कलस्सी 2:8 - कोन्छ्‌योककी सुङ

⁸ ख्‍यिराङ च्‍याङ्‍से देता! सी साङ खोप्‍रे च्‍यु ताङ रिक्‍पा नेसुर जिनोक जोवु ताम्‍ङेतिवा लाप्‍नी ख्‍यिराङला मुलुशिता। तुका ताम्‍ङेतिवा ख्रीष्‍ट नेमा वावु मिन, यिने मीतिवी लुक्‍सु ताङ जम्‍बुलिङला वोतुप ङार नेसुर वावु यिन।

कलस्सी 2:8 Iomraidhean Croise

मत्ती 10:17

ख्‍यिराङ मीतिवा नेसुर च्‍याङ्‍से देता। च्‍यिलासिसिन तिवी ख्‍यिराङला ठिम्‍खाङला क्‍योल्‍गितो, तमा यहूदी छ्‍योखाङला टिनी पाङ्‍शर तोङ्‍गितो।

मत्ती 16:6

तमा येशूकी तिवाला “ख्‍यिराङ फरिसी ताङ सदुकीतिवी खमीर नेसुर च्‍याङ्‍से देता।” सिनी सुङ्‍सुङ।

मत्ती 7:15

“लुङ्‍तेम्‍बा मेटेङ्‍बुतिवा नेसुर च्‍याङ्‍से देता। तिवा फिला ल्‍हासिन लुक दोके ल्‍यामु थोङ्‍गिवी, यिने सेम ति ज्‍यिवा लङ्‍गुप खटमु दोके गिवी।

लोमा छ्‍येतिवी लाका 17:18

ती पेला इपिक्‍युरी ताङ स्‍तोइ सिरुप शेवा खावा वोतुप मीतिवी पर्ला ललाइकी पावल ताङ मुला केवुल क्‍यासुङ। तिवी पर्ला ललाइकी “दी पेतेक पेतेक सिरुप मी तीकी काङ सिक्‍यावु यिनाङ?” सिनी सिक्‍यासुङ। तमा यम्‍बातिवी “दी याङ छ्‍यिग्‍यपकी ल्‍हलुतिवी कोर्ला ख्‍याप्‍टाक कितुप मी दोके थोङ्‍गिनोक।” सिनी सिक्‍यासुङ। च्‍यिलासिसिन पावलकी येशू ताङ खो ङोसु लावु कोर्ला ख्‍याप्‍टाक क्‍यानोक।

लोमा छ्‍येतिवी लाका 17:32

मीतिवी येशू टुङ्‍नी ङोसु लावु कोर्ला थोसिमा ललाइकी मर्च्या क्‍यासुङ। तमा ललाइकी ङ्‍यिराङ येलुङ दी ताम्‍ङे ति ङ्‍येन गोकिवी सिनी सिक्‍यासुङ।

रोमी 16:17

अच्‍युनुपतिवा, ङ ख्‍यिराङला ठाकुरे सिनी गोङ्‍बा शोयी। ख्‍यिराङला लापुप कोन्‍छ्‍योककी सुङगी तेन्‍दोकला लानी ख्‍यिरा पर्ला क्‍येन तेरुप ताङ क्‍येङ्‍सु जोप मीतिवाला ल्हो। तमा तिवा नेसुर क्‍येङ्‍सु दे।

१ कोरिन्‍थी 10:12

तुक क्‍यानी ख्‍यिराङ तेपा रम्‍बु वे सिनी सिरुपतिवा च्‍याङ्‍से क्‍यानी देता। मिसियाङ ख्‍यिराङ तला ग्‍यकितो।

१ कोरिन्‍थी 8:9

तुक क्‍यानी ख्‍यिराङ च्‍याङ्‍से देता, ख्‍यिराङ तेपा रम्‍बु वोतुपतिवी काङ सोसिनाङ गिवी, यिने ख्‍यिरा जोसालेन्‍सिन तेपा रम्‍बु मेतुपतिवा दिक्‍पाला ख्‍येल्‍गिवी।

२ कोरिन्थी 10:5

तमा ङ्‍यिराङ कोन्‍छ्‍योककी रिक्‍पाकी तेन्‍दोकला लङ्‍गुप ङ राङ यिन सिरुप ताम्‍ङेतिवा तेरी ना तोङ्‍गिवी। तमा ती तेरी नोवातिवाला खोकी ओङला ज्‍याक्‍नी ख्रीष्‍टकी कला ङ्‍येन्‍दुप जेवी।

गलाती 1:14

ती पेला ङ ताङ दुरिम वोतुप यहूदी मी बङी नाङ ने ङ ति यहूदी छ्‍योला तेन्‍दुप खामु वोतुप मी यिन। तमा पगावा हङ्‍गावी तेन्‍दुप लुक्‍सु तेरी ङार छ्‍येवु क्‍यानी तेन्‍दुप मी साङ यिन।

गलाती 4:3

ती दोके दाक्‍पु साङ टिक्‍पे वोतुप पेला ति फेन मोथोवु जम्‍बुलिङकी ल्हलुकी ओङला योक्‍पु दोके वोतुप्‍जा।

गलाती 4:9

यिने त याङ ख्‍यिरा कोन्‍छ्‍योकला ङो शेनी वे, खोकी साङ ख्‍यिराङला ङो शेनी वे। यिन्‍सिनाङ ख्‍यिराङ च्‍यिला ओङ मेतुप ताङ फेन मोथोवु जम्‍बुलिङकी ल्हलुकी ओङला लोक्‍नी शब्‍ज्‍यी कितुप नो किवी?

गलाती 5:15

यिने ख्‍यिराङ नाठुङकी सेम्‍ज्‍येनतिवा दोके च्‍यिककी च्‍यिकला फेतुप ताङ सेवी सिसिन ख्‍यिरा पर्ला राङ ना डोप लाका यिनो। तीकी कोर्ला ख्‍यिराङ च्‍याङ्‍से देता।

एफिसी 2:2

ती पेला दी जम्‍बुलिङ ताङ शैतानकी ओङ्‍ज्‍येनला वोतुप मीतिवी दोके ख्‍यिरा साङ लाका मेलोक्‍पा क्‍यासुङ। ती शैतानकी राङ तन्‍दा साङ कोन्‍छ्‌योककी सुङ मेङ्‍येन्‍दुप तिवी खला ओङ्‍ज्‍येन किवी।

एफिसी 4:20

यिने ख्‍यिरा याङ ख्रीष्‍टकी कोर्ला तुकै मालाप वे।

एफिसी 5:6

सी साङ ख्‍यिराङला ताम्‍ङे मेशोलोक लाप्‍नी जिनोक मोजोशी, च्‍यिलासिसिन ती ताम्‍ङेकी जोसालेन्‍सिन कोन्‍छ्‌योककी सुङ मेङ्‍येन्‍दुपतिवी खला खोकी पर्च्या फोकिवी।

फिलिप्पी 3:2

फेतुप की दोके क्‍यानी थमु ग्‍यकुप ताङ लाका दुक्‍टा कितुप ताङ दिक्‍पा ने थरुपला जुला च्‍येतुप लुक्‍सु कि राङ गोकिवी सिरुप मीतिवा नेसुर च्‍याङ्‍से देता।

कलस्सी 2:18

ङ्‍यिरा ज्‍यल्‍का थोङ्‍गुप यिन सिनी मी यम्‍बाला छ्‍या देन्‍दुपला कुसु ज्‍यम्‍बु जोप दुक्‍टातिवा ताङ देवाच्‍येनकी लेन क्‍योलुप थुला तेन्‍दुप मीतिवा सी साङ ख्‍यिराङला थोपुप छ्‍यक्‍तक तोर्नी डोप मोजोशी। तिवा ति सेम दुक्‍टा नेसुर तेन्‍दोक मेताला ङ राङ छ्‍ये यिन सिनी सिवी,

कलस्सी 2:20

ख्‍यिराङ याङ ख्रीष्‍टकी मुला राङ शिनी दी जम्‍बुलिङला ओङ्‍ज्‍येन क्‍यावु ठिम नेसुर थर्नी वे। यिन्‍सिनाङ च्‍यिला दी जम्‍बुलिङकी ठिमला वोतुप मीतिवी दोके मिजी क्‍योङ्‍गिवी?

कलस्सी 2:22

ती तेरी ठिमतिवा थोकिन थोकिन ना डिवी। तिवा ति मीतिवी जोवु ठिम ताङ येन्‍देनतिवा तिराङ यिन।

कलस्सी 2:23

तिवा ति खोप्‍रे जोवु छ्‍योला टेङ्‍बु कितुप ताङ कुसु ज्‍यम्‍बु कितुप ताङ खोरो जुला डेकला ज्‍योकुपला छासे रिक्‍पा वोतुप दोके थोङ्‍गिवी, यिने तिवा ति नासाम दुक्‍टाला खोरो ओङला ज्‍योकुपला काङ साङ फेन मोथोवु वे।

१ तिमोथी 6:20

आङ तिमोथी, कोन्‍छ्‍योककी ख्‍युरुङला काङ लाका चेक तेन नङ वे, ती ति ल्‍यामो क्‍यानी र्‍होक्‍नी ज्‍योक। तेन्‍दोक मेतुप ताम्‍ङेतिवा क्‍युर्नी ज्‍योक। तिवी रिक्‍पा वोतुप यिन सिवी, यिने ती वुतुङ्‍की रिक्‍पा मेतुप मीतिवी ताम्‍ङे नेसुर कुतुक दे।

२ तिमोथी 3:13

मी दुक्‍टातिवा ताङ मीला केन्‍दुप मीतिवा मीला केन्‍नी राङ मङ मङ दुक्‍टा डिवी। तमा मी यम्‍बी साङ तिवाला तुकै राङ किवी।

हिब्रू 13:9

ख्‍यिराङ नम्‍बा कुतुककी येन्‍देन मेटेङ्‍बुला मेख्‍येल्‍शी। साप थुङ्‍गुप लुक्‍सुतिवा तेन्‍नी मिन, यिने कोन्‍छ्‍योककी कटिन नेमा ख्‍यिरा सेम रम्‍बु च्‍युङ्‍गुप ति ल्‍यामु यिन। तुका लुक्‍सुतिवा तेन्‍नी ख्‍यिराङला काङ साङ ख्‍येप्‍साङ मेवी।

हिब्रू 3:12

अच्‍युनुपतिवा, च्‍यक्‍पु किसा। ख्‍यिराङ सु साङ तेपा मिकिवु सेम दिक्‍छेन गल्‍नी ङोसु वोतुप कोन्‍छ्‍योकला क्‍युर्नी माज्‍योका।

१ पत्रुस 1:18

ख्‍यिराङला छ्‍या वे, ख्‍यिरा पगावा हङ्‍गावातिवा नेसुर वावु तेर्मेकी किताङ नालुतिवा नेसुर ख्‍यिराङ रङ्‍ज्‍येन थोप्‍सुङ। ती ति ना डोप सेर ताङ ङुलतिवा दोके गोङ तेनी ख्‍यिराङला थोपुप मिन,

२ पत्रुस 3:17

तुक क्‍यानी ङे ङ्‍यिङ्‍ज्‍येवु अच्‍युनुपतिवा, ख्‍यिराङ गोमाला के दी ताम्‍ङे ल्‍यामु हाक्‍कोनी च्‍याङ्‍से देता। मी दुक्‍टातिवी ताम्‍ङेला येनी मादे, तमा रङगी हाक्‍कोवु सुङला रम्‍बु क्‍यानी डेकला देता।

२ यूहन्‍ना 1:8

च्‍याङ्‍से देता, ख्‍यिराङ काङगी थोक्‍ला लाका किवे, ती ति ख्‍यिरा तोर ज्‍यितुप मिन, यिने तिङ्‍ला कोन्‍छ्‍योककी नङ्‍गुप छ्‍यक्‍तक तेरी थोपुप वुङ गोकितो।