एफिसी 1:20 - कोन्छ्‌योककी सुङ

²⁰ ती ङार नेसुर खोकी ख्रीष्‍टला टुङ्‍गुप ने ङोसु लङ्‍नी देवाच्‍येनला खोकी छ्‌याक यावी थाकाला ज्‍याक नाङ्‍सुङ।

एफिसी 1:20 Iomraidhean Croise

मत्ती 26:64

तमा येशूकी तीला सुङ्‍सुङ, “ख्‍योरो राङ सिक्‍यासुङ। यिने ङ ख्‍यिराङ तेरीला सिरिन, तफेन्‍ला ङ मी पुज्‍युङ ति चोछ्‍येवु कोन्‍छ्‍योककी यावी थाकाला देतुप ताङ देवाच्‍येनकी मुक्‍पी ख नेमा वुङ्‍गुप ति ख्‍यिरा थोङ्‍गितो।”

मत्ती 28:18

तमा येशू तिवी चाला राङ फेप्‍नी तिवाला दुक सुङ्‍सुङ, “जम्‍बुलिङ ताङ देवाच्‍येनकी तेरी ओङ्‍ज्‍येन ति कोन्‍छ्‍योककी ङला नङ वे।

मर्कूस 14:62

येशूकी सुङ्‍सुङ, “यिन, ती ति ङ राङ यिन। मी पुज्‍युङ चोछ्‍ये वोतुप कोन्‍छ्‍योककी यावी थाकाला देतुप ताङ देवाच्‍येन नेमा मुक्पी ख नेमा वुङ्‍गुप ति ख्‍यिरा थोङ्‍गितो।”

मर्कूस 16:19

चोवो येशूकी तिवाला तोजोयी सुङ्‍सिमा खो देवाच्‍येन ने तेक्‍नी फेप्सुङ, तमा कोन्‍छ्‍योककी यावी थाकाला ज्‍युसुङ।

यूहन्‍ना 10:18

ङे मिजी ति ङ नेमा सी साङ ठोनी डो मुथुपी, यिने ङ ङरा नोवाकी राङ शि ज्‍यितिन। ङे मिजी शि ज्‍यितुप ओङ साङ ङे मुला वे, येलुङ लङ्‍गुप ओङ साङ ङे मुला वे। ती ति ङे पपी ङला कि सिनी क नङ्‍गुप यिन।”

यूहन्‍ना 10:30

ङ ताङ पपा ति च्‍यिक राङ यिन।”

लोमा छ्‍येतिवी लाका 10:40

यिने टुङ्‍गुप ङ्‍यिमा सुमला राङ कोन्‍छ्‍योककी खोला ङोसु लाङ्‍नी मीतिवी चिप्‍ला छ्‍या तेन्‍सुङ।

लोमा छ्‍येतिवी लाका 26:8

कोन्‍छ्‍योककी शेपतिवाला सेन्‍बु लोङ मुथुपी सिनी ख्‍यिराङ च्‍यिला नासाम तोङ्‍गिवी?

लोमा छ्‍येतिवी लाका 4:10

ख्‍यिराङ ताङ इस्राएलकी मीतिवा तेरीकी ग्‍यङ्‍शिङ लोला कल्‍नी सेसिनाङ कोन्‍छ्‍योककी ङोसु लङ्‍गुप नासरतकी येशू ख्रीष्‍टकी मिङला दी मी ति ख्‍यिरा मिङ्‍गाला राङ टेक्‍नी लानी वे।

लोमा छ्‍येतिवी लाका 5:31

तमा इस्राएलकी मीतिवाला सेम ग्‍युर ज्‍यितुपला ताङ तिवाला तिवी दिक्‍पा ता ज्‍यितुपला खोला राङ ग्‍येल्‍वु ताङ दिक्‍पा ने थर ज्‍यितुप जोनी कोन्‍छ्‍योककी यावी थाकाला चोछ्‍येवु जोनी ज्‍याक्‍सुङ।

रोमी 1:4

तमा खो ति कोन्‍छ्‍योककी थु चाङ्‍माकी ताम्‍ङे कितुप पेला टुङ्‍गुप मीतिवी नाङ ने ङोसु लानी ङार छ्‍येवु कोन्‍छ्‍योककी सेवु सिनी पङ्‍बु छ्‍या तेन्‍दुप दाक्‍पी चोवो येशू ख्रीष्‍ट यिन।

रोमी 8:34

तुक क्‍यानी सी तिवाला क्‍येन तेर्किवी? येशू ख्रीष्‍ट ति मीतिवी दिक्‍पी थोक्‍ला टुङ्‍सिमा ङोसु लानी तन्‍दा कोन्‍छ्‍योककी छ्‍याक यावी थाकाला ज्‍युनी दाक्‍पी छापला मोपोर कियी वे।

एफिसी 1:3

दाक्‍पी चोवो येशू ख्रीष्‍टकी पपा कोन्‍छ्‌योकला सोवा वुङ्‍शी, च्‍यिलासिसिन खोकी येशू ख्रीष्‍ट नेसुर देवाच्‍येनला वोतुप तेरी मोलाम ति दाक्‍पुला नङ्‍नी वे।

फिलिप्पी 3:10

ङला गोवु तेरी ताम्‍ङेतिवा ति दी यिन, ख्रीष्‍टला ङो शेवु ताङ खो टुङ्‍नी ङोसु लावु ओङ ति हाक्‍कोवु ताङ खोकी दाक्‍पी थोक्‍ला दुक्‍पा खुरुप दोके ङे साङ खोकी थोक्‍ला शि राङ गोसिनाङ शि थुप्‍शी।

कलस्सी 1:16

च्‍यिलासिसिन मिककी थोङ्‍गुप ताङ मोथोङ्‍गुप तेरी च्‍यालकतिवा खो नेसुर राङ ज्‍ये नङ्‍गुप यिन। देवाच्‍येन ताङ जम्‍बुलिङला वोतुपतिवा ताङ ग्‍येल्‍ठिकतिवा ताङ ग्‍येला कितुप ओङतिवा ताङ ठिम कितुप ङारतिवा ताङ ओङ्‍ज्‍येनतिवा ताङ तेरी च्‍यालकतिवा खो नेसुर राङ खोरे थोक्‍ला ज्‍ये नङ्‍गुप यिन।

कलस्सी 3:1

ख्‍यिराङ ख्रीष्‍टकी मुला राङ सेन्‍बु लङ्‍गुप तप्‍की येर देवाच्‍येनकी ताम्‍ङेतिवाला नासाम तोङ। ते देवाच्‍येनला ख्रीष्‍ट कोन्‍छ्‍योककी यावी थाकाला ज्‍युकिवी।

हिब्रू 1:3

खोकी सेवुकी कोन्‍छ्‍योककी मोवा छासे चोछ्‍येवु वोतुप ति छ्‍या देन्‍गिवी, तमा खो ति वुतुङ के कोन्‍छ्‍योक दोके राङ यिन। खोकी खोरो ङार छ्‍येवु सुङ नेसुर राङ स ताङ नामगी तेरी च्‍यालकतिवी खला ग्‍येला किवी। मीतिवाला दिक्‍पा ने थरुप लाका सिन्‍सिमा खो देवाच्‍येनला चोछ्‍येवु कोन्‍छ्‍योककी छ्‍याक यावी थाकाला ज्‍यु वे।

हिब्रू 10:12

यिने ख्रीष्‍टकी याङ थेङ्‍मा च्‍यिकला नरीकी थोक्‍ला खोरुङ राङ जिन्‍बा च्‍युङ्‍सुङ। तमा खो कोन्‍छ्‍योककी यावी थाकाला ज्‍युसुङ।

हिब्रू 13:20

चोवो येशूकी ग्‍यङ्‍शिङला ठक तेन्‍नी कोन्‍छ्‍योक ताङ मीतिवी पर्ला थाक्‍छ्‍येवु ताम्‍ङे क्‍या नङ्‍गुप तप्‍की खो दाक्‍पुला गोमा कितुप गोठाला छ्‍ये च्‍युङ्‍सुङ। तमा कोन्‍छ्‍योक ति खोला टुङ्‍गुप ने ङोसु लोङ्‍गुप लोदिमु वोतुप कोन्‍छ्‍योक यिन।

हिब्रू 2:9

यिने दाक्‍पु येशूकी कोर्ला नासाम तोङ्‍गुप। कोन्‍छ्‍योककी कटिनकी खो मी तेरीकी थोक्‍ला टुङ्‍गुपला चेयी पर सेककी थोक्‍ला देवाच्‍येनकी लेन क्‍योलुप थुतिवा सिनाङ छ्‍युङा जो नाङ्‍सुङ। मी तेरीकी थोक्‍ला शेपला दुक्‍पा खुर्सिमा कोन्‍छ्‍योककी खोला ग्‍येल्‍वुला दोके मोवा ताङ ताङ्‍देन नाङ्‍सुङ।

१ पत्रुस 1:3

दाक्‍पी चोवो येशू ख्रीष्‍टकी पपा कोन्‍छ्‍योकला सोवा देकिन। च्‍यिलासिसिन खोकी येशू ख्रीष्‍टला शेप ने ङोसु लाङ्‍नी खोकी खोरे छासेकी कटिन नेमा दाक्‍पुला मिजी सम्‍बा नाङ्‍सुङ। तमा दाक्‍पु शिसिनाङ सेन्‍बु लुवु रेवा ङ्‍येन वे।

ज्‍यल्‍का 1:17

खोला थोङ्‍सिमा ङ ति शेप दोके गल्‍नी तला ग्‍यप्‍सुङ। तमा खोकी छ्‍याक यावा ति ङे खला ज्‍याक्‍नी दुक सिनी सुङ्‍सुङ, “ज्‍यिवा माकी। थल्‍मा नेज्‍युनी वोतुप ति ङ राङ यिन, तिङ्‍ला सेक नरी लुवु साङ ङ राङ यिन।