।

ज्‍यल्‍का 5:9

तिवा दुक सियी लु सम्‍बा यी लङ्‍गिनोक, “ख्‍युरुङ दी शुकी बिटप लङ्‍गुप ताङ तीकी लज्‍युरतिवा तोल छ्‍योवु वे। ख्‍युरुङ सेतुप यिन, यिन्‍सिनाङ शेप ने ङोसु लानी ख्‍योरे ठककी गोङ तेनी कोन्‍छ्‍योककी थोक्‍ला तेरी गिपा ताङ ग्‍येताम ताङ मिरिककी मीतिवा ताङ लुङ्‍बाला ङ्‍योसुङ।