एफिसी 1:12 - कोन्छ्‌योककी सुङ

¹² तुक क्‍यानी दाक्‍पु गोमाला नेज्‍युनी ख्रीष्‍टला रेवा कितुपतिवा तेरीकी कोन्‍छ्‌योकला मोवा ताङ सोवा देकुपला खोकी पेन नङ्‍गुप यिन।

एफिसी 1:12 Iomraidhean Croise

यूहन्‍ना 14:1

येलुङ येशूकी लोमातिवाला सुङ्सुङ, “ख्‍यिराङ सेम्‍दुक माकी। कोन्‍छ्‍योकला तेपा की, तमा ङला साङ तेपा की।

एफिसी 1:6

तुक क्‍यानी खोकी ङ्‍यिङ्‍ज्‍येवु सेवु नेसुर दाक्‍पुला तुक राङ नङ्‍गुप खोकी मोवा वोतुप कटिनकी थोक्‍ला सोवा देकुप।

एफिसी 2:7

तुक क्‍यावु ति च्‍यम्‍बा वोतुप कोन्‍छ्‍योककी येशू ख्रीष्‍ट नेसुर दाक्‍पुला ग्‍यक्‍चेकी कटिन नङ्‍गुप ति त वुङ्‍गुप कल्‍वाला छ्‍या देन्‍दुपला यिन।

एफिसी 3:21

ती कोन्‍छ्‌योकला राङ थल्‍मा नेज्‍युनी तिङ्‍मा सेक चर्च ताङ येशू ख्रीष्‍ट नेसुर नरीकी नरी मोवा वुङ्‍शी। आमिन।

२ थेसलोनिकी 2:13

यिने चोवोकी ङ्‍यिङ्‍ज्‍येवु अच्‍युनुपतिवा, ख्‍यिरा थोक्‍ला कोन्‍छ्‍योकला ङ्‍यिराङ नरी थुचिछे बुलिन। च्‍यिलासिसिन कोन्‍छ्‍योककी गोमा नेज्‍यु ख्‍यिराङला खोकी थु चाङ्‍मा नेमा चाङ्‍मा जो नङ्‍गुपला ताङ कोन्‍छ्‍योक टेङ्‍बुला तेपा क्‍यानी शेप ने र्‍होकुपला खोकी पेन नङ्‍गुप तप्‍की यिन।

२ तिमोथी 1:12

ती तप्‍की ङला दुक्‍पा वोसिनाङ तीकी थोक्‍ला ङ ङोछा मिकी। च्‍यिलासिसिन ङे सुला तेपा क्‍या वे, ती ति ङला ल्‍यामु क्‍यानी छ्‍या वे। खो माफेवा सेक खोकी ङला चेक तेन नङ्‍गुप लाका ति खोकी राङ र्‍होक्‍नी ज्‍योकिवी सिरुप ति ङला तेन्‍तेन वे।

याकूब 1:18

तमा खोकी ज्‍येवु च्‍यालकतिवी नाङ्‍ला दाक्‍पु ति थल्‍माला गरुप डुप्‍सेन दोके जोपला खोकी टेङ्‍बु वोतुप सुङ नेमा खोकी नोवा नेसुर दाक्‍पुला जो नङ्‍गुप यिन।

१ पत्रुस 1:21

खो नेसुर ख्‍यिरा कोन्‍छ्‍योकला तेपा क्‍या वे। कोन्‍छ्‍योककी येशूला टुङ्‍नी शेपतिवा नेसुर ङोसु लङ च्‍यिनी मोवा नाङ्‍सुङ। तुक क्‍यानी ख्‍यिरा तेपा ताङ रेवा ति कोन्‍छ्‍योकला ज्‍याक्‍नी वे।