कलस्सी 1:2 - कोन्छ्‌योककी सुङ

² कलस्‍सेला देतुप कोन्‍छ्‍योकला तेपा कितुप चाङ्‍मा ताङ खोङ्‍तेर्मु वोतुप अच्‍युनुपतिवाला टिवु यिनो। दाक्‍पी पपा कोन्‍छ्‍योककी ख्‍यिराङला कटिन ताङ लोदिमु नङ्‍शी।

कलस्सी 1:2 Iomraidhean Croise

लोमा छ्‍येतिवी लाका 9:13

तमा हननियाकी सिक्‍यासुङ, “चोवो, ती मी तीकी याङ यरूशलेमला देतुप तेपा कितुप मीतिवाला छासे मेलोक्‍पा किनोक सिरुप ति मी बङीकी ख नेसुर ङे थोसुङ।

रोमी 1:7

रोमला वोतुप ख्‍यिराङ कोन्‍छ्‍योककी ङ्‍यिङ्‍ज्‍येवु मीतिवा ताङ खोला तेपा क्‍यावु चाङ्‍मा वोतुप मीतिवा तेरीला दाक्‍पी पपा कोन्‍छ्‍योक ताङ चोवो येशू ख्रीष्‍ट नेमा कटिन ताङ लोदिमु वुङ्‍शी।

१ कोरिन्‍थी 1:2

कोरिन्‍थला वोतुप कोन्‍छ्‍योककी चर्च ताङ येशू ख्रीष्‍ट नेसुर टेङ्‍बु च्‍युङ्‍गुप मीतिवा ताङ चाङ्‍मा वोतुप गिपा च्‍युङ्‍गुपला कोन्‍छ्‍योककी पेन नङ्‍गुपतिवा ताङ तेरी दासाला येशू ख्रीष्‍टला दाक्‍पी चोवो सिनी खोकी मिङला कतङ्‍गुप मीतिवा तेरीला टिवु यिनो।

१ कोरिन्‍थी 4:17

ती तप्‍की तिमोथीला ङ ख्‍यिरा ते तोङ्‍यिन वोतो। ती ति येशू ख्रीष्‍टला तेपा कितुप छासे ङ्‍यिङ्‍ज्‍येवु ङे पुज्‍युङ यिन। दासा तेरीला वोतुप चर्चकी मीतिवाला ङे लापुप दोके ङ चुक क्‍यानी येशू ख्रीष्‍टकी कला युनी मिजी क्‍याङ्‍सुङ सिरुप ताम्‍ङे ति तीकी ख्‍यिराङला टेन्‍सो कि ज्‍यिकितो।

गलाती 1:3

दाक्‍पी पपा कोन्‍छ्‍योक ताङ चोवो येशू ख्रीष्‍टकी ख्‍यिराङला कटिन ताङ लोदिमु नङ्‍शी।

गलाती 3:9

तुक क्‍यानी खोकी अब्राहामला मोलाम नङ्‍गुप दोके तेपा कितुपतिवा तेरीला साङ अब्राहाम ताङ मुला राङ मोलाम नङ्‍गिवी।

एफिसी 1:1

टसी देलेक! दी यिकी ति कोन्‍छ्‌योककी नोवा नेसुर ख्रीष्‍ट येशूकी लोमा छ्‌ये च्‍युङ्‍गुप ङ पावलकी छ्‍योक नेसुर येशू ख्रीष्‍टला तेपा क्‍यानी खोङ्‍तेर्मु वोतुप एफिससकी मीतिवाला टिवु यिनो।

एफिसी 6:21

ङ चुकै वे, काङ कियी वे, ती ति ख्‍यिरा साङ हाक्‍कोशी सिनी कोन्‍छ्‌योकला ल्‍यामो क्‍यानी शब्‍ज्‍यी बुलुप ङे ङ्‍यिङ्‍ज्‍येवु नुप तुखिकसकी तेरी ताम्‍ङे ति ख्‍यिराङला शेकितो।

फिलिप्पी 1:1

टसी देलेक! दी यिकी ति ख्रीष्‍ट येशूकी थोक्‍ला शब्‍ज्‍यी कितुप ङ पावल ताङ तिमोथी नेसुर फिलिप्‍पीला वोतुप येशूला तेपा कितुप मीतिवा तेरी ताङ चर्चला गोमा कितुप मीतिवा ताङ चर्चला ल्हाटे कितुप मीतिवाला टिवु यिनो।

१ पत्रुस 1:2

पपा कोन्‍छ्‍योककी थल्‍माला ख्‍यिराङला ल्‍यामो हाक्‍कोनी पेन नङ्‍सुङ, तमा खोकी थु चाङ्‍मा नेसुर ख्‍यिराङ चाङ्‍मा च्‍युङ्‍सुङ। तुक क्‍यानी ख्‍यिरा येशू ख्रीष्‍टकी सुङला ङ्‍येन्‍नी तेपा क्‍यासिमा खोकी ठक नेसुर चाङ्‍मा च्‍युङ्‍सुङ। ख्‍यिराङ तेरीला कोन्‍छ्‍योककी कटिन ताङ लोदिमु वुङ्‍शी।

२ पत्रुस 1:2

कोन्‍छ्‍योक ताङ दाक्‍पी चोवो येशू ख्रीष्‍टला ख्‍यिरा मङ मङ ङो शेनी खो नेमा नङ्‍गुप कटिन ताङ लोदिमु ति ख्‍यिराङला छासे थोप्‍शी।

यहूदा 1:2

ख्‍यिराङला छासे क्‍यानी ङ्‍यिङ्‍ज्‍ये च्‍यम्‍बा ताङ लोदिमु वुङ्‍शिता।

ज्‍यल्‍का 1:4

एशिया लुङ्‍बाकी चर्च दिन्‍करला वोतुप तेपा कितुप मीतिवाला ङ यूहन्‍नाकी छ्‍योक नेमा टसी देलेक! थल्‍माला ज्‍यु वोतुप ताङ तसाम साङ ज्‍यु वोतुप ताङ तिङ्‍ला फेपुप चोवो कोन्‍छ्‍योक नेमा ख्‍यिराङला कटिन ताङ लोदिमु वुङ्‍शिता। खोकी ग्‍येल्‍ठिककी दोङ्‍ला वोतुप थु दिन्‍कर नेसुर साङ कटिन ताङ लोदिमु वुङ्‍शिता।