एफिसी 1:19 - कोन्छ्‌योककी सुङ

¹⁹ तमा दाक्‍पु तेपा कितुपतिवी थोक्‍ला खोकी छासेकी ङार ति काङ यिनोक सिनी ख्‍यिरा हाक्‍कोशी सिनी मोपोर कितिन। ती ङार ति खोकी चोछ्‍येवु ङार यिन।

एफिसी 1:19 Iomraidhean Croise

यूहन्‍ना 3:6

जु नेमा क्‍येवु ति जु यिन, यिने कोन्‍छ्‍योककी थु चाङ्‍मा नेमा क्‍येवु ति थु यिन।

लोमा छ्‍येतिवी लाका 26:18

ख्‍युरुङ गल्‍नी ख्‍योरो गिपाकी मीतिवाला कोन्‍छ्‍योककी थाकाला ग्‍युर च्‍यी। तमा तिवा नक्‍तोमी वुङ नेसुर ठछ्‍येलीला ग्‍युर्नी शैतानकी ओङ नेसुर कोन्‍छ्‍योककी थाकाला वुङ्‍शी। तुक क्‍यासिन तिवी दिक्‍पा ताकिवी, तमा ङला तेपा क्‍यानी टेङ्‍बु गलुपतिवी पर्ला देतुप ङ्‍येकिवी।’ सिनी सुङ्‍सुङ।

रोमी 1:16

ङ लेन ल्‍यामु ख्‍याप्‍टाक कितुपला सुला साङ ङोछा मिकी, च्‍यिलासिसिन कोन्‍छ्‍योककी लेन ल्‍यामु ति तेपा कितुपतिवा तेरीला दिक्‍पा ने थर ज्‍यितुप कोन्‍छ्‍योककी ओङ यिन। गोमाला यहूदीतिवी थोक्‍ला, तमा ज्‍युक्‍ला ति यहूदी मिन्‍दुप मिरिक यम्‍बाकी मीतिवी थोक्‍ला साङ यिन।

२ कोरिन्थी 4:7

यिने ङ्‍यिरा ख्‍याप्‍टाक क्‍यावु खक्‍छ्‍येवु लेन ल्‍यामु ति छ्‍यकुप थली नेक्‍योक नाङ्‍ला ज्‍याङ वे। तीकी तेन्दोक ति तेरी सिनाङ ओङ्‍ज्‍येन छ्‍ये ति ङ्‍यिरा नेसुर वावु मिन, कोन्‍छ्‍योक नेमा वावु यिन सिनी छ्‍या देन्‍दुपला यिन।

२ कोरिन्थी 5:17

तुक क्‍यानी सी ख्रीष्‍टला तेपा क्‍यावे, ती ति मिजी सम्‍बा फोवु यिन। गोमी मिजी ति तोर्नी गाल्‍सुङ। ल्‍होसा, त याङ मिजी सम्‍बा च्‍युङ वे।

एफिसी 2:10

दाक्‍पु ति कोन्‍छ्‌योककी थोक्‍ला लाका ल्‍यामु कितुपला ख्रीष्‍ट नेसुर खोकी छ्‍याककी ज्‍येवु यिन। दाक्‍पु खोकी नोवाला वोतुप दोके युक्‍शी सिनी खोकी दाक्‍पुला तोङ्‍ला के ज्‍येवु यिन।

एफिसी 3:20

कोन्‍छ्‌योककी दाक्‍पी नाङ्‍ला लाका कितुप खोरे ओङ्‍ज्‍येन नेमा राङ दाक्‍पी लङ्‍गुप ताङ नासाम तङ्‍गुप सिनाङ ल्‍हक्‍पा दाक्‍पुला नङ्‍गिवी।

एफिसी 3:7

कोन्‍छ्‌योककी ओङ छ्‌येवु लाका नेसुर दी लेन ल्‍यामु ख्‍याप्‍टाक कितुपला ङला खोकी लावा जो नङ्‍गुप यिन। तुक क्‍यावु ति खोकी कटिनकी ङ्‍येम्‍बा यिन।

एफिसी 6:10

तेरी सिनाङ तिङ्‍ला ङ सिरिन, ख्‍यिराङ चोवो येशूकी ओङला ङार छ्‍येवु वुङ गोकिवी।

फिलिप्पी 2:13

च्‍यिलासिसिन कोन्‍छ्‍योककी ख्‍यिराङला खोरे नोवाला वोतुप दोके कितुप नासाम तोङ्‍गुप ताङ ती दोके लाका कितुप ओङ नाङ्‍नी ख्‍यिरा मिजी नेमा लाका कियी वे।

फिलिप्पी 3:21

खोकी ङारकी राङ जम्‍बुलिङला वोतुप तेरी च्‍यालकतिवा खोकी ओङला ज्‍योक थुप्‍किवी। तमा खोकी ओङ नेमा राङ दाक्‍पी रुलुप जु ति खोकी मोवाला वोतुप जु दोके सम्‍बा फो ज्‍यिकिवी।

कलस्सी 1:29

ख्रीष्‍टकी ङे सेमगी दिङ्‍ला ङार नङ्‍गुप तप्‍की राङ ङ दी लाका ति छासे टेमु क्‍यानी कितिन।

कलस्सी 2:12

बप्‍तिस्‍मा लङ्‍गुप पेला ख्‍यिराङ ख्रीष्‍टकी मुला राङ मुक्‍तुम ग्‍यपुप दोके यिन। तमा ख्रीष्‍टला शेप ने ङोसु लोङ्‍गुप कोन्‍छ्‍योककी ङारला ख्‍यिरा तेपा क्‍यावु तप्‍की ख्‍यिराङ साङ ख्रीष्‍टकी मुला सेन्‍बु लानी वे।

१ थेसलोनिकी 1:5

च्‍यिलासिसिन ङ्‍यिरा ख्‍याप्‍टाक क्‍यावु लेन ल्‍यामु ति ख्‍यिरा ते सुङला तिराङ बिन्‍दुप मिन, यिने ओङ ताङ कोन्‍छ्‍योककी थु चाङ्‍मा नेमा तेन्‍तेन क्‍यानी बिन्‍दुप यिन। ङ्‍यिराङ ख्‍यिरा पर्ला वोतुप पेला चुक क्‍यानी ख्‍यिराङला दाल्‍जा किटे क्‍यासुङ सिरुप ति ख्‍यिराङला राङ छ्‍या वे।

२ थेसलोनिकी 1:11

ती तप्‍की ख्‍यिराङ ल्‍यामो क्‍यानी नासाम तोङ। खोकी नोवा नेसुर ख्‍यिराङला कताङ नङ्‍गुप दोके क्‍यानी मिजी क्‍योङ्‍गुप ताङ ख्‍यिरा नासाम ताङ तेपा नेसुर वुङ्‍गुप तेरी लाका ति खोकी ङार नेसुर तेरी डुप्‍शी सिनी ङ्‍यिराङ नरी दाक्‍पी कोन्‍छ्‍योकला मोपोर किवी।

याकूब 1:18

तमा खोकी ज्‍येवु च्‍यालकतिवी नाङ्‍ला दाक्‍पु ति थल्‍माला गरुप डुप्‍सेन दोके जोपला खोकी टेङ्‍बु वोतुप सुङ नेमा खोकी नोवा नेसुर दाक्‍पुला जो नङ्‍गुप यिन।

१ पत्रुस 4:11

सी कोन्‍छ्‍योककी सुङ ख्‍याप्‍टाक किवे, तीकी कोन्‍छ्‍योक नेमा थोपुप ओङ नेसुर राङ ख्‍याप्‍टाक की। सी शब्‍ज्‍यी किवे, तीकी कोन्‍छ्‍योक नेमा वावु ओङ नेमा शब्‍ज्‍यी की। तमा ख्‍यिरा क्‍यावु तेरी लाका नेसुर येशू ख्रीष्‍टकी छ्‍योक ने कोन्‍छ्‍योकला सोवा वुङ्‍शी। तमा तेरी मोवा ताङ ओङ ति नाम्‍साङ मोतोरुप तुजे सेक कोन्‍छ्‍योकला वुङ्‍शी, आमिन।