एफिसी 1:23 - कोन्छ्‌योककी सुङ

²³ चर्च ति ख्रीष्‍टकी जु यिन, ती चर्चला ख्रीष्‍टकी तेरी छेङ्‍मा जो नङ्‍गिवी।

एफिसी 1:23 Iomraidhean Croise

यूहन्‍ना 1:16

खोकी छाछिङी नेमा दाक्‍पुला नरीकी नरी कटिन मङ्‍मु थोप्‍नी वे।

रोमी 13:5

तुक क्‍यानी ख्‍यिराङ कोन्‍छ्‍योककी पर्च्या नेसुर र्‍होकुपला तिराङ मिन, यिने सेमगी दिङ नेज्‍युनी नासाम ताङ्‍नी ओङ्‍ज्‍येन कितुपतिवी ओङला दे गोकिवी।

१ कोरिन्‍थी 12:6

कोन्‍छ्‍योककी थोक्‍ला कितुप लाकातिवा कुतुक कुतुक गिवी, यिने दाक्‍पुला ती तेरी लाका कितुपला कटिनकी ङ्‍येम्‍बा नङ्‍गुप ति कोन्‍छ्‍योक राङ यिन।

१ कोरिन्‍थी 15:28

तेरी ओङ्‍ज्‍येनतिवा ख्रीष्‍टकी ओङला ख्‍येल्‍सिमा तिराङ ख्रीष्‍ट खुरुङ ति खोला तेरी ओङ्‍ज्‍येन नङ्‍गुप पपा कोन्‍छ्‍योककी ओङला देकिवी। तुक क्‍यानी कोन्‍छ्‍योक ति जम्‍बुलिङ तेरीला ग्‍येला क्‍या नङ्‍गुप चोछ्‍येवु कोन्‍छ्‍योक यिन।

एफिसी 2:16

तमा येशू ख्रीष्‍ट ग्‍यङ्‍शिङला टुङ्‍नी दाक्‍पु ङ्‍यिकरला डला गलुप ति च्‍यिक राङ जोनी कोन्‍छ्‌योक ताङ मुला थिन च्‍यिसुङ। तमा यहूदी ताङ मिरिक यम्‍बाकी मीतिवी पर्ला ङ्‍यिङ्‍मर कितुप ताम्‍ङेतिवा ना ताङ नाङ्‍सुङ।

एफिसी 3:10

ती ति चर्च नेसुर खोकी नम्‍बा कुतुक कुतुककी रिक्‍पा ति देवाच्‍येनकी ग्‍येला कितुप ताङ ओङ्‍ज्‍येन वोतुपतिवी पर्ला तसाम छ्‌या देन्‍दुपला खोकी दुक क्‍या नङ्‍गुप यिन।

एफिसी 3:19

तमा ख्रीष्‍टकी ङ्‍यिङ्‍ज्‍ये ति चुका रिक्‍पा सिनाङ चोछ्‌ये वे सिनी ख्‍यिरा हाक्‍को थुप्‍शी। तमा काङ साङ ङ्‍युङ्‍मु मेतुप कोन्‍छ्‌योककी तेरी छाछिङीकी ख्‍यिरा मिजीला छाछिङी छेङ्‍शी।

एफिसी 4:10

खो मर फेप्‍सिमा तेरी च्‍यालकतिवी खला ग्‍येला कितुपला येलुङ खो देवाच्‍येन सिनाङ मङ केला तेङ फेप्‍सुङ।

एफिसी 4:12

खोकी तुक क्‍या नङ्‍गुप ति तिवा तेरीकी खोकी लाका ल्‍यामो कितुप जोनी ख्रीष्‍टकी जु यिन्‍दुप चर्च ति येर फर्शी सिनी यिन।

एफिसी 4:13

तमा दाक्‍पु तेरी कोन्‍छ्‌योककी सेवुला तेपा कितुप ताङ खोला ङो शेवुला च्‍यिक राङ च्‍युङ्‍नी ख्रीष्‍टला छाछिङी वोतुप दोके दाक्‍पु साङ खोकी छाछिङीला लेपुप सेक मङ मङ फरिन डिवी।

एफिसी 4:4

खोकी ख्‍यिराङला कताङ नङ्‍गुप पेला रेवा च्‍यिककी थोक्‍ला कताङ नङ्‍गुप दोके जु साङ च्‍यिक राङ यिन, खोकी थु चाङ्‍मा साङ च्‍यिक राङ यिन।

कलस्सी 1:24

त याङ ङ ख्‍यिरा थोक्‍ला दुक्‍पा खुरुपला गा कितिन। तमा ख्रीष्‍टकी जु यिन्‍दुप चर्चकी थोक्‍ला खुर गोवु दुक्‍पा ताङ छेटाङ ति ङे जुला खुर्नी तेरी कितिन।

कलस्सी 2:19

तमा ख्रीष्‍ट ताङ मुला तम्‍जी माजोनी कुतुक देकिवी। यिने ख्रीष्‍टकी ओङला देसिन तीकी तेरी जु ति थिन्‍जाम ताङ चतिवा टेक टेक थिनी ख्रीष्‍टकी ङार नेसुर कोन्‍छ्‍योककी नोवाला वोतुप दोके फेलिन डिवी।

कलस्सी 3:11

कोन्‍छ्‍योककी मिजी सम्‍बा जो नङ्‍गुप तप्‍की दे याङ ग्रीक ताङ यहूदी, च्‍येतुप लुक्‍सु क्‍यावु ताङ च्‍येतुप लुक्‍सु माक्‍यावु, छ्‍यिग्‍यपकी मी ताङ च्‍योलाम ल्‍यामु मेतुप मी, योक्‍पु ताङ योक्‍पु मिन्‍दुप मीतिवी पर्ला काङ साङ ख्‍ये मे। यिने ख्रीष्‍ट तिराङ तेरी सिनाङ खक्‍छ्‍येवु वे, तमा खो ति तेरी मीतिवी मुला ज्‍यु वे।

कलस्सी 3:15

ख्रीष्‍टकी ख्‍यिराङला लोदिमु नङ्‍गुप तप्‍की ख्‍यिराङ च्‍यिककी च्‍यिकला नरी ङ्‍यिङ्‍ज्‍ये की। च्‍यिलासिसिन ख्‍यिराङ च्‍यिककी च्‍यिकला लोदिमु क्‍यानी सेम थिन्‍नी देतुपला राङ कोन्‍छ्‍योककी ख्‍यिराङला कताङ नङ्‍गुप यिन। तीकी थोक्‍ला ख्‍यिरा खोला थुचिछे पुल।