कलस्सी 1:7 - कोन्छ्‌योककी सुङ

⁷ दी कोन्‍छ्‍योककी कटिन ति ङ्‍यिरा मुला राङ शब्‍ज्‍यी कितुप दाल्‍जा इपाफ्रास नेसुर ख्‍यिराङला लापुप यिन। ती ति ङ्‍यिरा छापला ख्‍यिरा पर्ला ख्रीष्‍टकी थोक्‍ला लाका कितुप खोङ्‍तेर्मु वोतुप नुप यिन।

कलस्सी 1:7 Iomraidhean Croise

मत्ती 18:29

तमा ती लावा दाल्‍जा ति खवुतुङ्‍मा देनी ‘ठाकुरे चेयी पर सेक गु, ङ ख्‍योरे छ्‍यावा तेतिन।’ सिनी गोङ्‍बा शुसुङ।

मत्ती 24:45

“सु खोङ्‍तेर्मु ताङ रिक्‍पा वोतुप लावा वोज्‍यिवी? ज्‍यिन्‍दाककी तीला खोरो खाङ्‍बी लावातिवाला टेके तुजेला समा तेरुपला चेक तेसिन तीकी चुक कि गोकिवी?

मत्ती 25:21

तमा ज्‍यिन्‍दाक ति गा कियी सिरा ‘को छ्‍येसुङ, ख्‍युरुङ खोङ्‍तेर्मु ताङ लावा ल्‍यामु! ख्‍युरुङ ताम्‍ङे चेयीला खोङ्‍तेर्मु च्‍युङ्‍सुङ, तुक क्‍यानी ङ ख्‍युरुङला ताम्‍ङे बङी चेक तेतिन। ख्‍युरुङ वानी ङ ताङ मुला गा की।’ सिनी सिक्‍यासुङ।

१ कोरिन्‍थी 4:17

ती तप्‍की तिमोथीला ङ ख्‍यिरा ते तोङ्‍यिन वोतो। ती ति येशू ख्रीष्‍टला तेपा कितुप छासे ङ्‍यिङ्‍ज्‍येवु ङे पुज्‍युङ यिन। दासा तेरीला वोतुप चर्चकी मीतिवाला ङे लापुप दोके ङ चुक क्‍यानी येशू ख्रीष्‍टकी कला युनी मिजी क्‍याङ्‍सुङ सिरुप ताम्‍ङे ति तीकी ख्‍यिराङला टेन्‍सो कि ज्‍यिकितो।

१ कोरिन्‍थी 4:2

तोजो तिराङ मिन, कोन्‍छ्‍योककी ग्‍येल्‍खापकी कोर्ला शब्‍ज्‍यी कितुप मीतिवा ति खोङ्‍तेर्मु वुङ गोकिवी।

१ कोरिन्‍थी 7:25

त जेन्‍दी माक्‍यावु मीतिवी कोर्ला याङ चोवो येशू नेमा काङ साङ क मे। यिने कोन्‍छ्‍योककी च्‍यम्‍बाकी ङला खोङ्‍तेर्मु जो नङ्‍गुप तप्‍की ङ ख्‍यिराङला टोङ्‍गु तेरिन।

२ कोरिन्थी 11:23

काङ तिवा ख्रीष्‍टकी थोक्‍ला शब्‍ज्‍यी कितुप मी यिन रो? ङ ङ्‍येन्‍बु दोके ताम्‍ङे किवी, ङ याङ मङ ख्रीष्‍टकी थोक्‍ला शब्‍ज्‍यी कितुप मी यिन। ङे छासे हुर्ताक क्‍यायी, ङ चोन्‍खाङला साङ थेङ्‍मा अलायी शोरुप यिन, तल्‍ज्‍येक साङ बङी ग्‍यप्‍सुङ, थेङ्‍मा बङी शेप ते ख्‍येल्‍सुङ।

एफिसी 5:21

येशू ख्रीष्‍टला ताङ्‍देन क्‍यानी च्‍यिक ताङ च्‍यिककी ओङला देता।

फिलिप्पी 2:25

ङे नासामला इपाफ्रोडिटसला ख्‍यिरा ते तोङ गोवु ङे थोङ्‍सुङ। ती ति ङे नुप दोके क्‍यानी ङे मुला राङ लाका क्‍यासुङ, तमा लेन ल्‍यामु ख्‍याप्‍टाक कितुपला थमु ग्‍यकुप मक्‍मी दोके च्‍युङ्‍सुङ। तीकी ख्‍यिरा लेन ति ङला खुर्नी लेसुङ, ती ति ङला दाल्‍जा कितुप थोक्‍ला ख्‍यिरा ङे ते तङ्‍गुप यिन।

कलस्सी 4:12

ख्‍यिरा मु नेसुर वावु इपाफ्रासकी ख्‍यिराङला टसी देलेक सिनी तङ वोतो। ती ति येशू ख्रीष्‍टकी थोक्‍ला शब्‍ज्‍यी कितुप मी यिन। तीकी ख्‍यिराङ तेपा रम्‍बु ताङ डेकला देनी कोन्‍छ्‍योककी नोवा ति काङ यिन सिनी तेन्‍तेन हाक्‍को थुप्‍शी सिनी नरी ख्‍यिरा थोक्‍ला मोपोर क्‍या क्‍यावा देकिवी।

कलस्सी 4:7

दाक्‍पी नुप तुखिकसकी राङ ङे कोर्ला तेरी लेन ति ख्‍यिराङला लप्‍कितो। ती ति ङे ङ्‍यिङ्‍ज्‍येवु नुप यिन, तमा ङे मुला राङ चोवोला शब्‍ज्‍यी कितुप खोङ्‍तेर्मु वोतुप मी यिन।

कलस्सी 4:9

तीकी मुला ङ्‍यिरा ङ्‍यिङ्‍ज्‍येवु ताङ खोङ्‍तेर्मु वोतुप नुप ओनेसिमस साङ वुङ्‍यिन वोतो। ती ति ख्‍यिरा मु नेसुर राङ वावु मी यिनो। दे च्‍युङ्‍गुप ताम्‍ङेतिवा तिवी राङ तेरी ख्‍यिराङला लप्‍कितो।

१ तिमोथी 4:6

ती येन्‍देन ति ख्‍योरो अच्‍युनुपतिवाला साङ लाप्‍सुङ सिसिन ख्‍योरो तेपा क्‍यावु सुङ ताङ येन्‍देन टेङ्‍बुला सिक्‍यावु दोके मङ रम्‍बु च्‍युङ्‍नी ख्‍युरुङ येशू ख्रीष्‍टकी थोक्‍ला लाका ल्‍यामु कितुप डिवी।

२ तिमोथी 2:2

मी मङ्‍मुकी मिङ्‍गाला ङे ख्‍युरुङला येन्‍देन बिन्‍दुप ताम्‍ङे ति खोङ्‍तेर्मु वोतुप मी यम्‍बाला साङ लोप। तमा तिवी येलुङ मी यम्‍बातिवाला लोप थुप्‍शी।

फिलेमोन 1:23

येशू ख्रीष्‍टकी थोक्‍ला ङे मुला राङ चोन्‍खाङला शोरुप इपाफ्रासकी साङ ख्‍यिराङला टसी देलेक सिनी तङ वोतो।

हिब्रू 2:17

तुक क्‍यानी तेरी ताम्‍ङेला खो रङगी अच्‍युनुपतिवा दोके च्‍युङ गोसुङ। तमा मीतिवी क्‍यावु दिक्‍पी ठिलेन च्‍योलुपला खो कोन्‍छ्‍योकला शब्‍ज्‍यी बुलुप च्‍यम्‍बा ताङ खोङ्‍तेर्मु वोतुप कोङ्‍यार छ्‍ये च्‍युङ्‍सुङ।

हिब्रू 3:2

खो ति मोशा कोन्‍छ्‍योककी मिछाङला शब्‍ज्‍यी कितुपला खोङ्‍तेर्मु वोतुप दोके खुरुङला कताङ नङ्‍गुप कोन्‍छ्‍योककी थोक्‍ला खोङ्‍तेर्मु च्‍युङ्‍सुङ।