कलस्सी 1:21 - कोन्छ्‌योककी सुङ

²¹ तोङ्‍ला याङ ख्‍यिराङ लाका दुक्‍टा क्‍यानी कोन्‍छ्‍योक नेसुर थाक्‍रिङ्‍बु गल्‍नी ख्‍यिरा सेम ति खोकी तेन्‍दोकला लानी डला गल वोतुप्‍जा।

कलस्सी 1:21 Iomraidhean Croise

रोमी 1:30

मीला मेलोवा सिरुप ताङ कोन्‍छ्‍योकला मोवा मिकिवु ताङ मीला मो बेपुप ताङ ङ राङ यिन सिनी छ्‍येजु कितुप ताङ अम्‍बारङ्‍शिङ कितुप ताङ किताङ नालु मेलोक्‍पा जोप ताङ पपाआमी खला मेङ्‍येन्‍दुप गिवी।

एफिसी 2:12

ती पेला येशू ख्रीष्‍टला ख्‍यिरा ङो माशेवु तप्‍की इस्राएलकी गिपा माच्‍युङ। तमा ख्‍यिराङ ति कोन्‍छ्‌योककी थाक्‍छ्‌येतुप ठिम नेसुर थाक्‍रिङ्‍बु गल्‍नी दी जम्‍बुलिङला रेवा मेतुप ताङ कोन्‍छ्‌योक ङो माशेनी दे नोक।

एफिसी 2:15

तमा यहूदीतिवी छ्‌यो नाङ्‍ला वोतुप तेरी लुक्‍सुतिवा ना तङ्‍नी खो नेसुर यहूदी ताङ यहूदी मिन्‍दुप मिरिक यम्‍बा ङ्‍यिकरला लोदिमु वोतुप मी सम्‍बा जो नाङ्‍सुङ।

एफिसी 2:19

तुक क्‍यानी त याङ ख्‍यिराङ छ्‍यिग्‍यपकी मी ताङ मिमेलुङ्‍दुङ दोके साङ मिन, यिने चाङ्‍मा वोतुप तेपा कितुप मीतिवा ताङ मुला लुङ्‍बा च्‍यिककी ज्‍यिक्‍तेम्‍बा ताङ कोन्‍छ्‍योककी मिछाङतिवा यिनो।

एफिसी 4:18

तिवी सेम क्‍योङ्‍बु गल्‍नी नक्‍तोमी गलुप तप्‍की तिवी कोन्‍छ्‌योककी टेङ्‍बु हाक्‍माकोनी खोकी नङ्‍गुप मिजी ति तिवी माङ्‍ये वे।

याकूब 4:4

ओ शम्‍डेन कितुप टेङ, कोन्‍छ्‍योकला तेपा क्‍यानी साङ जम्‍बुलिङला गा कितुप ति कोन्‍छ्‍योक ताङ मुला डला गलुप यिन सिरुप ति ख्‍यिराङला छ्‍या मे? सु दी जम्‍बुलिङला गा किवे, ती ति कोन्‍छ्‍योक ताङ मुला डला गलुप यिन।