कलस्सी 4:3 - कोन्छ्‌योककी सुङ

³ तमा ङ्‍यिरा थोक्‍ला साङ मोपोर किसा। कोन्‍छ्‍योककी सुङ ख्‍याप्‍टाक कितुपला खोकी दाक्‍पी थोक्‍ला गो पेनी ख्रीष्‍टकी छ्‍याकला वोतुप ताम्‍ङेतिवा ख्‍याप्‍टाक कि थुप्‍शी। तीकी थोक्‍ला राङ ङ चोन्‍खाङला शोर्नी वे।

कलस्सी 4:3 Iomraidhean Croise

मत्ती 13:11

तमा खोकी तिवाला सुङ्‍सुङ, “ख्‍यिराङला याङ कोन्‍छ्‍योककी ग्‍येल्‍खापकी छ्‍याककी ताम्‍ङे हाक्‍कोवु रिक्‍पा बिन वे, यिने मी यम्‍बातिवाला ति माबिन वे।

लोमा छ्‍येतिवी लाका 14:27

तिवा एन्‍टिओखिया लेप्‍सिमा तेकी चर्चकी मीतिवाला मुला राङ कताङ्‍नी कोन्‍छ्‍योककी तिवा नेसुर क्‍या नङ्‍गुप तेरी लाका ताङ कोन्‍छ्‍योककी यहूदी मिन्‍दुप मिरिक यम्‍बाकी मीतिवा चुक क्‍यानी खोला तेपा कि थुपुप जो नाङ्‍सुङ सिरुप ताम्‍ङे ति तिवाला शेसुङ।

रोमी 16:25

त याङ दाक्‍पु तेरीकी कोन्‍छ्‍योकला मोवा कितुप। खोकी राङ ख्‍यिराङला ङे ख्‍याप्‍टाक क्‍यावु येशू ख्रीष्‍टकी लेन ल्‍यामु नेसुर नरी तेपा रम्‍बु क्‍या दे ज्‍यिकिवी। ती लेन ल्‍यामु ति कल्‍वा कल्‍वा नेज्‍युनी छ्‍याकला ज्‍याङ वोतुप यिन।

१ कोरिन्‍थी 16:9

च्‍यिलासिसिन ङे थोक्‍ला छासे खक्‍छ्‍येवु लाका कितुपला गो ग्‍येर्पु पेनी वे, यिने ङे तेन्‍दोकला लङ्‍गुपतिवा साङ बङी वे।

१ कोरिन्‍थी 4:1

तुक क्‍यानी ङ्‍यिराङ ति येशू ख्रीष्‍टकी लावातिवा यिन्‍दुप ताङ छ्‍याकला वोतुप कोन्‍छ्‍योककी ग्‍येल्‍खापकी कोर्ला शब्‍ज्‍यी कितुप मी यिन सिरुप ति मीतिवी हाक्‍को गोकिवी।

२ कोरिन्थी 2:12

ङ ख्रीष्‍टकी कोर्ला लेन ल्‍यामु ख्‍याप्‍टाक कितुपला त्रोआसला वुङ्‍गुप पेला चोवोकी ङला खोकी थोक्‍ला शब्‍ज्‍यी कितुप लाम पेन नाङ्‍सुङ।

एफिसी 3:1

ती तप्‍की ङ पावल ख्‍यिराङ यहूदी मिन्‍दुप मिरिक यम्‍बातिवी थोक्‍ला चोन्‍खाङला शोर्नी वे।

एफिसी 3:3

खोकी नोवा ति छ्‍याकला नोक। ती ति खोकी ङला ज्‍यल्‍का नेसुर हाक्‍को च्‍यिसुङ। तीकी कोर्ला तोङ्‍ला साङ ङे ख्‍यिराङला चेयी टिनी वे।

एफिसी 3:4

ती ङे टिवु ताम्‍ङे ति ख्‍यिरा रासिन ख्रीष्‍टकी छ्‍याकला वोतुप ताम्‍ङेकी कोर्ला ङे चो हाक्‍कोनोक सिरुप ति ख्‍यिरा साङ हाक्‍कोकितो।

एफिसी 3:9

तमा तेरी च्‍यालकतिवा ज्‍ये नङ्‍गुप कोन्‍छ्‍योककी ताङ्‍बो ताङ्‍बो नेज्‍युनी छ्‍याकला वोतुप नोवाकी तेन्‍दोक ति काङ यिन सिनी तेरी मीतिवाला ख्‍याप्‍टाक कितुप कटिन ति ङला नङ्‍गुप यिन।

एफिसी 4:1

तुक क्‍यानी ख्रीष्‍टकी थोक्‍ला चोन्‍खाङला शोरुप ङ ख्‍यिराङला ठाकुरे सिनी गोङ्‍बा शोयी। कोन्‍छ्‌योककी ख्‍यिराङला काङगी थोक्‍ला कताङ वे, ती दोके राङ मिजी क्‍योङ।

फिलिप्पी 1:19

च्‍यिलासिसिन ख्‍यिरा क्‍यावु मोपोर ताङ येशू ख्रीष्‍ट नेमा वावु थु चाङ्‍माकी दाल्‍जा क्‍यानी ङ दी चोन्‍खाङ ने थर थुप्‍किवी सिरुप ति ङला छ्‍या वे।

फिलिप्पी 1:7

ख्‍यिराङ तेरीकी थोक्‍ला ङे दी नासाम तङ्‍गुप ति टेके यिन। च्‍यिलासिसिन तसाम ङ चोन्‍खाङला वोतुप पेला ताङ चोन्‍खाङ नेमा तेन्‍नी लेन ल्‍यामु ख्‍याप्‍टाक कितुप ताङ तीला तेन्‍तेन कितुप पेला कोन्‍छ्‍योककी नङ्‍गुप कटिनला ख्‍यिरा ङ ताङ मुला लाका क्‍यासुङ। तुक क्‍यानी ख्‍यिराङला नरी ङे सेमला ज्‍याङ वे।

कलस्सी 1:26

ती सुङ ति कल्‍वा कल्‍वा ताङ पगावा हङ्‍गावी ङो नेज्‍युनी छ्‍याकला वोतुप ताम्‍ङे यिन, यिने त याङ खोकी तीकी तेन्‍दोक ति खोरे चाङ्‍मा वोतुप मीतिवाला ठछ्‍येली हाक्‍को च्‍यिनी वे।

कलस्सी 4:18

ङ पावलकी छ्‍योक नेमा ख्‍यिराङला टसी देलेक वोतो। दी टसी देलेक सिक्‍यावु ति ङे लाक्‍पी राङ टिवु यिनो। ङ चोन्‍खाङला शोर्नी च्‍याटोक ग्‍यपुप ति ख्‍यिरा टोक माज्‍येता। कोन्‍छ्‍योककी कटिन ति ख्‍यिरा मुला लुशी।

१ थेसलोनिकी 5:25

अच्‍युनुपतिवा, ङ्‍यिरा थोक्‍ला साङ मोपोर किसा।

२ तिमोथी 1:16

चोवोकी ओनेसिफरसकी मिछाङला मोलाम नङ्‍शी, च्‍यिलासिसिन तीकी ङला माङ्‍शोक टोङ्‍गु बिन्‍सुङ। तमा ङ चोन्‍खाङला ख्‍येलुप थोक्‍ला साङ तीकी ङोछा माक्‍यानी

२ तिमोथी 2:9

ती लेन ल्‍यामुकी थोक्‍ला राङ ङ दुक्‍चे क्‍येनला शोरुप मी दोके च्‍याटोक ग्‍यप्‍नी छेटाङ खुरिन वे। यिन्‍सिनाङ कोन्‍छ्‍योककी सुङला च्‍याटोक ग्‍यक मुथुपी।

२ तिमोथी 4:2

ख्‍युरुङ कोन्‍छ्‍योककी लेन ल्‍यामु ख्‍याप्‍टाक कितुप पेला मीतिवी ङ्‍येन्‍सिनाङ माङ्‍येन्‍सिनाङ चो पेला साङ टडिक क्‍यानी दे। ङ्‍येवु मीतिवाला ल्‍यामु जोप ताङ वोरु देन्‍दुप ताङ सेम सो। मीतिवाला येन्‍देन तेरुप पेला डेकला देनी ल्‍यामु क्‍यानी येन्‍देन बिन।

फिलेमोन 1:22

तमा यम्‍बा साङ ताम्‍ङे च्‍यिक वे। ख्‍यिरा क्‍यावु मोपोरकी ङ ख्‍यिरा ते वुङ थुप्‍किवी सिरुप ति ङे रेवा क्‍या वे। तुक क्‍यानी ङे थोक्‍ला देतुप दासा यी टडिक क्‍यानी ज्‍योका।