कलस्सी 3:2 - कोन्छ्‌योककी सुङ

² तुक क्‍यानी ख्‍यिराङ जम्‍बुलिङकी ताम्‍ङेला मिन, येर देवाच्‍येनकी ताम्‍ङेला नासाम तोङ।

कलस्सी 3:2 Iomraidhean Croise

मत्ती 16:23

यिने येशू पत्रुसकी थाकाला ग्‍युर्नी तीला “ओ शैतान, ख्‍युरुङ ङे चा नेवा ग्‍युक! ख्‍युरुङ ङे कि गोवु कोन्‍छ्‍योककी लाका कि मिज्‍यिवु छोल्‍गिनोक। ख्‍युरुङ कोन्‍छ्‍योककी ताम्‍ङेला मिन, यिने मी ताम्‍ङेला तिराङ नासाम तोङ्‍गिनोक।” सिनी सुङ्‍सुङ।

मत्ती 6:19

“ख्‍यिरा थोक्‍ला जम्‍बुलिङला टोङ्‍बा माशोम। जम्‍बुलिङला याङ मुक्‍पा ग्‍यकिवी, च छ्‍यानी ना डिवी, कुर्मेनकी कुनी डिवी।

लूका 12:15

तमा खोकी ते वोतुप मी तेरीला सुङ्‍सुङ, “च्‍याङ्‍से देता, ख्‍यिराङ तेरी परकी देर्पा नेमा कुतुक दे। खोरो टोङ्‍बा छासे बङी वोसिनाङ मीकी मिजी ति ती टोङ्‍बी मुला मुलुवी।”

लूका 16:11

तुक क्‍यानी दोजो ख्‍यिराङ जम्‍बुलिङकी टोङ्‍बाला खोङ्‍तेर्मु मेसुङ सिसिन सी देवाच्‍येनकी टोङ्‍बा टेङ्‍बु ति ख्‍यिराङला चेक तेकिवी?

फिलिप्पी 1:23

तुक क्‍यानी ङ काङ कितुप काङ कितुप गल वे। ङला याङ जम्‍बुलिङ क्‍युर ज्‍याक्‍नी ख्रीष्‍टकी चिप्‍ला राङ देतुप नो वे। ङला ती राङ ल्‍यामु यिन।

कलस्सी 3:1

ख्‍यिराङ ख्रीष्‍टकी मुला राङ सेन्‍बु लङ्‍गुप तप्‍की येर देवाच्‍येनकी ताम्‍ङेतिवाला नासाम तोङ। ते देवाच्‍येनला ख्रीष्‍ट कोन्‍छ्‍योककी यावी थाकाला ज्‍युकिवी।

कलस्सी 3:5

तुक क्‍यानी ख्‍यिरा जम्‍बुलिङकी मिजीला वोतुप नोवातिवा तेरी क्‍युर। ती नोवातिवा ति शम्‍डेन कितुप ताङ छ्‍येवु कितुप ताङ चोताम लपुप ताङ नासाम मेलोवा तोङ्‍गुप ताङ देर्पा कितुप यिन। देर्पा कितुप ति कुला छ्‍यो तङ्‍गुप दोके यिन।