एफिसी 2:1 - कोन्छ्‌योककी सुङ

¹ तोङ्‍ला ख्‍यिराङ लाका मेलोक्‍पा ताङ दिक्‍पाला ख्‍येल्‍नी शिन वे।

एफिसी 2:1 Iomraidhean Croise

मत्ती 8:22

यिने येशूकी तीला सुङ्‍सुङ, “शेप मीकी शेपतिवाला कल्‍दोक कि च्‍यी, तमा ख्‍युरुङ ति ङे तिङ्‍ला तिङ्‍यो।”

लूका 15:24

च्‍यिलासिसिन दी ङे पुज्‍युङ ति शिसुङ, यिने येलुङ सेन्‍बु लासुङ। तोर्सुङ, तमा त याङ ङ्‍येसुङ।’

लूका 15:32

यिने दी ख्‍योरो नुप याङ शिसुङ, यिने येलुङ सेन्‍बु लासुङ। तोर्सुङ, यिने त याङ ङ्‍येसुङ। तुक क्‍यानी दाक्‍पी गा ताङ किर्मु कि राङ गोकिवी।’”

यूहन्‍ना 10:10

कुर्मेन याङ कुन कितुप ताङ सेतुप ताङ ना तोङ्‍गुपला तिराङ गिवी। यिने ङ याङ लुकतिवाला मिजी ङ्‍येशी, तमा छाछिङी ङ्‍येशी सिनी वावु यिन।

यूहन्‍ना 14:6

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

यूहन्‍ना 5:21

पपी शेपतिवाला सेन्‍बु लङ च्‍यिनी तिवाला नाम्‍साङ मिशिवु मिजी नङ्‍गुप दोके खोकी पुज्‍युङकी साङ सुला मिजी तेरुप नोवा नोके, तीला नाम्‍साङ मिशिवु मिजी तेर्किवी।

यूहन्‍ना 5:25

“ङ ख्‍यिराङला टेङ्‍बो सिरिन, तुजे यी वुङ्‍यिन वे। ती तुजे ति वानिङ सिन वे। ती तुजेला शेपतिवी कोन्‍छ्‍योककी पुज्‍युङकी वोरु थोकिवी, तमा ती वोरु थोवुतिवा ति शेप ने सेन्‍बु लङ्‍गिवी।

रोमी 8:2

च्‍यिलासिसिन येशू ख्रीष्‍टला तेपा क्‍यासिमा मिजी सम्‍बा नङ्‍गुप कोन्‍छ्‍योककी थु चाङ्‍माकी ठिमकी ख्‍यिराङला दिक्‍पा ताङ शेपकी ठिम ने थर च्‍यिन वे।

१ कोरिन्‍थी 15:45

ती तप्‍की कोन्‍छ्‍योककी सुङला “थल्‍माकी मी आदम ति सेन्‍बु वोतुप मी च्‍युङ्‍सुङ।” सिनी टि वे, यिने तिङ्‍मी आदम यिन्‍दुप ख्रीष्‍ट ति मिजी नङ्‍गुप थु च्‍युङ्‍सुङ।

२ कोरिन्थी 5:14

ङ्‍यिराङ याङ ख्रीष्‍टकी ङ्‍यिङ्‍ज्‍येकी ओङला राङ वे। तुक क्‍यानी ङ्‍यिराङ दी ताम्‍ङे ति तेन्‍तेन वोतुप हाक्‍कोकिवी। मी तेरीकी दिक्‍पी थोक्‍ला ख्रीष्‍ट टुङ्‍सुङ। ती तप्‍की मी तेरी खोकी मुला राङ शेप यिन।

एफिसी 4:18

तिवी सेम क्‍योङ्‍बु गल्‍नी नक्‍तोमी गलुप तप्‍की तिवी कोन्‍छ्‌योककी टेङ्‍बु हाक्‍माकोनी खोकी नङ्‍गुप मिजी ति तिवी माङ्‍ये वे।

एफिसी 5:14

च्‍यिलासिसिन तेरी ताम्‍ङेतिवा थोङ ज्‍यितुप ति ठछ्‍येली यिन। ती तप्‍की मीतिवी दुक सिनी सिवी, “ओ ङ्‍यिलोकुपतिवा लो! तमा ख्‍यिराङ शेपतिवा शेप नेमा येर खोक लो! ख्रीष्‍टकी ख्‍यिराङला वोसिर नङ्‍गिवी।”

कलस्सी 2:13

ख्‍यिरा दिक्‍पा क्‍यावु ताङ दुक्‍टा कितुप किताङ नालु माक्‍युरुप तप्‍की थेङ्‍मा यी ख्‍यिराङ शिनी वोतुप्‍जा, यिने त याङ कोन्‍छ्‍योककी ख्रीष्‍टकी मुला राङ ख्‍यिराङला सेन्‍बु लाङ वे। तमा ख्‍यिरा तेरी दिक्‍पातिवा ता च्‍यिनी वे।

१ तिमोथी 5:6

दोजो ललाइ युक्‍सिमतिवा गा ताङ किर्मुला तिराङ येनी देकिवी सिसिन तिवा सेन्‍बुला राङ शेप दोके यिन।

१ यूहन्‍ना 3:14

दाक्‍पुला याङ शेप छ्‍येर्पा मिन, मिजी सम्‍बा थोप्‍नी वे सिरुप ति छ्‍या राङ वे। च्‍यिलासिसिन दाक्‍पी याङ अच्‍युनुपतिवाला ङ्‍यिङ्‍ज्‍ये क्‍या वे। सी खोरो अच्‍युनुपला ङ्‍यिङ्‍ज्‍ये मिकिवे, ती ति शेप ति शितोक लुकिवी।

ज्‍यल्‍का 3:1

“सार्डिसला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति कोन्‍छ्‍योककी थु दिन ताङ लाक्‍पा यावाला कर्मा दिन वोतुप तीकी सुङ्‍गुप यिन। ख्‍योरो लाकातिवा ङला छ्‍या वे। मीतिवी थोङ्‍दाङला ख्‍यिराङ सेन्‍बु वोतुप थोङ्‍सिनाङ ख्‍यिराङ ति शिन वे।