एफिसी 1:22 - कोन्छ्‌योककी सुङ

²² खोकी दी तेरी ओङ्‍ज्‍येन ति येशू ख्रीष्‍टकी शापकी वोक्‍ला ज्‍याक्‍नी नाङ्‍सुङ। तमा चर्चकी खला साङ खोला राङ तेरी सिनाङ चोछ्‌येवु जो नाङ्‍सुङ।

एफिसी 1:22 Iomraidhean Croise

मत्ती 16:18

त ङ ख्‍युरुङला सिरिन, ख्‍युरुङ पत्रुस यिन। तीकी तेन्‍दोक ति दो यिन। ङ ती दोकी खला ङे चर्च जोयिनो, तमा शैतानला वोतुप शेप ओङकी तीला ग्‍येल मुथुप्‍तो।

लोमा छ्‍येतिवी लाका 20:28

तुक क्‍यानी ख्‍यिराङ गोमा कितुप मी छ्‍येतिवा रङगी थोक्‍ला ल्‍यामो क्‍यानी नासाम तोङ, तमा तेपा कितुप ख्‍यिरा मीतिवाला साङ ल्‍यामो क्‍यानी ल्‍होसा। च्‍यिलासिसिन कोन्‍छ्‍योककी थु चाङ्‍माकी ख्‍यिराङला तेपा कितुप मीतिवा ल्‍हाटे कितुपला चेक तेतुप ताङ खोकी खोरो सेवुकी ठककी ङ्‍योनी नङ्‍गुप चर्च ल्‍यामो क्‍यानी ल्‍हापला पेतुप यिन।

१ कोरिन्‍थी 11:3

यिने दी ताम्‍ङे ति ख्‍यिरा हाक्‍कोशी सिरुप ति ङला नोवा वे। तेरी मीतिवा सिनाङ छ्‍ये ति येशू ख्रीष्‍ट यिन। तमा पेर्मी सिनाङ छ्‍ये ति तीकी ख्‍योवा यिन। तमा ख्रीष्‍ट सिनाङ छ्‍ये ति कोन्‍छ्‍योक यिन।

एफिसी 3:21

ती कोन्‍छ्‌योकला राङ थल्‍मा नेज्‍युनी तिङ्‍मा सेक चर्च ताङ येशू ख्रीष्‍ट नेसुर नरीकी नरी मोवा वुङ्‍शी। आमिन।

एफिसी 5:23

च्‍यिलासिसिन ख्रीष्‍ट ति चर्चकी गो यिन्‍दुप दोके पेर्मीकी गो ति ख्‍योवा यिन। तमा चर्च ति ख्रीष्‍टकी जु यिन, खो ति चर्चला थर ज्‍यितुप यिन।

कलस्सी 1:18

चर्च ति जु यिन्‍सिन खो ति चर्चकी गो चोछ्‍येवु यिन। खो ति थल्‍मा नेज्‍यु वोतुप चोवो यिन, शेपतिवी पर नेमा तेरी सिनाङ गोमाला ङोसु लावु ति खो राङ यिन। तुक क्‍यानी तेरीकी खला खो ति चोछ्‍ये वे।

कलस्सी 1:8

तमा कोन्‍छ्‍योककी थु चाङ्‍माकी ख्‍यिराङला नङ्‍गुप ङ्‍यिङ्‍ज्‍येकी कोर्ला तीकी ङ्‍यिराङला सिक्‍यासुङ।

कलस्सी 2:10

तमा ख्‍यिरा खोला तेपा क्‍यावु तप्‍की खोला वोतुप तेरी किताङ नालुतिवा ति ख्‍यिरा मिजीला थोप्‍नी वे। खो ति तेरी ओङ्‍ज्‍येन ताङ ङारतिवी खला चोछ्‍ये वे।

कलस्सी 2:19

तमा ख्रीष्‍ट ताङ मुला तम्‍जी माजोनी कुतुक देकिवी। यिने ख्रीष्‍टकी ओङला देसिन तीकी तेरी जु ति थिन्‍जाम ताङ चतिवा टेक टेक थिनी ख्रीष्‍टकी ङार नेसुर कोन्‍छ्‍योककी नोवाला वोतुप दोके फेलिन डिवी।

१ तिमोथी 3:15

ङ वुङ्‍गुप फिमु गल्‍सिनाङ दी यिकी रानी दाक्‍पु कोन्‍छ्‍योककी मिछाङला चुक क्‍यानी मिजी क्‍योङ गोकिवी सिरुप ति हाक्‍कोवा किसा। ती कोन्‍छ्‍योककी मिछाङ ति ङोसु वोतुप कोन्‍छ्‍योककी चर्च यिनो। ती चर्च ति सुङ टेङ्‍बुकी डम्‍ज्‍यी रम्‍बु ताङ कज्‍यु यिन।

हिब्रू 2:8

तमा ख्‍योरे तेरी च्‍यालकतिवा खोकी ओङला राङ ज्‍याङ नाङ्‍सुङ।” कोन्‍छ्‍योककी खोरे ओङला तेरी च्‍यालकतिवा ज्‍याङ नङ्‍गुप पेला खोकी ओङला मेतुप चुका च्‍यालक साङ मे। यिन्‍सिनाङ तसाम दाक्‍पी तेरी च्‍यालकतिवा खोकी ओङला राङ वोतुप मोथोङ्‍गिवी।