कलस्सी 4:8 - कोन्छ्‌योककी सुङ

⁸ ङे तीला ख्‍यिरा ते तोङ्‍गुप तेन्‍दोक ति तीकी ङ्‍यिरा कोर्ला ख्‍यिराङला ल्‍यामो हाक्‍को ज्‍यितुप ताङ ख्‍यिरा सेमला ङाडेङ तेरुपला यिन।

कलस्सी 4:8 Iomraidhean Croise

१ कोरिन्‍थी 4:17

ती तप्‍की तिमोथीला ङ ख्‍यिरा ते तोङ्‍यिन वोतो। ती ति येशू ख्रीष्‍टला तेपा कितुप छासे ङ्‍यिङ्‍ज्‍येवु ङे पुज्‍युङ यिन। दासा तेरीला वोतुप चर्चकी मीतिवाला ङे लापुप दोके ङ चुक क्‍यानी येशू ख्रीष्‍टकी कला युनी मिजी क्‍याङ्‍सुङ सिरुप ताम्‍ङे ति तीकी ख्‍यिराङला टेन्‍सो कि ज्‍यिकितो।

२ कोरिन्थी 1:4

खोकी ङ्‍यिराङला तेरी परकी दुक्‍पा ख्‍येलुप पेला टोङ्‍गु नङ्‍गिवी। तुक क्‍यानी ङ्‍यिरा साङ खोकी नङ्‍गुप टोङ्‍गु नेमा मी ललाइला दुक्‍पा ख्‍येल्‍सिन तिवाला टोङ्‍गु तेर थुप्‍किवी।

२ कोरिन्थी 12:18

तीतसला ख्‍यिरा ते ग्‍युक सिनी ङे सिक्‍यायी। तमा तीकी मुला यम्‍बा नुपला साङ तङ्‍यिन। काङ तीतसकी ख्‍यिरा लो नेसुर काङ रे च्‍यिक रे ख्‍येप्‍साङ लासुङ रो? ङ ताङ तीकी सेम च्‍यिक्‍पा राङ च्‍युङ्‍नी मुला राङ लाका क्‍यावु मिन रो?

२ कोरिन्थी 2:7

त याङ ख्‍यिरा तीला माफ बिन्‍नी टोङ्‍गु तेर गोकिवी। मिसियाङ ती मी ति छासे सेम्‍दुक लानी तेपा कितुप साङ क्‍युर्नी ज्‍योक थुप्‍किवी।

एफिसी 6:22

दे ङ्‍यिराङला चुकै वे ख्‍यिरा साङ हाक्‍कोशी, तमा ख्‍यिरा सेमला टोङ्‍गु तेरुपला तीला ङे ख्‍यिरा चाला तङ्‍गुप यिनो।

फिलिप्पी 2:28

ती तप्‍की तीला ख्‍यिरा ते तोङ्‍गुप ङला छासे नो वे। तीकी तेन्‍दोक ति तीला थोङ्‍सिमा ख्‍यिराङ गा किवी। तमा ङला साङ पप अला मलाङ्‍गिवी।

कलस्सी 2:2

ङे तुक क्‍यावु ति ख्‍यिराङ ताङ तिवी सेमला ङाडेङ ङ्‍येनी च्‍यिककी च्‍यिकला ङ्‍यिङ्‍ज्‍ये किशी सिनी यिन। तुक क्‍यासिन वुतुङ के ख्‍यिराङ तेरीकी सुङ टेङ्‍बु हाक्‍कोनी सेमला तेन्‍तेन तेपा क्‍यानी कोन्‍छ्‍योककी छ्‍याकला वोतुप ख्रीष्‍टला ल्‍यामु क्‍यानी ङो शे थुप्‍किवी।

१ थेसलोनिकी 2:11

पपी खोरो पुज्‍युङपुमला क्‍यावु दोके ङ्‍यिरा ख्‍यिराङ रे रेला टोङ्‍गु ताङ ङाडेङ बिन्‍दुप ति ख्‍यिराङला राङ छ्‍या वे। तुका टोङ्‍गु बिन्‍दुप ति ख्‍यिरा किताङ नालु ति कोन्‍छ्‍योककी सेमला डो छ्‍योवु च्‍युङ्‍गुपला यिन। ती कोन्‍छ्‍योककी ख्‍यिराङला खोकी ग्‍येल्‍खाप ताङ खोकी मोवाला कताङ नाङ्‍सुङ।

१ थेसलोनिकी 3:2

कोन्‍छ्‍योककी सुङ ख्‍याप्‍टाक कितुप दाक्‍पी नुप तिमोथीला ख्‍यिरा ते तङ्‍यिन। च्‍यिलासिसिन तीकी ख्‍यिराङला तेपा रम्‍बु क्‍यानी दे ज्‍यितुपला ताङ टोङ्‍गु तेरुपला ताङ

१ थेसलोनिकी 3:5

तुक क्‍यानी ङ तरोङ साङ हम क्‍यानी दे माथुप्‍नी ती खोक्‍पा ल्‍हाप शैतानकी ख्‍यिराङला साङ खोक्‍पा ल्‍हासिन ङ्‍यिरा क्‍यावु टेमु ति तेर्मे राङ डिते सिनी ज्‍यिवा लानी ख्‍यिरा तेपा चुकै नोक सिनी ल्हापला तिमोथीला ख्‍यिरा ते तङ्‍गुप यिन।

१ थेसलोनिकी 4:18

तुक क्‍यानी च्‍यिककी च्‍यिकला चोवो येशूकी नङ्‍गुप दी सुङ नेसुर टोङ्‍गु बिना।

१ थेसलोनिकी 5:11

तुक क्‍यानी ख्‍यिरा तसाम क्‍यावु दोके च्‍यिककी च्‍यिकला टोङ्‍गु बिन्‍नी तेपा रम्‍बु क्‍यानी देता।

१ थेसलोनिकी 5:14

अच्‍युनुपतिवा, ख्‍यिराङला ङ्‍यिराङ टोङ्‍गु तेरिन। छेर्शिक्‍पातिवाला येन्‍देन बिन, सेम्‍दुक कितुपतिवाला साङ टोङ्‍गु बिन, दाल्‍जा कि गोवुतिवाला दाल्‍जा किटे की, तेरीकी पर्ला कुसु ज्‍यम्‍बु क्‍यानी दे।

२ थेसलोनिकी 2:17

ख्‍यिरा सेमला लोदिमु नङ्‍शी, तमा तेरी लाका ताङ ताम्‍ङे ल्‍यामु कितुपला ख्‍यिराङला रम्‍बु जो नङ्‍शी।