कलस्सी 4:5 - कोन्छ्‌योककी सुङ

⁵ तेपा मिकिवुतिवी मुला किताङ नालु कितुप पेला कोन्‍छ्‍योककी नङ्‍गुप रिक्‍पा नेसुर किसा। तमा ख्‍यिराङला थोपुप तुजेला तेरी ल्‍यामु क्‍यानी लाका किसा।

कलस्सी 4:5 Iomraidhean Croise

मत्ती 10:16

“ल्‍होसा, खटमुतिवी पर्ला लुकतिवा तङ्‍गुप दोके ङ ख्‍यिराङला तोङ्‍यिनो। तुक क्‍यानी ख्‍यिराङ रुल दोके च्‍यङ्‍बु ताङ गम्‍देर दोके क्‍येन मेतुप वुङ गोकितो।

मर्कूस 4:11

तमा खोकी तिवाला सुङ्‍सुङ, “ख्‍यिराङला ति कोन्‍छ्‍योककी ग्‍येल्‍खापकी छ्‍याककी ताम्‍ङे बिन वे। यिने कोन्‍छ्‍योककी ग्‍येल्‍खापकी मी मिन्‍दुपतिवाला ति तेरी ताम्‍ङे पेतिवा नेसुर राङ लप्‍किवी।

रोमी 16:19

ख्‍यिराङ खला ङ्‍येमु वोतुप ति तेरी मीतिवाला छ्‍या वे। तुक क्‍यानी ख्‍यिरा थोक्‍ला ङ छासे सेम गा लानी वे। यिने ख्‍यिराङ चुका ति टेङ्‍बु नोके, तीला राङ च्‍यङ्‍बु वुङ गोकिवी। चुका ति दुक्‍टा नोके, ती नेसुर कुतुक दे गोकिवी।

कलस्सी 3:16

ख्रीष्‍टकी सुङ ति छासे क्‍यानी ख्‍यिरा सेमला नरी लुशी। तमा तेरी च्‍यु ताङ रिक्‍पाकी च्‍यिककी च्‍यिकला लोपुप ताङ टोङ्‍गु बिन। कोन्‍छ्‍योकला सोवा देकुप लुतिवा ताङ कोन्‍छ्‍योककी थु चाङ्‍माकी नङ्‍गुप लुतिवा लानी सेमगी दिङ नेज्‍युनी कोन्‍छ्‍योकला थुचिछे पुल।

१ थेसलोनिकी 4:12

तुक क्‍यासिन तेपा मिकिवु मीतिवी ख्‍यिराङला ताङ्‍देन किवी। तमा ख्‍यिराङला मी यम्‍बी काङ रे च्‍यिक रे तेर्किते सिनी सुला साङ रेवा क्‍यानी मादे।

१ तिमोथी 3:7

तुका मी ति येशूला तेपा माक्‍यावु मीतिवी थोङ्‍दाङला साङ ल्‍यामु वुङ गोकिवी। तुक क्‍यासिन मीतिवा तीकी तेन्‍दोकला मलाङ्‍गिवी, तमा शैतानकी ओङला साङ मेख्‍येल्‍वी।

याकूब 1:5

दोजो ख्‍यिरा पर्ला ललाइला रिक्‍पा अला मेसुङ सिसिन ङ्‍यिर्मु माक्‍यानी सेम बोल्‍मु क्‍यानी नङ्‍गुप कोन्‍छ्‍योकला लोङ्‍शी, तमा खोकी तीला नङ्‍गितो।

याकूब 3:13

ख्‍यिरा पर्ला रिक्‍पा ताङ येन्‍देन वोतुप मी सु वे? तीकी खोरो किताङ नालु ल्‍यामु नेसुर खुरुङला वोतुप रिक्‍पा ताङ येन्‍देन छ्‍या तेन। ती किताङ नालु ति कुसु ज्‍यम्‍बु ताङ रिक्‍पा नेसुर वुङ गोकिवी।

याकूब 3:17

यिने देवाच्‍येन नेमा वावु रिक्‍पा ति गोमाला टेङ्‍बु वोतुप ताङ तिङ्‍ला लोदिमु वोतुप ताङ सेम बोल्‍मु ताङ मी यम्‍बी सिक्‍यावु ताम्‍ङेला ङ्‍येन्‍दुप ताङ च्‍यम्‍बा वोतुप ताङ डेलु ल्‍यामु गरुप दोङ्‍बु दोके मिजी ल्‍यामु क्‍योङ्‍गुप गिवी। यम्‍बा देवाच्‍येन नेमा वावु रिक्‍पा ति ललाइला ल्‍यामु ललाइला मेलोवा मिकिवु ताङ खोनक्‍पा मेतुप गिवी।

१ पत्रुस 3:1

तुक राङ क्‍यानी पेर्मीतिवा रङगी ख्‍योवी ओङला दे। तुक क्‍यासिन कोन्‍छ्‍योककी सुङला मेङ्‍येन्‍दुप ख्‍योवा साङ पेर्मीकी किताङ नालु ल्‍यामु वोतुप थोङ्‍सिमा कोन्‍छ्‍योककी कोर्ला काङ मालाप्‍सिनाङ ख्‍योवी सेम साङ कोन्‍छ्‍योककी थाकाला ग्‍युर्किवी।