कलस्सी 2:9 - कोन्छ्‌योककी सुङ

⁹ च्‍यिलासिसिन कोन्‍छ्‍योकला वोतुप तेरी छाछिङी ति ख्रीष्‍टकी मुला राङ ज्‍यु वे।

कलस्सी 2:9 Iomraidhean Croise

कलस्सी 1:19

कोन्‍छ्‍योककी नोवाकी राङ ख्रीष्‍ट ति खो ताङ च्‍यिक्‍पा राङ क्‍यानी ज्‍युवु गा लासुङ।

यूहन्‍ना 1:14

तमा ती सुङ ति मी जुजमला दाक्‍पी पर्ला ज्‍युसुङ। खोकी मोवा ङ्‍यिरा थोङ्‍सुङ, तमा ती मोवा ति कोन्‍छ्‍योककी च्‍यिक राङ वोतुप खोकी सेवुकी मोवा यिनोक। खो ति छासे कटिन ताङ टेङ्‍बुकी क्‍येङ नोक।

यूहन्‍ना 10:30

ङ ताङ पपा ति च्‍यिक राङ यिन।”

१ तिमोथी 3:16

वुतुङ के छ्‍याकला वोतुप दाक्‍पी क्‍यावु तेपाकी तेन्‍दोक ति छासे छ्‍ये वे। “येशू ख्रीष्‍ट ति मी जुजमला दी जम्‍बुलिङला फेप्‍सुङ। तमा कोन्‍छ्‍योककी थु चाङ्‍माकी खोला टेङ्‍बु वोतुप सिनी चिसुङ। खो देवाच्‍येनकी लेन क्‍योलुप थुतिवी पर्ला थोङ्‍सुङ। तमा खोकी कोर्ला लुङ्‍बा लुङ्‍बाला ख्‍याप्‍टाक क्‍यासुङ। जम्‍बुलिङकी मीतिवी खोला तेपा क्‍यासुङ। येलुङ कोन्‍छ्‍योककी खोला ताङ्‍देन ताङ क्‍यानी देवाच्‍येन ने तेक्‍नी फेप्‍सुङ।”

यूहन्‍ना 10:38

यिने ङे ती लाका क्‍यावु यिन्‍सिन ङला तेपा माक्‍यासिनाङ ती लाकातिवाला ति तेपा की। तुक क्‍यासिन पपा ङे मुला वे, तमा ङ पपी मुला वे सिरुप ति ख्‍यिरा हाक्‍कोकिवी।”

१ यूहन्‍ना 5:20

दाक्‍पुला छ्‍या वोतुप ति काङ यिन सिसिन, कोन्‍छ्‍योककी सेवु दी जम्‍बुलिङला फेप्‍नी दाक्‍पी खोला ङो शेवु रिक्‍पा नङ्‍सुङ। तुक क्‍यानी खो टेङ्‍बु यिन सिरुप ति दाक्‍पी हाक्‍कोकिवी। तमा खो ताङ मुला दाक्‍पी तम्‍जी ल्‍यामु वे, खोकी सेवु येशू ख्रीष्‍टकी मुला साङ तम्‍जी ल्‍यामु वोतुप हाक्‍कोकिवी। ती येशू ख्रीष्‍ट ति टेङ्‍बु वोतुप कोन्‍छ्‍योक यिन। खोकी दाक्‍पुला नाम्‍साङ मिशिवु मिजी नङ्‍गिवी।

यूहन्‍ना 14:20

ती छेर्मु ङ पपी मुला वोतुप ताङ ख्‍यिराङ ङे मुला वोतुप ताङ ङ ख्‍यिरा मुला वोतुप ति ख्‍यिरा हाक्‍कोकितो।

यूहन्‍ना 17:21

ओ पपा, पपा ङे मुला वोतुप ताङ ङ पपी मुला वोतुप दोके तिवा तेरी च्‍यिक राङ च्‍युङ्‍नी तिवा साङ दाक्‍पी मुला राङ च्‍युङ्‍शी, तमा पपी ङला तङ्‍गुप यिन सिरुप ति जम्‍बुलिङकी मीतिवी तेपा किशी।

तीतस 2:13

ती तप्‍की चोछ्‍येवु कोन्‍छ्‍योक ताङ दिक्‍पा ने थर ज्‍यितुप चोवो येशू ख्रीष्‍ट फेपुप मोवाकी थोक्‍ला दाक्‍पु रेवा क्‍यानी गुनी देकिवी।

लूका 3:22

ती पेला कोन्‍छ्‍योककी थु चाङ्‍मा ति गम्‍देर दोके क्‍यानी खोकी खला पाप्‍सुङ। तमा देवाच्‍येन नेमा “ख्‍युरुङ ङे ङ्‍यिङ्‍ज्‍येवु पुज्‍युङ यिन, ख्‍योरो मुला ङ छासे गा ला वे।” सिरुप वोरु यी वासुङ।

मत्ती 1:23

“ल्‍होसा, जेन्‍दी माक्‍यावु पुम्‍पेजा यीला पुज्‍युङ यी क्‍येकितो, तमा मीतिवी खोला इम्‍मानुएल सिनी सिवितो।” दी इम्‍मानुएलकी तेन्‍दोक ति ‘कोन्‍छ्‍योक दाक्‍पी मुला ज्‍यु वे।’ सिक्‍यावु यिन।

२ कोरिन्थी 5:19

तीकी तेन्‍दोक ति येशू ख्रीष्‍ट नेसुर राङ कोन्‍छ्‍योककी तेरी मीतिवाला येलुङ खोकी मुला तम्‍जी ल्‍यामु जोवु यिन। तमा मीतिवी क्‍यावु दुक्‍चे क्‍येनकी लाकातिवाला खोकी काङ साङ छ्‍येर्पा माबिन्‍नी खोरे मुला तम्‍जी ल्‍यामु जोपला ख्‍याप्‍टाक कितुप लाका ति ङ्‍यिराङला चेक तेन नाङ्‍सुङ।

१ यूहन्‍ना 5:7

पङ्‍बु तेरुप ति सुम चोके वे।

यूहन्‍ना 2:21

यिने खोकी सुङ्‍गुप ल्‍हङाङकी तेन्‍दोक ति खोरो जुकी कोर्ला सुङ्‍गुप यिन।

यूहन्‍ना 1:16

खोकी छाछिङी नेमा दाक्‍पुला नरीकी नरी कटिन मङ्‍मु थोप्‍नी वे।

लोमा छ्‍येतिवी लाका 17:29

दाक्‍पु कोन्‍छ्‍योककी गिपातिवा यिन्‍दुप तप्‍की खो ति मी लाक्‍पी लक्‍शी नेसुर नासाम तङ्‍नी सेर, ङुल ताङ दो थ्‍योनी जोवु दोके यिन सिनी नासाम तोङ्‍गुप मेङ्‍गिवी।

लूका 14:22

ती लावा तीकी तुक क्‍यानी वासिमा ज्‍यिन्‍दाकला सिक्‍यासुङ, ‘ज्‍यिन्‍दाककी योक कुतुप दोके राङ ङे क्‍यायिन, यिने तरोङ साङ दासा वे।’