एफिसी 1:11 - कोन्छ्‌योककी सुङ

¹¹ खोकी तेरी लाका ति खोरे नोवा नेसुर राङ क्‍या नङ्‍गिवी। तमा खोकी नोवाला वोतुप दोके राङ दाक्‍पुला गोमाला के पेन नङ्‍गुप तप्‍की दाक्‍पु खोकी पुज्‍युङ च्‍युङ्‍नी वे।

एफिसी 1:11 Iomraidhean Croise

लोमा छ्‍येतिवी लाका 13:48

ती थोसिमा यहूदी मिन्‍दुप मिरिक यम्‍बाकी मीतिवा गा लानी कोन्‍छ्‍योककी सुङगी थोक्‍ला सोवा तेक्‍सुङ। तमा नाम्‍साङ मिशिवु मिजी थोपुपला कोन्‍छ्‍योककी पेतुप मीतिवा तेरीकी तेपा क्‍यासुङ।

लोमा छ्‍येतिवी लाका 2:23

येशूला ख्‍यिरा कोन्‍छ्‍योककी सुङला मुयुकुपतिवी लकला चेक तेनी ग्‍यङ्‍शिङ लोला कल्‍नी से च्‍यिसुङ। दी ति कोन्‍छ्‍योककी नोवा ताङ दीकी कोर्ला ति तोङ्‍ला राङ खोला छ्‍या नोक।

लोमा छ्‍येतिवी लाका 20:27

च्‍यिलासिसिन कोन्‍छ्‍योककी नोवाला वोतुप ताम्‍ङेतिवा तेरी ङे ख्‍यिराङला लापिन।

लोमा छ्‍येतिवी लाका 20:32

त याङ ङ ख्‍यिराङला कोन्‍छ्‍योककी लकला ज्‍योकिनो। कोन्‍छ्‍योककी कटिन वोतुप सुङगी ख्‍यिराङला र्‍होकिवी। तमा ती सुङगी राङ ख्‍यिराङला रम्‍बु जेवी। खोकी पेतुपतिवा तेरीला खोकी मोलाम नङ्‍गिवी।

लोमा छ्‍येतिवी लाका 26:18

ख्‍युरुङ गल्‍नी ख्‍योरो गिपाकी मीतिवाला कोन्‍छ्‍योककी थाकाला ग्‍युर च्‍यी। तमा तिवा नक्‍तोमी वुङ नेसुर ठछ्‍येलीला ग्‍युर्नी शैतानकी ओङ नेसुर कोन्‍छ्‍योककी थाकाला वुङ्‍शी। तुक क्‍यासिन तिवी दिक्‍पा ताकिवी, तमा ङला तेपा क्‍यानी टेङ्‍बु गलुपतिवी पर्ला देतुप ङ्‍येकिवी।’ सिनी सुङ्‍सुङ।

लोमा छ्‍येतिवी लाका 4:28

तिवी काङ क्‍यावु ति कोन्‍छ्‍योककी तोङ नेज्‍युनी वोतुप नोवाला राङ तेरी क्‍यावु यिन।

रोमी 11:34

“कोन्‍छ्‍योककी नोवा ति सी हाक्‍को थुप्‍किवी रो? याङ्‍ना खोला टोङ्‍गु तेरुप ति सु यिन रो?”

रोमी 8:17

दाक्‍पु कोन्‍छ्‍योककी पेजातिवा यिन सिसिन ख्रीष्‍टकी मुला राङ कोन्‍छ्‍योककी ग्‍येल्‍खापकी अंश थोप छ्‍योवु यिन। दोजो दाक्‍पु ख्रीष्‍टकी मुला राङ कोन्‍छ्‍योककी मोवा थोप्‍नी वोसिन खोकी मुला राङ दुक्‍पा साङ खुर गोकिवी।

रोमी 8:28

कोन्‍छ्‍योकला ङ्‍यिङ्‍ज्‍ये कितुपतिवा ताङ खोकी नोवा नेसुर पेतुप मीतिवाला ख्‍येल वुङ्‍गुप छेटाङ दुङल ताङ लोदिमु काङ वोसिनाङ खोकी ती तेरी मुला राङ ल्‍यामु जो नङ्‍गिवी सिरुप ति दाक्‍पुला छ्‍या वे।

रोमी 8:29

खोकी जम्‍बुलिङ ज्‍येङ्‍गुप सिनाङ गोमाला के खोरे ङो शेवु मीतिवाला पेनी खोरे पुज्‍युङकी जुजम दोके च्‍युङ्‍गुपला जो नाङ्‍सुङ। तुक क्‍यानी ती पुज्‍युङ ति नुपतिवी नाङ्‍ला तेरी सिनाङ छ्‍ये च्‍युङ्‍गुप यिन।

रोमी 8:30

सु सुला खोकी गोमाला के पेन नङ वे, पेन नङ्‍गुपतिवाला खोकी कताङ नाङ्‍सुङ। तमा कतङ्‍गुपतिवाला खोकी थोङ्‍दाङला टेङ्‍बु जो नाङ्‍सुङ। तमा टेङ्‍बु जो नङ्‍गुपतिवाला खोकी मोवा साङ नाङ्‍सुङ।

रोमी 9:11

यिने पुज्‍युङ छेमा क्‍येप सिनाङ गोमाला कोन्‍छ्‍योककी रिबेकाला “ख्‍योरो पुज्‍युङ छ्‍ये तीकी छ्‍युङा तीला शब्‍ज्‍यी कितुप डितो।” सिनी थाक्‍छ्‍येन नाङ्‍सुङ। तीकी तेन्‍दोक ति तिवी लाका ल्‍यामु मेलोवा काङ साङ माक्‍यावु पेला मीतिवी लाका ल्‍यामु नेमा मिन, कोन्‍छ्‍योककी नोवाला वोतुप तीला तिराङ पेतुप ति छ्‍या देन्‍दुपला खोकी रिबेकाला तुक सिनी सुङ्‍गुप यिन।

गलाती 3:18

च्‍यिलासिसिन कोन्‍छ्‍योक नेसुर मोलाम थोपुप गिपा च्‍युङ्‍गुप ति मोशाकी ठिम नेसुर वावु यिन्‍सिन, खोकी थाक्‍छ्‍येन नङ्‍गुप ति काङगी तेन्‍दोक राङ मेवी, यिने खोकी थाक्‍छ्‍येन नङ्‍गुप नेसुर अब्राहामला गिपा च्‍युङ्‍गुप मोलाम नाङ्‍सुङ।

एफिसी 1:14

ती कोन्‍छ्‌योककी थु चाङ्‍मा ति खोरे गिपातिवा तेरीला थर माच्‍यिवा सेक्‍ला तिवाला थाक्‍छ्‍येन नङ्‍गुप ति तेरी थोप्‍किवी सिनी तेन्‍तेन कितुपला दाक्‍पुला नङ्‍गुप यिन। तीकी थोक्‍ला खोला सोवा देकुप।

एफिसी 1:18

ख्‍योरो सेम पेनी चुका रेवाकी थोक्‍ला कोन्‍छ्‌योककी ख्‍यिराङला कताङ वे, तमा खोला तेपा कितुपतिवाला खोकी नङ्‍गुप हलेवु मोलाम ति ग्‍यक्‍चे वे सिरुप ति ख्‍यिरा हाक्‍को थुप्‍शी सिनी ङ मोपोर कितिन।

एफिसी 1:5

कोन्‍छ्‌योककी दाक्‍पुला ङ्‍यिङ्‍ज्‍ये क्‍या नङ्‍गुप तप्‍की येशू ख्रीष्‍ट नेमा दाक्‍पुला खोरे पुज्‍युङ जोपला गोमाला के पेन नङ्‍सुङ। ती ति खोकी गा लङ्‍गुप नोवा यिन।

एफिसी 1:8

खोकी ती कटिन ति हाक्‍कोशी नोनी तेरी च्‍यु ताङ रिक्‍पा ति दाक्‍पुला नाङ्‍सुङ।

एफिसी 1:9

खोकी येशू ख्रीष्‍ट नेसुर गोमाला के जो नङ्‍गुप खोला गा लङ्‍गुप नोवाला वोतुप छ्‍याककी ताम्‍ङे ति दाक्‍पुला तेरी हाक्‍को च्‍यिसुङ।

एफिसी 3:11

खोकी तुक क्‍या नङ्‍गुप ति दाक्‍पी चोवो येशू ख्रीष्‍ट नेसुर थल्‍मा नेज्‍युनी खोरे नोवाला वोतुप दोके क्‍या नङ्‍गुप यिन।

कलस्सी 1:12

तीकी थोक्‍ला पपा कोन्‍छ्‍योकला थुचिछे पुल। खोकी ठछ्‍येली वोतुप ग्‍येल्‍खापला खोरे चाङ्‍मा वोतुप मीतिवाला तेरिन सिनी थाक्‍छ्‍येतुप ति खोकी ख्‍यिराङला ङ्‍ये छ्‍योवु जो नङ वे।

कलस्सी 3:24

नासाम तोङ, चोवोकी ख्‍यिराङला थाक्‍छ्‍येन नङ्‍गुप छ्‍यक्‍तक नङ्‍गिवी सिरुप ति छ्‍या राङ वे। चोवो येशू ख्रीष्‍ट ख्‍यिरा ज्‍यिन्‍दाक यिन। ख्‍यिरा खोला राङ शब्‍ज्‍यी कियी वे।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

तीतस 3:7

तुक क्‍यानी खोकी कटिनकी दाक्‍पु टेङ्‍बु च्‍युङ्‍नी दाक्‍पुला नाम्‍साङ मिसिवु मिजी थोप छ्‍योवु रेवा नाङ्‍सुङ।

हिब्रू 6:17

तुक राङ क्‍यानी कोन्‍छ्‍योककी याङ खोकी थाक्‍छ्‍येन नङ्‍गुप मोलाम थोपुपतिवाला खोकी थाक्‍छ्‍येन नङ्‍गुप ति नाम्‍साङ मोफोवु क्‍यानी तेरुप सिनी तेन्‍तेन कितुपला न क्‍याल्‍सुङ।

याकूब 2:5

तुक क्‍यानी ङे ङ्‍यिङ्‍ज्‍येवु अच्‍युनुपतिवा, दी ताम्‍ङे ङ्‍येना। जम्‍बुलिङला वोतुप पेराङ्‍बुतिवाला कोन्‍छ्‍योककी पेनी तिवी क्‍यावु तेपाला छ्‍युक्‍पु जोनी खोला ङ्‍यिङ्‍ज्‍ये कितुपतिवाला तेरिन सिनी खोकी थाक्‍छ्‍येन नङ्‍गुप ग्‍येल्‍खापला दे छ्‍योवु जो मनङ्‍गिवी रो?

१ पत्रुस 1:4

ती तिराङ मिन, कोन्‍छ्‍योककी खोरे पेन नङ्‍गुप मीतिवाला थोपुप मोलाम साङ नाङ्‍सुङ। ती मोलाम ति ना मोडोवु ताङ मेटेङ्‍बु मोडोवु ताङ नाम्‍साङ मेसेतुप यिन, तमा ती मोलाम ति दाक्‍पुला खोकी ग्‍येल्‍खापला टडिक क्‍यानी वे।

१ पत्रुस 3:9

ख्‍यिराङला मेलोक्‍पा कितुपतिवाला मेलोक्‍पा माकी, याङ्‍ना मारे तोङ्‍गुपतिवाला ङ्‍येन मालाङ, यिने तिवाला मोलाम बिन। च्‍यिलासिसिन तीकी थोक्‍ला राङ कोन्‍छ्‍योककी ख्‍यिराङला पेन नङ्‍गुप यिन। तुक क्‍यासिन खोकी ख्‍यिराङला मोलाम नङ्‍गिवी।