एफिसी 2:10 - कोन्छ्‌योककी सुङ

¹⁰ दाक्‍पु ति कोन्‍छ्‌योककी थोक्‍ला लाका ल्‍यामु कितुपला ख्रीष्‍ट नेसुर खोकी छ्‍याककी ज्‍येवु यिन। दाक्‍पु खोकी नोवाला वोतुप दोके युक्‍शी सिनी खोकी दाक्‍पुला तोङ्‍ला के ज्‍येवु यिन।

एफिसी 2:10 Iomraidhean Croise

मत्ती 5:16

ती दोके ख्‍यिरा वोसिर ति मीतिवी चिप्‍ला ग्‍यक च्‍यिनी तिवी ख्‍यिरा क्‍यावु लाका ल्‍यामु थोङ्‍नी देवाच्‍येनला ज्‍यु वोतुप ख्‍यिरा पपा कोन्‍छ्‍योकला सोवा देक च्‍यी।”

यूहन्‍ना 3:21

यिने टेङ्‍बु कितुपतिवा वोसिरकी चाला गिवी, च्‍यिलासिसिन तिवी क्‍यावु लाका ति वुतुङ के कोन्‍छ्‍योक नेमा राङ क्‍यावु यिन सिनी मी यम्‍बाला ठछ्‍येली हाक्‍को ज्‍यितुपला यिन।”

लोमा छ्‍येतिवी लाका 9:31

तमा यहूदिया ताङ गालील ताङ सामरियाला वोतुप तेरी चर्चतिवाला लोदिमु ताङ रम्‍बु डोयी गाल। तेपा कितुपतिवा कोन्‍छ्‍योकला ज्‍यिवा क्‍यानी खोकी सुङला युकुप ताङ खोकी थु चाङ्‍माकी टोङ्‍गु ङ्‍येनी चर्चतिवा मङ मङ फरिन गाल्‍सुङ।

लोमा छ्‍येतिवी लाका 9:36

योप्‍पा ग्‍येसाला तबीता सिरुप पुम्‍पेजा यी देकिनोक। तीकी मिङ ति ग्रीक ताम्‍ङेला डोरकास सिनोक। तीकी नरी लाका टेङ्‍बु तिराङ कितुप ताङ पेराङ्‍बुतिवाला साङ दाल्‍जा किनोक।

रोमी 8:1

तुक क्‍यानी त याङ येशू ख्रीष्‍टला तेपा कितुपतिवाला कोन्‍छ्‍योककी पर्च्या मोफोकिवी।

रोमी 8:29

खोकी जम्‍बुलिङ ज्‍येङ्‍गुप सिनाङ गोमाला के खोरे ङो शेवु मीतिवाला पेनी खोरे पुज्‍युङकी जुजम दोके च्‍युङ्‍गुपला जो नाङ्‍सुङ। तुक क्‍यानी ती पुज्‍युङ ति नुपतिवी नाङ्‍ला तेरी सिनाङ छ्‍ये च्‍युङ्‍गुप यिन।

१ कोरिन्‍थी 3:9

ङ्‍यिराङ ति कोन्‍छ्‍योककी थोक्‍ला मुला राङ लाका कितुपतिवा तिराङ यिन। तमा ख्‍यिराङ ति कोन्‍छ्‍योककी शिङ ताङ खोकी जोवु खाङ्‍बा यिन।

२ कोरिन्थी 5:17

तुक क्‍यानी सी ख्रीष्‍टला तेपा क्‍यावे, ती ति मिजी सम्‍बा फोवु यिन। गोमी मिजी ति तोर्नी गाल्‍सुङ। ल्‍होसा, त याङ मिजी सम्‍बा च्‍युङ वे।

२ कोरिन्थी 5:5

दी तेरी दाक्‍पी थोक्‍ला टडिक क्‍या नङ्‍गुप ति कोन्‍छ्‍योक राङ यिन। ती थाक्‍छ्‍येतुपकी थोक्‍ला खोकी दाक्‍पुला थु चाङ्‍मा नङ्‍नी वे।

२ कोरिन्थी 9:8

कोन्‍छ्‍योककी ख्‍यिराङला तेरी मोलाम ति छासे क्‍यानी नङ्‍गिवी। तुक क्‍यानी ख्‍यिराङला तेरी गोवु च्‍यालकतिवा छासे क्‍यानी च्‍युङ्‍नी गोवु सिनाङ मङ छाछिङी डिवी, तमा ख्‍यिरा मी यम्‍बाला ल्‍यामु कितुपला तेर थुप्‍किवी।

गलाती 6:15

च्‍यिलासिसिन ख्रीष्‍ट येशू नेसुर खक्‍छ्‍येवु मिजी सम्‍बा ङ्‍येसिमा यहूदी च्‍येतुप लुक्‍सु क्‍यासिनाङ माक्‍यासिनाङ काङ साङ ख्‍येप्‍साङ मे।

एफिसी 1:1

टसी देलेक! दी यिकी ति कोन्‍छ्‌योककी नोवा नेसुर ख्रीष्‍ट येशूकी लोमा छ्‌ये च्‍युङ्‍गुप ङ पावलकी छ्‍योक नेसुर येशू ख्रीष्‍टला तेपा क्‍यानी खोङ्‍तेर्मु वोतुप एफिससकी मीतिवाला टिवु यिनो।

एफिसी 1:4

ती मोलाम ति खोकी थोङ्‍दाङला दाक्‍पु चाङ्‍मा ताङ क्‍येन मेतुप च्‍युङ्‍शी सिनी जम्‍बुलिङ ज्‍येङ्‍गुप सिनाङ गोमाला के खोकी दाक्‍पुला पेन नङ्‍गुप यिन।

एफिसी 2:13

तोङ्‍ला ख्‍यिराङ मिरिक यम्‍बा यिन्‍दुप तप्‍की कोन्‍छ्‌योक नेमा थाक्‍रिङ्‍बु गाल्‍नोक, यिने त याङ येशू ख्रीष्‍टकी ठक नेसुर ख्‍यिराङ कोन्‍छ्‌योक ताङ मुला थाक्‍ङ्‍यिमु गल वे।

एफिसी 2:15

तमा यहूदीतिवी छ्‌यो नाङ्‍ला वोतुप तेरी लुक्‍सुतिवा ना तङ्‍नी खो नेसुर यहूदी ताङ यहूदी मिन्‍दुप मिरिक यम्‍बा ङ्‍यिकरला लोदिमु वोतुप मी सम्‍बा जो नाङ्‍सुङ।

एफिसी 2:2

ती पेला दी जम्‍बुलिङ ताङ शैतानकी ओङ्‍ज्‍येनला वोतुप मीतिवी दोके ख्‍यिरा साङ लाका मेलोक्‍पा क्‍यासुङ। ती शैतानकी राङ तन्‍दा साङ कोन्‍छ्‌योककी सुङ मेङ्‍येन्‍दुप तिवी खला ओङ्‍ज्‍येन किवी।

एफिसी 2:6

तमा खोकी मुला राङ दाक्‍पुला सेन्‍बु लङ्‍नी देवाच्‍येनला येशू ख्रीष्‍टकी मुला ज्‍याक्‍नी नाङ्‍सुङ।

एफिसी 4:1

तुक क्‍यानी ख्रीष्‍टकी थोक्‍ला चोन्‍खाङला शोरुप ङ ख्‍यिराङला ठाकुरे सिनी गोङ्‍बा शोयी। कोन्‍छ्‌योककी ख्‍यिराङला काङगी थोक्‍ला कताङ वे, ती दोके राङ मिजी क्‍योङ।

एफिसी 4:24

मज्‍या सम्‍बा कोन्‍दुप दोके ख्‍यिरा मिजी साङ सम्‍बा फोकिवी। ती मिजी सम्‍बा ति कोन्‍छ्‌योक दोके टेङ्‍बु ताङ मोवा वोतुप च्‍युङ्‍गुप यिन।

फिलिप्पी 1:6

तमा ख्‍यिरा मिजीला लाका ल्‍यामु गो जुवु कोन्‍छ्‍योककी राङ येशू ख्रीष्‍ट फेवु तुजे सेक ख्‍यिरा मुला ज्‍युनी ती लाका ति सिन्‍दा किवी सिरुप ति ङला तेपा वे।

फिलिप्पी 2:13

च्‍यिलासिसिन कोन्‍छ्‍योककी ख्‍यिराङला खोरे नोवाला वोतुप दोके कितुप नासाम तोङ्‍गुप ताङ ती दोके लाका कितुप ओङ नाङ्‍नी ख्‍यिरा मिजी नेमा लाका कियी वे।

कलस्सी 1:10

तुक क्‍यासिन ख्‍यिरा चोवोकी सेमला डोप मिजी क्‍याङ्‍नी नरी खोला गा लोङ थुप्‍किवी। तमा ख्‍यिराङ तेरी मङ मङ लाका ल्‍यामु कितुप च्‍युङ्‍नी कोन्‍छ्‍योककी नङ्‍गुप रिक्‍पाला फरिन डिवी।

कलस्सी 3:10

ख्‍यिरा रङगी मिजी सम्‍बा फोनी वे। तुक क्‍यानी ख्‍यिराङ जो नङ्‍गुप कोन्‍छ्‍योककी ख्‍यिरा मिजी साङ खोकी किताङ नालु दोके मङ मङ सम्‍बा जो नङ्‍गिवी। तमा ख्‍यिरा खोकी रिक्‍पाकी कोर्ला ल्‍यामो क्‍यानी हाक्‍कोकिवी।

२ थेसलोनिकी 2:17

ख्‍यिरा सेमला लोदिमु नङ्‍शी, तमा तेरी लाका ताङ ताम्‍ङे ल्‍यामु कितुपला ख्‍यिराङला रम्‍बु जो नङ्‍शी।

१ तिमोथी 2:10

यिने किताङ नालु ल्‍यामु वुङ गोकिवी। तुक कितुप ति कोन्‍छ्‍योकला मोवा कितुप पुम्‍पेजातिवाला पोमु गिवी।

१ तिमोथी 5:10

तीकी पुज्‍युङपुमतिवा ल्‍यामु क्‍यानी र्‍होलुप ताङ खोरो खाङ्‍बा वुङ्‍गुप डेन्‍बुतिवाला ताङ्‍देन क्‍यावु ताङ कोन्‍छ्‍योकला तेपा कितुपतिवाला शब्‍ज्‍यी क्‍यावु ताङ दुक्‍पाला ख्‍येलुपतिवाला दाल्‍जा किटे कितुप ताङ लाका काङ साङ ल्‍यामु क्‍यानी मी यम्‍बाला खोरो किताङ नालु ल्‍यामु वोतुप ति छ्‍या तेन्‍दुप वुङ गोकिवी।

१ तिमोथी 5:25

तुक राङ क्‍यानी मीतिवी क्‍यावु लाका ल्‍यामुतिवा साङ ठछ्‍येली थोङ्‍गिवी। ललाइकी क्‍यावु ठछ्‍येली मेतुप लाका साङ छ्‍याकला लु मुथुपी, ङ्‍यिम्‍ज्‍यिक ठछ्‍येली थोङ्‍गिवी।

१ तिमोथी 6:18

तमा तिवाला “मी यम्‍बाला ल्‍यामु कितुप ताङ लाका ल्‍यामु कितुप सेम वोतुप ताङ सेम बोल्‍मु वोतुप ताङ रङगी लोला वोतुप टोङ्‍बातिवा कतुकारला ख्‍येलुपतिवाला तेरुप सेम वोतुप च्‍युङ गोकिवी।” सिनी क बिन।

२ तिमोथी 2:21

ती दोके सी साङ दिक्‍पा कितुप क्‍युर्नी खुरुङ टेङ्‍बु जेवी सिसिन ती ति नाथोप पेला खाङ्‍बी ज्‍यिन्‍दाककी खक्‍छ्‍येवुला थोकुप चेङ्‍गा वोतुप नेक्‍योक दोके च्‍युङ्‍नी ज्‍यिन्‍दाककी थोक्‍ला तेरी लाका ल्‍यामु कितुप च्‍युङ्‍गिवी।

२ तिमोथी 3:17

तुक क्‍यानी कोन्‍छ्‍योकला शब्‍ज्‍यी कितुप मी टडिक क्‍यानी तेरी लाका ल्‍यामु कितुप च्‍युङ्‍शी सिनी कोन्‍छ्‍योककी दी सुङ ति दाक्‍पी थोक्‍ला नङ्‍गुप यिन।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

तीतस 2:7

तमा ख्‍युरुङ लाका तेरीला टेङ्‍बु क्‍यानी ख्‍योरो मिजी ति यम्‍बाला छ्‍या तेन। ख्‍योरो लोपुप येन्‍देन ति टेङ्‍बु ताङ ताङ्‍देन वोतुप ताङ

तीतस 3:1

ओङ्‍ज्‍येन कितुपतिवा ताङ मी छ्‍येतिवी ओङला देनी तिवी खला ङ्‍येन्‍दुप ताङ लाका टेङ्‍बु कितुपला नाम्‍साङ तिङ माछे सिनी मीतिवाला टोङ्‍गु बिन।

तीतस 3:14

दाक्‍पी मीतिवी नरी लाका ल्‍यामु किशी, तमा कतुकारला ख्‍येलुपतिवाला दाल्‍जा कि थुप्‍नी ङोछाला मेख्‍येल्‍शी।

तीतस 3:8

दी ताम्‍ङे ति टेङ्‍बु यिन, ख्‍यिराङ दी ताम्‍ङेला ङार की सिनी ङ नो कितिन। तुक क्‍यानी सी कोन्‍छ्‍योकला तेपा किवे, तिवी लाका ल्‍यामु कितुपला ङ्‍याम्‍ले किशी। तुक कितुप ति मीतिवी थोक्‍ला छासे ल्‍यामु ताङ ख्‍येप्‍साङ वोतुप यिन।

हिब्रू 10:24

तमा दाक्‍पु च्‍यिककी च्‍यिकला ङ्‍यिङ्‍ज्‍ये कितुप ताङ लाका ल्‍यामु कितुपला चुक क्‍यानी टोङ्‍गु तेर गोकिवी, तीकी थोक्‍ला नासाम तोङ्‍गुप।

हिब्रू 13:21

ती कोन्‍छ्‍योककी खोकी नोवाला वोतुप ति ख्‍यिरा तेरी किशी नोनी ख्‍यिराङला गोवु तेरी ल्‍यामु वोतुपतिवा नङ्‍शी। तमा चुका ति खोला सेमला डोप नोके, येशू ख्रीष्‍ट नेसुर ती ति ख्‍यिरा मिजीला खोकी क्‍या नङ्‍शी। येशू ख्रीष्‍टला नरीकी नरी मोवा च्‍युङ्‍शी। आमिन।

१ पत्रुस 2:12

यिने मिरिक यम्‍बाकी मीतिवी पर्ला ख्‍यिरा किताङ नालु ति ल्‍यामु वुङ गोकिवी। सी ख्‍यिराङला मेलोवा सिनी ख्‍यिरा तेन्‍दोकला लासिनाङ ख्‍यिरा लाका ल्‍यामु क्‍यावु ति थोङ्‍नी कोन्‍छ्‍योक फेवु तुजेला तिवी साङ खोला सोवा देक्‍शी।

१ यूहन्‍ना 1:7

यिने खो ठछ्‍येलीला वोतुप दोके दाक्‍पु साङ खो मुला राङ ठछ्‍येलीला युकिवी सिसिन दाक्‍पु डिक्‍जोम ल्‍यामु च्‍युङ्‍गिवी। तमा खोकी सेवु येशू ग्‍यङ्‍शिङला कल्‍नी तेन्‍दुप ठक नेसुर दाक्‍पी दिक्‍पातिवा तेरी ताकिवी।

१ यूहन्‍ना 2:6

ङे मिजी ति कोन्‍छ्‍योक ताङ मुला तम्‍जी ल्‍यामु वे सिरुप मी तीकी येशूकी दोके मिजी क्‍योङ गोकिवी।