कलस्सी 2:3 - कोन्छ्‌योककी सुङ

³ ख्रीष्‍टला राङ कोन्‍छ्‍योककी तेरी येन्‍देन ताङ रिक्‍पा ति बानी ज्‍यकुप टोङ्‍बा दोके क्‍यानी ज्‍याक्‍नी वे।

कलस्सी 2:3 Iomraidhean Croise

मत्ती 10:26

“तुक क्‍यानी तिवाला ज्‍यिवा माकी, च्‍यिलासिसिन उप ज्‍याक्‍नी ज्‍युक्‍ला मोथोङ्‍गुप ताङ बान ज्‍याक्‍नी ज्‍युक्‍ला हाक्‍मोकोवु ति काङ साङ मे।

लूका 11:49

तुक क्‍यानी तेरी ताम्‍ङे हाक्‍कोवु कोन्‍छ्‍योककी दुक सुङ्‍गिवी, ‘ङ ङे लुङ्‍तेम्‍बातिवा ताङ लोमा छ्‍येतिवाला मीतिवी ते तोङ्‍यिनो। यिने तिवी ङे तङ्‍गुपतिवी पर्ला ललाइला ति सेकिवी, ललाइला ति छेटाङ तेर्किवी।’

रोमी 11:33

ए कोन्‍छ्‍योककी रिक्‍पा ताङ येन्‍देन ति छासे ग्‍यक्‍चे वे! खोकी तेन्‍तेन क्‍यानी छ्‍या तेन नङ्‍गुप लाम ति सी साङ हाक्‍को मुथुपी। तुक क्‍यानी कोन्‍छ्‍योककी सुङला दुक सिनी टि वे,

१ कोरिन्‍थी 1:24

यिने कोन्‍छ्‍योककी कताङ नङ्‍गुपतिवी थोक्‍ला यहूदी यिन्‍शी ग्रीक यिन्‍शी, ख्रीष्‍ट ति कोन्‍छ्‍योककी ङार ताङ रिक्‍पा यिन सिनी हाक्‍कोकिवी।

१ कोरिन्‍थी 1:30

यिने कोन्‍छ्‍योककी ख्‍यिराङला येशू ख्रीष्‍ट ताङ मुला जु च्‍यिक राङ जो नङ्‍गुप यिन। खोकी ख्रीष्‍ट नेमा दाक्‍पुला खोकी रिक्‍पा नाङ्‍सुङ। तमा खोकी थोङ्‍दाङला दाक्‍पुला चाङ्‍मा ताङ टेङ्‍बु वोतुप जोनी दिक्‍पा ने थर च्‍यिसुङ।

एफिसी 1:8

खोकी ती कटिन ति हाक्‍कोशी नोनी तेरी च्‍यु ताङ रिक्‍पा ति दाक्‍पुला नाङ्‍सुङ।

कलस्सी 1:19

कोन्‍छ्‍योककी नोवाकी राङ ख्रीष्‍ट ति खो ताङ च्‍यिक्‍पा राङ क्‍यानी ज्‍युवु गा लासुङ।

कलस्सी 1:28

ङ्‍यिराङ दी ख्रीष्‍टकी कोर्ला मीतिवा तेरीला ख्‍याप्‍टाक कितिन। तमा तेरीकी ख्रीष्‍टला तेपा रम्‍बु क्‍यानी कोन्‍छ्‍योककी थोङ्‍दाङला ल्‍यामु वोतुप जोपला ङ्‍यिराङला वोतुप तेरी रिक्‍पा नेसुर तिवा रे रेला टोङ्‍गु ताङ येन्‍देन तेर्किवी।

कलस्सी 1:9

ती ताम्‍ङे थो नेज्‍युनी ख्‍यिरा थोक्‍ला नरी ङ्‍यिराङ कोन्‍छ्‍योकला मोपोर कियी वे। ख्‍यिराङ कोन्‍छ्‍योककी थु चाङ्‍माकी च्‍यु ताङ रिक्‍पा नेसुर खोकी नोवा काङ यिन सिनी ल्‍यामु हाक्‍कोशी सिनी ङ्‍यिराङ नरी मोपोर कितिन।

कलस्सी 3:16

ख्रीष्‍टकी सुङ ति छासे क्‍यानी ख्‍यिरा सेमला नरी लुशी। तमा तेरी च्‍यु ताङ रिक्‍पाकी च्‍यिककी च्‍यिकला लोपुप ताङ टोङ्‍गु बिन। कोन्‍छ्‍योकला सोवा देकुप लुतिवा ताङ कोन्‍छ्‍योककी थु चाङ्‍माकी नङ्‍गुप लुतिवा लानी सेमगी दिङ नेज्‍युनी कोन्‍छ्‍योकला थुचिछे पुल।

कलस्सी 3:3

च्‍यिलासिसिन ख्‍यिराङ शिनी वे, तमा ख्‍यिरा मिजी ति ख्रीष्‍टकी मुला राङ कोन्‍छ्‍योककी चिप्‍ला बानी ज्‍याङ वे।

२ पत्रुस 1:5

तुक क्‍यानी ख्‍यिराङ खोला तेपा क्‍यासिमा अछ्‍योता सेक मी यम्‍बाला ख्‍यिरा किताङ नालु ति ल्‍यामु वुङ गोकिवी, किताङ नालु ल्‍यामु वासिमा ख्‍यिराङला मङ रिक्‍पा थोप गोकिवी,

ज्‍यल्‍का 2:17

कोन्‍छ्‍योककी थु चाङ्‍माकी चर्चतिवाला दुक सुङ्‍नी वे। सी ल्‍यामो क्‍यानी हाक्‍कोवु नोकिवे, तीकी ल्‍यामो क्‍यानी ङ्‍येन्‍शी। सी शैतानकी ओङ्‍ज्‍येनला ग्‍येल्‍गिवे, तीला छ्‍याकला वोतुप कोन्‍छ्‍योककी मन्‍न तेरिनो। तमा तीला ङ मिङ सम्‍बा टिवु दो कर्मु यी साङ तेरिनो। सुला ती दो ति थोप्‍किवे, तीकी तिराङ ती दोला टिवु मिङ ति हाक्‍कोकिवी।’”