कलस्सी 3:3 - कोन्छ्‌योककी सुङ

³ च्‍यिलासिसिन ख्‍यिराङ शिनी वे, तमा ख्‍यिरा मिजी ति ख्रीष्‍टकी मुला राङ कोन्‍छ्‍योककी चिप्‍ला बानी ज्‍याङ वे।

कलस्सी 3:3 Iomraidhean Croise

मत्ती 11:25

ती पेला येशूकी दुक सुङ्‍नी मोपोर क्‍या नाङ्‍सुङ, “ओ पपा, देवाच्‍येन ताङ जम्‍बुलिङकी चोवो, ङ पपाला थुचिछे बुलिन। च्‍यिलासिसिन पपी दी ताम्‍ङे ति रिक्‍पा वोतुप ताङ लापुप मीतिवाला छ्‍याकला ज्‍याक्‍नी आङा टिक्‍पे दोके मालापुप मीतिवाला छ्‍या तेन्‍सुङ।

यूहन्‍ना 14:19

चेयी ज्‍युक्‍ला जम्‍बुलिङकी मीतिवी ङला येलुङ मोथोङ्‍गितो, यिने ख्‍यिरा याङ ङला थोङ्‍गितो। च्‍यिलासिसिन ङ सेन्‍बु वे, तमा ख्‍यिराङ साङ सेन्‍बु लुकिवी।

यूहन्‍ना 3:16

कोन्‍छ्‍योककी जम्‍बुलिङकी मीतिवाला दुका ङ्‍यिङ्‍ज्‍ये क्‍या नाङ्‍नी खोकी च्‍यिक राङ वोतुप सेवु ति जम्‍बुलिङला ताङ्‍सुङ। ती ति सी खोला तेपा किवे, तिवा ङ्‍येलाला मोडोशी, यिने नाम्‍साङ मिशिवु मिजी थोप्‍शी सिनी यिन।

यूहन्‍ना 4:14

यिने ङे तेरुप छ्‍यु थुङ्‍गुपतिवाला नाम्‍साङ कोम्‍बा मालङ्‍गिवी। तमा ती छ्‍यु ति तिवी मिजी नेमा नरी दोलुप छ्‍यी पुङ दोके च्‍युङ्‍नी तिवाला नाम्‍साङ मिशिवु मिजी तेर्किवी।”

यूहन्‍ना 5:21

पपी शेपतिवाला सेन्‍बु लङ च्‍यिनी तिवाला नाम्‍साङ मिशिवु मिजी नङ्‍गुप दोके खोकी पुज्‍युङकी साङ सुला मिजी तेरुप नोवा नोके, तीला नाम्‍साङ मिशिवु मिजी तेर्किवी।

यूहन्‍ना 5:24

ङ ख्‍यिराङला टेङ्‍बु सिरिन, सी ङे सुङला ङ्‍येन्‍नी ङला तोङ्‍गुप तीला तेपा किवे, तीला नाम्‍साङ मिशिवु मिजी थोप्‍किवी। तीला पर्च्या मोफोकिवी, तमा शेप ने थर्नी मिजी ङ्‍येकिवी।”

यूहन्‍ना 5:40

यिन्‍सिनाङ ख्‍यिराङ ती नाम्‍साङ मिशिवु मिजी ङ्‍येतुपला ङे चाला वुङ्‍गुप नो माक्‍या।

रोमी 5:10

च्‍यिलासिसिन दाक्‍पु कोन्‍छ्‍योक ताङ मुला डला गल वोसिनाङ खोकी सेवु येशू ख्रीष्‍ट टुङ्‍नी दाक्‍पु कोन्‍छ्‍योक ताङ मुला डिक्‍नी तम्‍जी ल्‍यामु च्‍युङ वे। तुक क्‍यासिन त याङ येशू ख्रीष्‍ट ङोसु वोतुप तप्‍की वुतुङ के दाक्‍पु दिक्‍पा ने थरुप ति मङ तेन्‍तेन वे।

रोमी 5:21

तुक क्‍यानी दिक्‍पाकी जोसालेन्‍सिन मीतिवा तेरीकी खला शेपकी ग्‍येला कितुप दोके कोन्‍छ्‍योककी कटिन साङ टेङ्‍बु वोतुप नेसुर ग्‍येला किवी। तमा दाक्‍पी चोवो येशू ख्रीष्‍ट नेमा दाक्‍पुला नाम्‍साङ मिशिवु मिजी नङ्‍गिवी।

रोमी 6:11

तुक राङ क्‍यानी ख्‍यिराङ साङ दाक दाक्‍पी दिक्‍पी थोक्‍ला शेप यिन, यिने त याङ येशू ख्रीष्‍ट ताङ मुला राङ कोन्‍छ्‍योककी थोक्‍ला सेन्‍बु लावु यिन सिनी नासाम तोङ गोकिवी।

रोमी 6:2

तुकै मिन, काङ दिक्‍पी जोसालेन्‍सिन दाक्‍पु शिसुङ, यिने च्‍यिला येलुङ दिक्‍पा क्‍या क्‍यावा राङ देकिवी?

रोमी 8:2

च्‍यिलासिसिन येशू ख्रीष्‍टला तेपा क्‍यासिमा मिजी सम्‍बा नङ्‍गुप कोन्‍छ्‍योककी थु चाङ्‍माकी ठिमकी ख्‍यिराङला दिक्‍पा ताङ शेपकी ठिम ने थर च्‍यिन वे।

१ कोरिन्‍थी 15:45

ती तप्‍की कोन्‍छ्‍योककी सुङला “थल्‍माकी मी आदम ति सेन्‍बु वोतुप मी च्‍युङ्‍सुङ।” सिनी टि वे, यिने तिङ्‍मी आदम यिन्‍दुप ख्रीष्‍ट ति मिजी नङ्‍गुप थु च्‍युङ्‍सुङ।

१ कोरिन्‍थी 2:14

खोकी थु चाङ्‍मा मेतुप मी तीकी खोकी थु चाङ्‍मा नेसुर वुङ्‍गुप ताम्‍ङेतिवा सेमला मलङ्‍गिवी। च्‍यिलासिसिन तिवी तुका ताम्‍ङेतिवाला तेन्‍दोक मेतुप यिन सिनी सिवी। तमा तिवी हाक साङ मोकोवी। तुका ताम्‍ङेतिवा खोकी थु चाङ्‍मा नेमा तिराङ हाक्‍को थुप्‍किवी।

२ कोरिन्थी 5:14

ङ्‍यिराङ याङ ख्रीष्‍टकी ङ्‍यिङ्‍ज्‍येकी ओङला राङ वे। तुक क्‍यानी ङ्‍यिराङ दी ताम्‍ङे ति तेन्‍तेन वोतुप हाक्‍कोकिवी। मी तेरीकी दिक्‍पी थोक्‍ला ख्रीष्‍ट टुङ्‍सुङ। ती तप्‍की मी तेरी खोकी मुला राङ शेप यिन।

२ कोरिन्थी 5:7

चोवो येशूला दाक्‍पी मिककी माथोङ्‍सिनाङ खो दाक्‍पी मुला नरी ज्‍युकिवी।

गलाती 2:20

ङ ख्रीष्‍ट ताङ मुला ग्‍यङ्‍शिङ लोला कलुप यिन। तुक क्‍यानी तन्‍दा ङे क्‍योङ्‍गुप मिजी ति ङे ति मिन, ख्रीष्‍टकी ति यिन। दी मिजी ति ङला ङ्‍यिङ्‍ज्‍ये क्‍यानी खोरे मिजी साङ ङे थोक्‍ला नङ्‍गुप कोन्‍छ्‍योककी सेवुला तेपा क्‍यानी क्‍योङ्‍गिवी।

एफिसी 3:9

तमा तेरी च्‍यालकतिवा ज्‍ये नङ्‍गुप कोन्‍छ्‍योककी ताङ्‍बो ताङ्‍बो नेज्‍युनी छ्‍याकला वोतुप नोवाकी तेन्‍दोक ति काङ यिन सिनी तेरी मीतिवाला ख्‍याप्‍टाक कितुप कटिन ति ङला नङ्‍गुप यिन।

फिलिप्पी 4:7

तुक क्‍यासिन मी नासाम तङ्‍गुप सिनाङ ल्हक्‍पा वोतुप कोन्‍छ्‍योककी लोदिमुकी ख्‍यिरा सेम ताङ नासाम ति येशू ख्रीष्‍टकी ओङ नेसुर र्‍होकितो।

कलस्सी 1:5

तुका तेपा ताङ ङ्‍यिङ्‍ज्‍ये क्‍यावु ति ख्‍यिरा थोक्‍ला देवाच्‍येनला ज्‍यकुप रेवा नेसुर वुङ्‍गुप यिन। ती रेवाकी कोर्ला गोमाला के ख्‍यिरा सुङ टेङ्‍बु वोतुप कोन्‍छ्‍योककी लेन ल्‍यामु थोवु पेला हाक्‍को वे।

कलस्सी 2:20

ख्‍यिराङ याङ ख्रीष्‍टकी मुला राङ शिनी दी जम्‍बुलिङला ओङ्‍ज्‍येन क्‍यावु ठिम नेसुर थर्नी वे। यिन्‍सिनाङ च्‍यिला दी जम्‍बुलिङकी ठिमला वोतुप मीतिवी दोके मिजी क्‍योङ्‍गिवी?

कलस्सी 2:3

ख्रीष्‍टला राङ कोन्‍छ्‍योककी तेरी येन्‍देन ताङ रिक्‍पा ति बानी ज्‍यकुप टोङ्‍बा दोके क्‍यानी ज्‍याक्‍नी वे।

कलस्सी 3:4

ख्‍यिरा मिजी ति ख्रीष्‍ट यिन। खो फेपुप तुजेला ख्‍यिराङ साङ खोकी मुला राङ खोकी मोवाला वुङ्‍गुप थोङ्‍गितो।

हिब्रू 7:25

तुक क्‍यानी खोला तेपा क्‍यानी कोन्‍छ्‍योककी चिप्‍ला वुङ्‍गुपतिवा तेरीला खोकी वुतुङ के दिक्‍पा ने थर ज्‍यिकिवी। च्‍यिलासिसिन तेपा कितुपतिवी थोक्‍ला कोन्‍छ्‍योकला मोपोर ताङ गोङ्‍बा शोपला खो नरी ङोसु ज्‍युकिवी।

१ पत्रुस 3:4

यिने ख्‍यिरा सेमगी दिङ्‍ला ति नाम्‍साङ मोफोवु कुसु ज्‍यम्‍बु ताङ हम क्‍या देतुप च्‍युङ्‍नी मज्‍या ल्‍यामु कोन्‍नी छ्‍यावु दोके जेमु जो। ती ति कोन्‍छ्‍योककी थोङ्‍दाङला छासे गोङ नावु वे।

१ पत्रुस 4:2

तमा तीकी खोरो मिजी वोता सेक दुक्‍टा कितुप नोवाला मिन, यिने कोन्‍छ्‍योककी नोवाला मिजी क्‍योङ्‍गिवी।

१ यूहन्‍ना 3:2

ङे ङ्‍यिङ्‍ज्‍येवुतिवा, तन्‍दा दाक्‍पु कोन्‍छ्‍योककी पुज्‍युङपुम यिन। दाक्‍पुला ज्‍युक्‍ला काङ ख्‍येल्‍गिवी सिरुप ति तन्‍दा सेक छ्‍या मे, यिने येशू फेवु पेला खो चुकै नोक सिरुप ति दाक्‍पी मिककी राङ थोङ्‍गिवी। तमा दाक्‍पु खो दोके राङ डिवी।

ज्‍यल्‍का 2:17

कोन्‍छ्‍योककी थु चाङ्‍माकी चर्चतिवाला दुक सुङ्‍नी वे। सी ल्‍यामो क्‍यानी हाक्‍कोवु नोकिवे, तीकी ल्‍यामो क्‍यानी ङ्‍येन्‍शी। सी शैतानकी ओङ्‍ज्‍येनला ग्‍येल्‍गिवे, तीला छ्‍याकला वोतुप कोन्‍छ्‍योककी मन्‍न तेरिनो। तमा तीला ङ मिङ सम्‍बा टिवु दो कर्मु यी साङ तेरिनो। सुला ती दो ति थोप्‍किवे, तीकी तिराङ ती दोला टिवु मिङ ति हाक्‍कोकिवी।’”