कलस्सी 1:3 - कोन्छ्‌योककी सुङ

³ ङ्‍यिराङ ख्‍यिरा थोक्‍ला मोपोर कितुप पेला दाक्‍पी चोवो येशू ख्रीष्‍टकी पपा कोन्‍छ्‍योकला नरी थुचिछे बुल्‍गिवी।

कलस्सी 1:3 Iomraidhean Croise

रोमी 15:6

तमा ख्‍यिराङ तेरी सेम च्‍यिक्‍पा राङ च्‍युङ्‍गुप ताङ ख च्‍यिक क्‍यानी दाक्‍पी चोवो येशू ख्रीष्‍टकी पपा कोन्‍छ्‍योकला सोवा देक थुप्‍शी।

१ कोरिन्‍थी 1:4

ङ ख्‍यिरा थोक्‍ला कोन्‍छ्‍योकला नरी थुचिछे बुलिन, च्‍यिलासिसिन येशू ख्रीष्‍ट नेसुर खोकी ख्‍यिराङला कटिन नङ वे।

२ कोरिन्थी 1:3

दाक्‍पी चोवो येशू ख्रीष्‍टकी पपा कोन्‍छ्‍योकला सोवा वुङ्‍शी। खो ति च्‍यम्‍बा ताङ टोङ्‍गु तेरी नङ्‍गुप कोन्‍छ्‍योक यिन।

एफिसी 1:15

तुक क्‍यानी ङ मोपोर कितुप पेला नरी ख्‍यिराङला टेन्‍नी कोन्‍छ्‌योकला थुचिछे बुलिन। च्‍यिलासिसिन चोवो येशूला ख्‍यिरा तेपा क्‍यावु ताङ तेरी तेपा कितुप मीतिवाला ख्‍यिरा च्‍यम्‍बा क्‍यावु ति ङे हाक्‍कोसुङ।

एफिसी 6:18

नरी खोकी थु चाङ्‍माकी क्‍येङ्‍नी तेरीकी थोक्‍ला मोपोर ताङ गोङ्‍बा पुल। तोजो तिराङ मिन, टेमु ताङ च्‍याङ्‍से क्‍यानी कोन्‍छ्‌योकला तेपा कितुपतिवा तेरीकी थोक्‍ला नरी मोपोर किसा।

फिलिप्पी 4:6

ख्‍यिराङ काङ साङ पप माकी, यिने मोपोर कितुप पेला कोन्‍छ्‍योकला थुचिछे पुल्‍नी ख्‍यिराङला गोवु तेरी ताम्‍ङेकी थोक्‍ला खोला गोङ्‍बा शु।

कलस्सी 1:13

खोकी दाक्‍पुला नक्‍तोमीकी ओङ्‍ज्‍येन ने थर्वा नाङ्‍नी खोरे ङ्‍यिङ्‍ज्‍येवु सेवुकी ग्‍येल्‍खापला ल्‍यामो क्‍यानी क्‍यल नङ वे।

कलस्सी 1:9

ती ताम्‍ङे थो नेज्‍युनी ख्‍यिरा थोक्‍ला नरी ङ्‍यिराङ कोन्‍छ्‍योकला मोपोर कियी वे। ख्‍यिराङ कोन्‍छ्‍योककी थु चाङ्‍माकी च्‍यु ताङ रिक्‍पा नेसुर खोकी नोवा काङ यिन सिनी ल्‍यामु हाक्‍कोशी सिनी ङ्‍यिराङ नरी मोपोर कितिन।

१ थेसलोनिकी 1:2

ङ्‍यिराङ मोपोर कितुप पेला कोन्‍छ्‍योकला नरी थुचिछे पुल्‍नी ख्‍यिराङ तेरीला टेन्‍दा किवी,

२ तिमोथी 1:3

ङ ङ्‍यी ताङ नुप्‍ज्‍या मोपोर कितुप पेला ख्‍युरुङला नासाम तङ्‍नी चोवो कोन्‍छ्‍योकला थुचिछे बुलिन। ती कोन्‍छ्‍योकला ङे पगावा हङ्‍गावातिवी शब्‍ज्‍यी पुलुप दोके ङ साङ सेम टेङ्‍बु क्‍यानी शब्‍ज्‍यी बुलिन।