कलस्सी 3:5 - कोन्छ्‌योककी सुङ

⁵ तुक क्‍यानी ख्‍यिरा जम्‍बुलिङकी मिजीला वोतुप नोवातिवा तेरी क्‍युर। ती नोवातिवा ति शम्‍डेन कितुप ताङ छ्‍येवु कितुप ताङ चोताम लपुप ताङ नासाम मेलोवा तोङ्‍गुप ताङ देर्पा कितुप यिन। देर्पा कितुप ति कुला छ्‍यो तङ्‍गुप दोके यिन।

कलस्सी 3:5 Iomraidhean Croise

रोमी 8:13

दोजो ख्‍यिराङ दिक्‍पाकी ओङला सेम नोजु क्‍यानी राङ मिजी क्‍योङ्‍गिवी सिसिन शिवी, यिने कोन्‍छ्‍योककी थु चाङ्‍माकी ओङ नेसुर ख्‍यिरा दिक्‍पाकी ओङला मिजी क्‍योङ्‍गुप क्‍युर्सुङ सिसिन ख्‍यिराङ सेन्‍बु लुकिवी।

गलाती 5:24

सु येशू ख्रीष्‍टकी सुङला युकिवे, तीकी दिक्‍पाकी किताङ नालु ताङ नोवातिवा खोरो जु ताङ मुला राङ ग्‍यङ्‍शिङला कल वे।

रोमी 6:13

रङगी जुकी येन्‍लकतिवा ति लाका मेटेङ्‍बु कितुपला दिक्‍पाला माबिन, यिने ख्‍यिराङ शिनी साङ सेन्‍बु लावु मी यिन्‍दुप तप्‍की ख्‍यिरा मिजी तेरी कोन्‍छ्‍योकला पुल। रङगी जुकी येन्‍लकतिवा ति कोन्‍छ्‍योककी थोङ्‍दाङला टेङ्‍बु वोतुप लाका कितुपला पुल।

१ पत्रुस 2:11

तुक क्‍यानी ङ्‍यिङ्‍ज्‍येवु अच्‍युनुपतिवा, ङ ख्‍यिराङला गोङ्‍बा शोयी। दी जम्‍बुलिङला दाक्‍पु ति ङ्‍यिमा चेयी पर सेक तिराङ देतुप छ्‍यिग्‍यपकी मी ताङ टम्‍नी देतुप मी दोके यिन सिरुप हाक्‍कोनी ख्‍यिरा सेमगी तेन्‍दोकला लङ्‍गुप जुकी नासाम दुक्‍टा नेसुर कुतुक दे।

१ कोरिन्‍थी 6:18

तुक क्‍यानी ङ ख्‍यिराङला सिरिन, शम्‍डेन कितुप नेसुर कुतुक दे। मीतिवी क्‍यावु यम्‍बा दिक्‍पातिवा तेरी खोरो जुकी फिला मेलोवा जेवी, यिने शम्‍डेन कितुप मी तीकी खोरो जुला राङ मेलोवा जेवी।

एफिसी 4:19

तिवा ङोछा मेतुप ताङ शम्‍डेन कितुप ताङ देर्पाला ख्‍येल्‍नी सेम नोजु कितुप गल वे।

२ कोरिन्थी 12:21

ङ येलुङ ख्‍यिरा ते वुङ्‍गुप पेला कोन्‍छ्‍योककी ख्‍यिरा दोङ्‍ला ङला मो बेप्‍किते यिन्‍दे सिनी ङला ज्‍यिवा लानी वे। तमा गोमाला लाका मेटेङ्‍बु क्‍यावु ताङ शम्‍डेन कितुप ताङ ङोछा लङ्‍गुप लाका क्‍यानी दिक्‍पा कितुप नेसुर सेम मुग्‍युरुपतिवा बङीकी थोक्‍ला ङला छासे पप लानी वे।

ज्‍यल्‍का 21:8

यिने च्‍ये ङ्‍यिङ दोके वोतुपतिवा ताङ तेपा मिकिवुतिवा ताङ क्‍युक्‍टो लङ्‍गुप लाका कितुपतिवा ताङ मी सेतुपतिवा ताङ शम्‍डेन कितुपतिवा ताङ मो ग्‍यकुपतिवा ताङ ल्‍हलु तेन्‍दुपतिवा ताङ जिनोक जोपतिवा तेरी मे ताङ तुसोक बरिन वोतुप ग्‍येम्‍छोला क्‍युर्कितो। दी ति शेप ङ्‍यिवा यिन।”

रोमी 7:23

ङे सेमला वोतुप यम्‍बा ठिम दुक्‍टाकी नासाम कुतुक शर्किवी। ती ठिम ति कोन्‍छ्‍योककी ठिमला गा लङ्‍गुप ङे सेमगी ठिम ताङ मुला कशेन माडिक्‍नी ङे मिजीला वोतुप दिक्‍पी ठिमला शोर्किवी।

मत्ती 15:19

च्‍यिलासिसिन सेम नेमा नासाम दुक्‍टा थेन्‍गिवी। तिवा ति मी सेतुप ताङ शम्‍डेन कितुप ताङ छ्‍येवु छ्‍येमु कितुप ताङ कुन कितुप ताङ पङ्‍बु मेटेङ्‍बु तेरुप ताङ मीला मारे तोङ्‍गुप यिन।

ज्‍यल्‍का 22:15

यिने ग्‍येसाकी फिला ति की दोके मेलोवा ताङ जिम्‍डुल छ्‍या देन्‍दुपतिवा ताङ शम्‍डेन कितुपतिवा ताङ शेन्‍बातिवा ताङ ल्‍हलु तेन्‍दुपतिवा ताङ जिनोक जोप ताङ जिनोकला गा कितुपतिवा तिराङ युकिवी।

याकूब 4:1

ख्‍यिरा पर्ला कङगी तेन्‍दोकला खाँदा ताङ थमु शोर्किवी? ती ति ख्‍यिरा पर्ला रङगी थोक्‍ला तिराङ च्‍युङ्‍शी सिनी सेमला थमु ग्‍यकुप नासाम नरी वोतुप तप्‍की यिन।

१ कोरिन्‍थी 6:13

तमा यम्‍बातिवी “समा ति सुपकी थोक्‍ला यिन, सुप ति समी थोक्‍ला यिन।” सिनी सिवी, यिने कोन्‍छ्‍योककी दिवा ङ्‍यिकरला ङ्‍यिम्‍ज्‍यिक फेन मोथोवु जेवी। दाक्‍पी जु ति शम्‍डेन कितुपकी थोक्‍ला मिन, चोवो येशूला शब्‍ज्‍यी बुलुपला यिन। तमा चोवो येशूकी दाक्‍पी जुला गोवु तेरी च्‍यालकतिवा नङ्‍गिवी।

रोमी 6:6

दाक्‍पी दिक्‍पा वोतुप मिजी ति ना डोशी, तमा येलुङ दाक्‍पु दिक्‍पी ओङला मेख्‍येल्‍शी सिनी दाक्‍पी मिजी ङ्‍यिङ्‍बा ति खो ताङ मुला राङ ग्‍यङ्‍शिङ लोला कल्‍नी शेप यिन सिरुप ति दाक्‍पुला छ्‍या वे।

हिब्रू 13:4

तेरीकी पर्ला जेन्‍दी ति ताङ्‍देन वोतुप वुङ्‍शी। तमा ख्‍योवा ताङ पेर्मी जेन्‍दी क्‍यासिमा मी यम्‍बा ताङ मुला शम्‍डेन कितुप मेङ्‍गिवी, च्‍यिलासिसिन शम्‍डेन कितुप ताङ यम्‍बा ख्‍योक्‍पेजा याङ्‍ना यम्‍बा पुम्‍पेजा ताङ मुला मेलोक्‍पा कितुपतिवाला कोन्‍छ्‍योककी ठिम क्‍या नङ्‍गिवी।

हिब्रू 12:16

ख्‍यिरा पर्ला सु साङ शम्‍डेनकी लाका माकी। तमा एसाव दोके कोन्‍छ्‍योकला ङ्‍याम मिकिवु माकी। तीकी समा छेक च्‍यिककी थोक्‍ला पुज्‍युङ छ्‍येकी ओङ साङ चोनी सोसुङ।

१ थेसलोनिकी 4:3

च्‍यिलासिसिन कोन्‍छ्‍योककी नोवा ति ख्‍यिराङ चाङ्‍मा देशी सिरुप यिन। तीकी तेन्‍दोक ति ख्‍यिराङ शम्‍डेन माकी,

१ कोरिन्‍थी 5:1

ङ ख्‍यिराङला ताम्‍ङे च्‍यिक सिरिन। ख्‍यिरा पर्ला शम्‍डेन कितुपतिवा वे सिरुप ति ङे थोसुङ। तुका शम्‍डेन कितुप लाका याङ कोन्‍छ्‍योकला ङो माशेवु मीतिवी पर्ला साङ मेङ्‍गिवी। ख्‍यिरा पर्ला ललाइकी खोरो उरु आमाला साङ पेर्मीला ज्‍याक्‍नोक सिनोक।

रोमी 7:5

तोङ्‍ला दाक्‍पु दिक्‍पी ओङला मिजी क्‍योङ्‍यिन वोतुप पेला ठिम नेसुर दाक्‍पुला लाका मेलोवा कितुप नासाम वानी तीकी दाक्‍पुला ज्‍युक्‍ला शि ज्‍यितुप दिक्‍पा कि च्‍यिसुङ।

रोमी 1:29

तमा मीतिवा तेरी वुल्‍दुङ्‍बा कितुप ताङ दुक्‍टा कितुप ताङ देर्पा कितुप ताङ लाका मेलोक्‍पा कितुप गल वे। तिवा ठतोक कितुप ताङ मी सेतुप ताङ थमु ग्‍यकुप ताङ जिनोक जोप ताङ दुक्‍टा वोतुप नासाम तोङ्‍गुप ताङ ताम्‍ङे क्‍योलुप ताङ

रोमी 1:26

ती तप्‍की कोन्‍छ्‍योककी तिवाला ङोजु मेतुप लाका कि ज्‍यितुपला पि ताङ ताङ्‍सुङ। तिवा पुम्‍पेजातिवी साङ पुम्‍पेजातिवी मुला राङ शम्‍डेन क्‍यानी लाका मेलोवा क्‍यासुङ।

१ थेसलोनिकी 4:5

कोन्‍छ्‍योकला ङो माशेवु मिरिक यम्‍बातिवा दोके शम्‍डेन माकी सिनी सिक्‍यावु यिन।

१ कोरिन्‍थी 6:11

गोमाला याङ ख्‍यिराङ साङ ललाइ तुकै राङ नोक। यिने त याङ चोवो येशू ख्रीष्‍ट ताङ दाक्‍पी कोन्‍छ्‍योककी थु चाङ्‍मा नेमा ख्‍यिरा दिक्‍पातिवा तानी ख्‍यिराङ टेङ्‍बु ताङ चाङ्‍मा च्‍युङ वे।

कलस्सी 2:11

ख्‍यिराङ खोला तेपा क्‍यानी यहूदी च्‍येतुप लुक्‍सु क्‍यावु यिन। ती च्‍येतुप लुक्‍सु ति मी लाक्‍पी क्‍यावु मिन, ख्रीष्‍ट नेमा राङ च्‍युङ्‍गुप यिन। ती ति ख्‍यिराङला वोतुप दिक्‍पाकी किताङ नालु क्‍युरुप यिन।

१ तिमोथी 6:10

च्‍यिलासिसिन टङ्‍गा डेवाला चा कितुप नासाम नेसुर राङ तेरी परकी दिक्‍पातिवा गिवी। टङ्‍गी देर्पाला ख्‍येल्‍नी ललाइ मीतिवा तेपा कितुप क्‍युर्नी ज्‍योकिवी, तमा तिवी सेमला छासे पप लङ्‍गिवी।

हिब्रू 13:5

ख्‍यिरा मिजी ति टङ्‍गा डेवाला चा कितुप नेसुर कुतुक दे। ख्‍यिरा मुला चो नोके तोजोयीला राङ सेम लोदिमु च्‍युङ्‍नी दे, च्‍यिलासिसिन कोन्‍छ्‍योककी दुक सुङ्‍नी वे, “ङ ख्‍युरुङला नाम्‍साङ पि मोतोङ, तमा क्‍युर्नी साङ मोज्‍योक।”