कलस्सी 2:5 - कोन्छ्‌योककी सुङ

⁵ ङ ख्‍यिरा पर्ला मेसिनाङ ङे सेम ति ख्‍यिरा पर्ला राङ वे। ख्‍यिराङ येर मर माक्‍यानी ख्रीष्‍टला तेपा क्‍यानी डेकला देतुप ति ल्‍हानी ङ गा कितिन।

कलस्सी 2:5 Iomraidhean Croise

लोमा छ्‍येतिवी लाका 2:42

तमा तिवा यम्‍बा तेपा कितुपतिवा ताङ मुला थिन्‍नी लोमा छ्‍येतिवी येन्‍देन ङ्‍येन्‍दुप ताङ डिक्‍जोम कितुप ताङ चोवोकी डेन साप लाका ताङ मोपोर क्‍या क्‍यावा देकिनोक।

लोमा छ्‍येतिवी लाका 20:21

ङ दिक्‍छेन यिनोक सिनी सेम ग्‍युर्नी कोन्‍छ्‍योककी सुङला ङ्‍येन्‍दुप ताङ येशूला तेपा कि गोकिवी सिरुप ताम्‍ङे ति यहूदीतिवा ताङ ग्रीकतिवाला ङे पङ्‍बु बिनिन।

१ कोरिन्‍थी 11:34

दोजो ललाइ ल्‍होतुङ्‍बा वोसिन तीकी खोरो खाङ्‍बाला राङ सशी। मिसियाङ मुला राङ जोम्‍नी चोवोकी डेन साप पेला ख्‍यिराङला साङ पर्च्या फोकिवी। यम्‍बा ताम्‍ङेतिवा ति ङ वासिमा सिरुप्‍नो।

१ कोरिन्‍थी 14:40

यिने तेरी लाकातिवा डिक्‍नी छे क्‍यानी किसा।

१ कोरिन्‍थी 15:58

तुक क्‍यानी ङे ङ्‍यिङ्‍ज्‍येवु अच्‍युनुपतिवा, ख्‍यिराङ हम क्‍या देता। सी साङ ख्‍यिराङला येर मर कितुप मोजोशिता। ख्‍यिराङ ति चोवो येशूकी थोक्‍ला शब्‍ज्‍यी कितुला नरी फरिन ग्‍युका। च्‍यिलासिसिन ख्‍यिराङला छ्‍या वे, ख्‍यिरा चोवोकी थोक्‍ला टेमु क्‍यावु ति नाम्‍साङ तेर्मेला मोडोवी।

१ कोरिन्‍थी 16:13

ख्‍यिराङ च्‍याङ्‍से देता, तमा तेपा रम्‍बु क्‍यानी ङाडेङ ताङ ङार छ्‍येवु क्‍यानी देता।

कलस्सी 2:1

वुतुङ के ङे याङ ख्‍यिराङ ताङ लाउडिकियाला वोतुप मीतिवा ताङ ङला ङो माशेवुतिवा तेरीकी थोक्‍ला छासे टेमु क्‍यानी लाका क्‍या वे सिरुप ति ख्‍यिराङला हाक्‍कोशी सिरुप ङे नोवा वे।

१ थेसलोनिकी 2:17

अच्‍युनुपतिवा, दाक्‍पु तन्‍दा चेयी पर सेक दासा कुतुक कुतुकला देनी वे, यिने सेम ति च्‍यिक्‍पा राङ वोतुप तप्‍की ख्‍यिराङला छासे ठेयिन्‍दे लासुङ।

१ थेसलोनिकी 3:8

ख्‍यिरा कोन्‍छ्‍योकला तेपा रम्‍बु क्‍यानी देतुप तप्‍की ङ्‍यिराङ सेम लोदिमु क्‍यानी दे थुप्‍किवी।

हिब्रू 3:14

दाक्‍पी गोमाला तेपा कितुप पेला तेन्‍तेन क्‍यावु ताम्‍ङेला तिङ्‍ला सेक डेकला देसिन दाक्‍पु ख्रीष्‍टला वोतुप ति तेरी मुला राङ थोप्‍किवी।

हिब्रू 6:19

ती रेवाला राङ दाक्‍पी मिजी ति रेन्‍नी देन वे। दी रेवा ति ग्‍येम्‍छो नाङ्‍ला वोतुप टुला लङ्‍गर ग्‍यप्‍सिमा टु ति र्‍होकुप दोके दाक्‍पी सेमला रम्‍बु ताङ र्‍होकुप च्‍युङ्‍नी वे। तमा ती रेवा ति यहूदी ल्‍हङाङला ग्‍यपुप गोयोल नङगी छासे चाङ्‍मा वोतुप दासा सेक लेपुपला दाल्‍जा किवी।

१ पत्रुस 5:9

तुक क्‍यानी ख्‍यिराङ तेपा रम्‍बु क्‍यानी तीकी तेन्‍दोकला लोसा, च्‍यिलासिसिन जम्‍बुलिङ तेरीला वोतुप ख्‍यिरा अच्‍युनुपतिवी साङ तुकै राङ छेटाङ खुरिन वोतो।