कलस्सी 2:4 - कोन्छ्‌योककी सुङ

⁴ ङे दी ताम्‍ङे सिक्‍यावु ति सी साङ ख्‍यिराङला ताम्‍ङे टेङ्‍बु वोतुप दोके जिनोक जोनी मुलुशी सिनी यिन।

कलस्सी 2:4 Iomraidhean Croise

मत्ती 24:24

च्‍यिलासिसिन ख्रीष्‍ट जुमातिवा ताङ लुङ्‍तेम्‍बा मेटेङ्‍बुतिवा वानी त ग्‍येर्पु ताङ हलेवु लाकातिवा छ्‍या देनिन सिरा कोन्‍छ्‍योककी पेतुपतिवाला साङ अछ्‍योता सेक लुकिवी।

मत्ती 24:4

तमा येशूकी तिवाला सुङ्‍सुङ, “च्‍याङ्‍से क्‍यानी देता, सी साङ ख्‍यिराङला मुलुशी।

मर्कूस 13:22

तुका ख्रीष्‍ट जुमातिवा ताङ लुङ्‍तेम्‍बा मेटेङ्‍बुतिवा वुङ्‍गिवी, तमा तिवी ततिवा ताङ हलेवु लाकातिवा छ्‍या तेन्‍नी अछ्‍योता सेक कोन्‍छ्‍योककी पेतुपतिवाला लुतुप छोल्‍गिवी।

लोमा छ्‍येतिवी लाका 20:30

ख्‍यिरा पर नेमा राङ मी मेलोक्‍पातिवा थेन्‍नी लोमातिवाला खोप्‍रे तिङ्‍ला टि डोपला ताम्‍ङे जिनोक जो थुप्‍किवी।

१ कोरिन्‍थी 2:4

ङे ख्‍याप्‍टाक क्‍यावु सुङ ताङ टोङ्‍गु बिन्‍दुप ति जम्‍बुलिङकी च्‍यु ताङ रिक्‍पा नेसुर मिन, यिने कोन्‍छ्‍योककी थु चाङ्‍माकी ओङ ताङ ङार नेमा क्‍यावु यिन।

२ कोरिन्थी 11:3

यिने शैतानकी रुल नेसुर जिनोक जोनी हव्‍वाला क्‍येन बिन्‍दुप दोके ख्‍यिरा सेम ति ख्रीष्‍टला वोतुप टेङ्‍बु ताङ खोकी थोक्‍ला सेम च्‍यिक राङ जोनी तेन्‍तेन कितुप नेसुर कुतुक डिते सिनी ङला ज्‍यिवा लान वे।

गलाती 2:4

च्‍यिलासिसिन मेटेङ्‍बु शेतुप अच्‍युनुपतिवी दाक्‍पुला च्‍येतुप लुक्‍सु कि गोकिवी सिनी सिक्‍यासुङ। तुक क्‍यावु तेन्‍दोक ति तिवी दाक्‍पु ख्रीष्‍टला तेपा क्‍यानी रङ्‍ज्‍येन थोपुपतिवाला खोरो योक्‍पु जोपला यिन।

एफिसी 4:14

तुक क्‍यानी दाक्‍पु मीतिवी जिनोक ताङ दुक्‍टा ताङ नम्‍बा कुतुककी येन्‍देन मेटेङ्‍बुला फार छुर युकुप आङातिवा दोके मोडोशी।

एफिसी 4:17

ती तप्‍की ङ दी ताम्‍ङे ति चोवो येशूकी मिङला ठाकुरे सिरिन। यहूदी मिन्‍दुप मिरिक यम्‍बाकी मीतिवी तेर्मेकी नासामतिवा तङ्‍नी मिजी क्‍यङ्‍गुप दोके ख्‍यिराङ ति तफेन्‍ला तुका मिजी माक्‍योङ।

एफिसी 5:6

सी साङ ख्‍यिराङला ताम्‍ङे मेशोलोक लाप्‍नी जिनोक मोजोशी, च्‍यिलासिसिन ती ताम्‍ङेकी जोसालेन्‍सिन कोन्‍छ्‌योककी सुङ मेङ्‍येन्‍दुपतिवी खला खोकी पर्च्या फोकिवी।

कलस्सी 2:18

ङ्‍यिरा ज्‍यल्‍का थोङ्‍गुप यिन सिनी मी यम्‍बाला छ्‍या देन्‍दुपला कुसु ज्‍यम्‍बु जोप दुक्‍टातिवा ताङ देवाच्‍येनकी लेन क्‍योलुप थुला तेन्‍दुप मीतिवा सी साङ ख्‍यिराङला थोपुप छ्‍यक्‍तक तोर्नी डोप मोजोशी। तिवा ति सेम दुक्‍टा नेसुर तेन्‍दोक मेताला ङ राङ छ्‍ये यिन सिनी सिवी,

कलस्सी 2:8

ख्‍यिराङ च्‍याङ्‍से देता! सी साङ खोप्‍रे च्‍यु ताङ रिक्‍पा नेसुर जिनोक जोवु ताम्‍ङेतिवा लाप्‍नी ख्‍यिराङला मुलुशिता। तुका ताम्‍ङेतिवा ख्रीष्‍ट नेमा वावु मिन, यिने मीतिवी लुक्‍सु ताङ जम्‍बुलिङला वोतुप ङार नेसुर वावु यिन।

२ तिमोथी 2:16

कोन्‍छ्‍योकला मोवा मेतुप जम्‍बुलिङकी गो ताङ चा मेतुप ताम्‍ङेतिवा माङ्‍येना। च्‍यिलासिसिन तुका ताम्‍ङेतिवी कोन्‍छ्‍योकला मङ मङ मोवा मेतुप जेवी।

२ तिमोथी 3:13

मी दुक्‍टातिवा ताङ मीला केन्‍दुप मीतिवा मीला केन्‍नी राङ मङ मङ दुक्‍टा डिवी। तमा मी यम्‍बी साङ तिवाला तुकै राङ किवी।

१ यूहन्‍ना 2:18

आङातिवा, जम्‍बुलिङ ना डोप तुजे ति तन्‍दा राङ यिन। ख्रीष्‍टकी तेन्‍दोकला लङ्‍गुप ति वुङ्‍यिन वे सिरुप ति ख्‍यिरा साङ थोनी वे। तिवा ति तन्‍दा राङ बङी वा वे। तुक क्‍यानी जम्‍बुलिङ ना डोप तिङ्‍मी तुजे ति दी राङ यिन सिनी ख्‍यिरा हाक्‍कोकिवी।

१ यूहन्‍ना 2:26

दी ताम्‍ङे ति ख्‍यिराङला जिनोक जोपतिवी थोक्‍ला ङे टिवु यिनो।

१ यूहन्‍ना 4:1

ङे ङ्‍यिङ्‍ज्‍येवुतिवा, थु चाङ्‍मा नेमा वावु ताम्‍ङे क्‍यासिन ख्‍यिराङ तिवा तेरीला तेपा माकी, यिने ती ति कोन्‍छ्‍योक नेमा वावु थु चाङ्‍मा यिनोक मिनोक सिनी हाक्‍कोवा की। च्‍यिलासिसिन लुङ्‍तेम्‍बा मेटेङ्‍बुतिवा बङी दी जम्‍बुलिङला थेन वोतो।

२ यूहन्‍ना 1:7

दी जम्‍बुलिङला जिनोक जोप मीतिवा बङी वा वे। तिवी येशू ख्रीष्‍ट मी जुजमला फेवु यिन सिनी मी मिङ्‍गाला मिसिरी। तुका मीतिवा जिनोक जोप ताङ ख्रीष्‍टकी तेन्‍दोकला लङ्‍गुप मी यिन।

ज्‍यल्‍का 12:9

तुक क्‍यानी ती डुक बोम्‍बु ति देवाच्‍येन नेमा जम्‍बुलिङला तेन क्‍युर्सुङ। ती ति थल्‍माकी रुल यिनोक। तीकी मिङ ति दुक्‍टा याङ्‍ना शैतान यिन। तीकी जम्‍बुलिङकी मीतिवाला जिनोक जोनी लाका मेलोवा कि ज्‍यिकिनोक। तीला जम्‍बुलिङला क्‍युरुप पेला तीकी मक्‍मीतिवाला साङ तीकी मुला राङ क्‍युर्सुङ।

ज्‍यल्‍का 13:8

तुक क्‍यानी सेतुप लुक रुककी मिजीकी थेप नाङ्‍ला जम्‍बुलिङ ज्‍येङ्‍गुप गोमाला के मिङ टिनी वोतुप मीतिवा मिसिन यम्‍बा जम्‍बुलिङला वोतुप मीतिवा तेरीकी ती सेम्‍ज्‍येनला राङ ताङ्‍देन किवी।

ज्‍यल्‍का 20:3

तीला टानी शाप मेतुप मुक्‍तुम तिङ्‍मुला क्‍युर्सुङ। तमा लो तोङ्‍डा च्‍यिक माछेवा सेक मिरिक मिरिककी मीतिवाला तीकी लुतुप मेङ्‍येशी सिनी ती मुक्‍तुम तिङ्‍मुकी गो ति च्‍येनी तीला लज्‍युर ग्‍यप्‍नी ज्‍याक्‍सुङ। ती ज्‍युक्‍ला लो तोङ्‍डा च्‍यिक छेसिमा तिराङ तीला चेयी पर सेक पि तोङ गोकिनोक।

ज्‍यल्‍का 20:8

तमा ती ति जम्‍बुलिङकी छो ज्‍यीला वोतुप लुङ्‍बा लुङ्‍बाकी मीतिवाला जिनोक जोपला डिवी। ती लुङ्‍बातिवा ति गोग ताङ मागोग यिन। तिवाला लुनी थमु ग्‍यकुपला तिवा जोम्‍गिवी। तिवा ति ग्‍येम्‍छो गारीकी पेमा सिनाङ मङ्‍मु गिवी।