एफिसी 1:5 - कोन्छ्‌योककी सुङ

⁵ कोन्‍छ्‌योककी दाक्‍पुला ङ्‍यिङ्‍ज्‍ये क्‍या नङ्‍गुप तप्‍की येशू ख्रीष्‍ट नेमा दाक्‍पुला खोरे पुज्‍युङ जोपला गोमाला के पेन नङ्‍सुङ। ती ति खोकी गा लङ्‍गुप नोवा यिन।

एफिसी 1:5 Iomraidhean Croise

मत्ती 1:25

यिने मरियमला पुज्‍युङ माक्‍येवा सेक योसेफ तीकी मुला ङ्‍यिमालोक, तमा पुज्‍युङ क्‍येसिमा योसेफकी ती पुज्‍युङकी मिङ ति येशू सिनी तासुङ।

मत्ती 11:26

यिन, पपा, ती ति पपाला गा लङ्‍गुप नोवा यिन।

लूका 10:21

ती पेला राङ येशू कोन्‍छ्‍योककी थु चाङ्‍मा नेमा छासे गा कियी दुक सुङ्‍सुङ, “ओ पपा, देवाच्‍येन ताङ जम्‍बुलिङकी चोवो। ङ थुचिछे बुलिन, च्‍यिलासिसिन दी ताम्‍ङेतिवा ति रिक्‍पा वोतुप ताङ लापुप मीतिवाला छ्‍याकला ज्‍याक्‍नी आङा टिक्‍पे दोके मालापुप मीतिवाला छ्‍या तेन्‍सुङ। यिन, पपा, दी ति पपाला गा लङ्‍गुप नोवा यिन।

लूका 11:32

येलुङ कोन्‍छ्‍योककी ठिम तोङ्‍गुप तुजेला निनवे ग्‍येसाकी मीतिवी दी गिपाकी मीतिवा ताङ मुला लानी दी गिपाकी मीतिवाला क्‍येन ग्‍यकिवी। च्‍यिलासिसिन तिवी योनाकी ख्‍याप्‍टाक क्‍यावु कोन्‍छ्‍योककी सुङ ङ्‍येन्‍नी दिक्‍पा ने सेम ग्‍युर्नोक। यिने ल्‍होसा, योना सिनाङ मङ छ्‍ये वोतुप ति दे वे।”

लूका 12:32

“ओ छो टिक्‍पे, ज्‍यिवा माकी, च्‍यिलासिसिन ख्‍यिरा पपा कोन्‍छ्‍योककी ख्‍यिराङला खोकी ग्‍येल्‍खाप नङ्‍गुपला गा किनोक।

यूहन्‍ना 1:12

यिने सु सुकी खोला खोरो सेमला लानी खोला तेपा क्‍यावे, खोकी तिवाला कोन्‍छ्‍योककी पुज्‍युङपुम च्‍युङ्‍गुप ओङ्‍ज्‍येन नाङ्‍सुङ।

यूहन्‍ना 11:52

ती ताम्‍ङे ति यहूदीतिवी थोक्‍ला तिराङ मिन, यिने जम्‍बुलिङला थरा थुरा टम्‍नी देतुप कोन्‍छ्‍योकला तेपा कितुप तेरी मीतिवाला जोम्‍नी च्‍यिक राङ जोपला येशू शिवी सिनी सिक्‍यावु यिन।

यूहन्‍ना 20:17

तमा येशूकी तीला “ङला जिम जिम्‍वा माज्‍योक, च्‍यिलासिसिन ङ तरोङ साङ पपी चाला लोक्‍नी मागल वे। यिने ख्‍युरुङ ङे लोमातिवी चाला गल्‍नी ख्‍यिरा पपा यिन्‍दुप ङे पपा, ख्‍यिरा कोन्‍छ्‍योक यिन्‍दुप ङे कोन्‍छ्‍योककी ते ङ लोक्नी डोयी वे सिनी लोप।” सिनी सुङ्‍सुङ।

लोमा छ्‍येतिवी लाका 13:48

ती थोसिमा यहूदी मिन्‍दुप मिरिक यम्‍बाकी मीतिवा गा लानी कोन्‍छ्‍योककी सुङगी थोक्‍ला सोवा तेक्‍सुङ। तमा नाम्‍साङ मिशिवु मिजी थोपुपला कोन्‍छ्‍योककी पेतुप मीतिवा तेरीकी तेपा क्‍यासुङ।

रोमी 8:23

तिवा तिराङ मिन, खोकी थु चाङ्‍मा नेसुर गोमाला गरुप डेलु यिन्दुप दाक्‍पु साङ खोकी पेजातिवा च्‍युङ्‍गुपला ताङ खोकी दाक्‍पी मिजी ति तेरी थर्वा नङ्‍शी सिनी दुक्‍पा वोसिनाङ रेवा क्‍यानी गुनी देन वे।

१ कोरिन्‍थी 1:1

टसी देलेक! दी यिकी ति कोन्‍छ्‍योककी नोवा नेमा ख्रीष्‍ट येशूकी लोमा छ्‍ये च्‍युङ्‍गुपला खोकी कताङ नङ्‍गुप ङ पावल ताङ दाक्‍पी नुप सोस्‍थेनेसकी छ्‍योक नेसुर

१ कोरिन्‍थी 1:21

जम्‍बुलिङकी मीतिवी खोरो रिक्‍पाकी कोन्‍छ्‍योकला ङो माशेवु तप्‍की दाक्‍पुला खोकी रिक्‍पा नाङ्‍सुङ। खोकी रिक्‍पा नेसुर दाक्‍पी ख्‍याप्‍टाक क्‍यावु सुङ ति तेर्मे यिन सिरुपतिवी पर्ला सी ती सुङला तेपा किवे, तिवाला कोन्‍छ्‍योककी र्‍होकुप नो क्‍यासुङ।

२ कोरिन्थी 6:18

“तमा ङ ख्‍यिरा पपा यिनो, ख्‍यिराङ ति ङे पुज्‍युङपुमतिवा यिनो। सिनी चोछ्‍ये वोतुप चोवो कोन्‍छ्‍योककी सुङ्‍गिवी।”

गलाती 3:26

तमा ख्रीष्‍ट येशूला तेपा क्‍यावु तप्‍की ख्‍यिराङ तेरी कोन्‍छ्‍योककी पेजातिवा यिन।

एफिसी 1:11

खोकी तेरी लाका ति खोरे नोवा नेसुर राङ क्‍या नङ्‍गिवी। तमा खोकी नोवाला वोतुप दोके राङ दाक्‍पुला गोमाला के पेन नङ्‍गुप तप्‍की दाक्‍पु खोकी पुज्‍युङ च्‍युङ्‍नी वे।

एफिसी 1:9

खोकी येशू ख्रीष्‍ट नेसुर गोमाला के जो नङ्‍गुप खोला गा लङ्‍गुप नोवाला वोतुप छ्‍याककी ताम्‍ङे ति दाक्‍पुला तेरी हाक्‍को च्‍यिसुङ।

फिलिप्पी 2:13

च्‍यिलासिसिन कोन्‍छ्‍योककी ख्‍यिराङला खोरे नोवाला वोतुप दोके कितुप नासाम तोङ्‍गुप ताङ ती दोके लाका कितुप ओङ नाङ्‍नी ख्‍यिरा मिजी नेमा लाका कियी वे।

कलस्सी 1:19

कोन्‍छ्‍योककी नोवाकी राङ ख्रीष्‍ट ति खो ताङ च्‍यिक्‍पा राङ क्‍यानी ज्‍युवु गा लासुङ।

२ थेसलोनिकी 1:11

ती तप्‍की ख्‍यिराङ ल्‍यामो क्‍यानी नासाम तोङ। खोकी नोवा नेसुर ख्‍यिराङला कताङ नङ्‍गुप दोके क्‍यानी मिजी क्‍योङ्‍गुप ताङ ख्‍यिरा नासाम ताङ तेपा नेसुर वुङ्‍गुप तेरी लाका ति खोकी ङार नेसुर तेरी डुप्‍शी सिनी ङ्‍यिराङ नरी दाक्‍पी कोन्‍छ्‍योकला मोपोर किवी।

हिब्रू 2:4

दी थर्वा ति टेङ्‍बु यिन्‍दुप पङ्‍बु छ्‍या देन्‍दुपला कोन्‍छ्‍योककी साङ ततिवा छ्‍या देन्‍दुप ताङ हलेवु लाकातिवा ताङ नम्‍बा बङीकी ङार छ्‍येवु लाकातिवा क्‍या नाङ्‍सुङ। तमा खोकी नोवाला वोतुप दोके खोरे थु चाङ्‍माकी कटिनतिवा साङ नाङ्‍सुङ।

१ यूहन्‍ना 3:1

ल्‍होसा, कोन्‍छ्‍योककी दाक्‍पुला छासे ङ्‍यिङ्‍ज्‍ये क्‍या नङ वे। तुक क्‍यानी दाक्‍पुला खोकी पुज्‍युङपुम चिवु तप्‍की वुतुङ के तन्‍दा दाक्‍पु खोकी पुज्‍युङपुम यिन। ती तप्‍की जम्‍बुलिङकी मीतिवी दाक्‍पुला ङो मेशेवी। च्‍यिलासिसिन तिवी कोन्‍छ्‍योकला ङो माशे वे।

ज्‍यल्‍का 21:7

सी शैतानकी खला ग्‍येल्‍गिवे, तिवाला ती मोलाम ति तेरी थोप्‍कितो। तमा ङ तिवी कोन्‍छ्‍योक च्‍युङ्‍गितो। तिवा ति ङे पुज्‍युङपुम च्‍युङ्‍गितो।