एफिसी 1:10 - कोन्छ्‌योककी सुङ

¹⁰ कोन्‍छ्‌योककी नोवा ति काङ यिन सिसिन तुजे छेसिमा देवाच्‍येन ताङ जम्‍बुलिङला वोतुप तेरी ख्रीष्‍टकी मुला खोकी ओङला च्‍युङ्‍शी।

एफिसी 1:10 Iomraidhean Croise

मत्ती 25:32

तमा तेरी मिरिककी मीतिवा ङे चिप्‍ला जोम्‍गितो, ती पेला लुक गोठालाकी रा ताङ लुकला पेतुप दोके क्‍यानी

मर्कूस 1:15

खोकी मीतिवाला सुङ्‍सुङ, “कोन्‍छ्‍योककी तुजे छे सिन वे, खोकी ग्‍येल्‍खाप चिप्‍ला वा वे। ख्‍यिराङ दिक्‍पा ने सेम ग्‍युर्नी खोकी लेन ल्‍यामुला तेपा की।”

१ कोरिन्‍थी 10:11

तिवाला तुकै च्‍युङ्‍गुप ति दाक्‍पी थोक्‍ला येन्‍देन तेरुपला यिन। तमा ती ताम्‍ङेतिवा कोन्‍छ्‍योककी सुङला टिवु ति दाक्‍पुला च्‍याङ्‍से दे ज्‍यितुपला यिन। च्‍यिलासिसिन त याङ जम्‍बुलिङ ना डोप तुजे छे वे।

१ कोरिन्‍थी 11:3

यिने दी ताम्‍ङे ति ख्‍यिरा हाक्‍कोशी सिरुप ति ङला नोवा वे। तेरी मीतिवा सिनाङ छ्‍ये ति येशू ख्रीष्‍ट यिन। तमा पेर्मी सिनाङ छ्‍ये ति तीकी ख्‍योवा यिन। तमा ख्रीष्‍ट सिनाङ छ्‍ये ति कोन्‍छ्‍योक यिन।

गलाती 4:4

यिने तुजे छेसिमा कोन्‍छ्‍योककी खोरे सेवुला दी जम्‍बुलिङला तङ्‍नी पुम्‍पेजा यीकी खोक नेमा मोशाकी ठिमकी ओङला क्‍येसुङ।

एफिसी 1:22

खोकी दी तेरी ओङ्‍ज्‍येन ति येशू ख्रीष्‍टकी शापकी वोक्‍ला ज्‍याक्‍नी नाङ्‍सुङ। तमा चर्चकी खला साङ खोला राङ तेरी सिनाङ चोछ्‌येवु जो नाङ्‍सुङ।

एफिसी 2:15

तमा यहूदीतिवी छ्‌यो नाङ्‍ला वोतुप तेरी लुक्‍सुतिवा ना तङ्‍नी खो नेसुर यहूदी ताङ यहूदी मिन्‍दुप मिरिक यम्‍बा ङ्‍यिकरला लोदिमु वोतुप मी सम्‍बा जो नाङ्‍सुङ।

एफिसी 3:2

ख्‍यिराङ यहूदी मिन्‍दुप मिरिक यम्‍बातिवाला लेन ल्‍यामु ख्‍याप्‍टाक कितुपला कोन्‍छ्‌योककी ङला चेक तेतुप कटिनकी कोर्ला वुतुङ के ख्‍यिरा थोनी वे सिरुप ति ङला नोवा वे।

कलस्सी 1:16

च्‍यिलासिसिन मिककी थोङ्‍गुप ताङ मोथोङ्‍गुप तेरी च्‍यालकतिवा खो नेसुर राङ ज्‍ये नङ्‍गुप यिन। देवाच्‍येन ताङ जम्‍बुलिङला वोतुपतिवा ताङ ग्‍येल्‍ठिकतिवा ताङ ग्‍येला कितुप ओङतिवा ताङ ठिम कितुप ङारतिवा ताङ ओङ्‍ज्‍येनतिवा ताङ तेरी च्‍यालकतिवा खो नेसुर राङ खोरे थोक्‍ला ज्‍ये नङ्‍गुप यिन।

कलस्सी 1:20

तमा ख्रीष्‍ट ग्‍यङ्‍शिङला टुङ्‍नी तेन्‍दुप ठक नेसुर लोदिमु नङ्‍नी खोकी जम्‍बुलिङ ताङ देवाच्‍येनकी तेरी च्‍यालकतिवा खोरे मुला डिक्‍सुङ।

कलस्सी 3:11

कोन्‍छ्‍योककी मिजी सम्‍बा जो नङ्‍गुप तप्‍की दे याङ ग्रीक ताङ यहूदी, च्‍येतुप लुक्‍सु क्‍यावु ताङ च्‍येतुप लुक्‍सु माक्‍यावु, छ्‍यिग्‍यपकी मी ताङ च्‍योलाम ल्‍यामु मेतुप मी, योक्‍पु ताङ योक्‍पु मिन्‍दुप मीतिवी पर्ला काङ साङ ख्‍ये मे। यिने ख्रीष्‍ट तिराङ तेरी सिनाङ खक्‍छ्‍येवु वे, तमा खो ति तेरी मीतिवी मुला ज्‍यु वे।

हिब्रू 1:2

यिने तसाम पेलाकी तिङ्‍मी तुजेला खोकी खोरे सेवु नेसुर दाक्‍पी मुला ताम्‍ङे क्‍या नाङ्‍सुङ। खोकी खोरे सेवु नेसुर राङ दी जम्‍बुलिङ ज्‍ये नाङ्‍सुङ। तमा स ताङ नामला वोतुप तेरी च्‍यालकतिवा तेरुपला खोरे सेवुला राङ पेन नाङ्‍सुङ।

हिब्रू 11:40

च्‍यिलासिसिन खोकी दाक्‍पी थोक्‍ला ती सिनाङ खक्‍छ्‍येवु ताम्‍ङे ल्‍यामु यी टडिक क्‍यानी वे। खोकी नोवा ति काङ यिन सिसिन तिवा साङ दाक्‍पी मुला राङ तेरी दिक्‍पा ने थर्नी खोकी चिप्‍ला डोप ङ्‍येशी सिरुप यिन।

हिब्रू 9:10

ती बुल्‍वा ताङ जिन्‍बा पुलुप ति साप थुङ्‍गुप ताङ नम्‍बा कुतुक कुतुककी चाङ्‍मा जोप ठिमतिवा तेन्‍दुप दोके तिराङ यिन। ती ठिमतिवा ति कोन्‍छ्‍योककी नङ्‍गुप यम्‍बा ठिम सम्‍बा माफोवा सेककी थोक्‍ला बिन्‍दुप क तिराङ यिन।

१ पत्रुस 1:20

कोन्‍छ्‍योककी दाक्‍पुला रङ्‍ज्‍येन नङ्‍गुपला जम्‍बुलिङ ज्‍येङ्‍गुप सिनाङ गोमाला के येशू ख्रीष्‍टला पेन नङ्‍गुप यिन, यिने तिङ्‍मी तुजेला ख्‍यिरा थोक्‍ला येशू ख्रीष्‍टला दी जम्‍बुलिङला तङ नङ्‍गुप यिन।

ज्‍यल्‍का 5:9

तिवा दुक सियी लु सम्‍बा यी लङ्‍गिनोक, “ख्‍युरुङ दी शुकी बिटप लङ्‍गुप ताङ तीकी लज्‍युरतिवा तोल छ्‍योवु वे। ख्‍युरुङ सेतुप यिन, यिन्‍सिनाङ शेप ने ङोसु लानी ख्‍योरे ठककी गोङ तेनी कोन्‍छ्‍योककी थोक्‍ला तेरी गिपा ताङ ग्‍येताम ताङ मिरिककी मीतिवा ताङ लुङ्‍बाला ङ्‍योसुङ।