कलस्सी 1:16 - कोन्छ्‌योककी सुङ

¹⁶ च्‍यिलासिसिन मिककी थोङ्‍गुप ताङ मोथोङ्‍गुप तेरी च्‍यालकतिवा खो नेसुर राङ ज्‍ये नङ्‍गुप यिन। देवाच्‍येन ताङ जम्‍बुलिङला वोतुपतिवा ताङ ग्‍येल्‍ठिकतिवा ताङ ग्‍येला कितुप ओङतिवा ताङ ठिम कितुप ङारतिवा ताङ ओङ्‍ज्‍येनतिवा ताङ तेरी च्‍यालकतिवा खो नेसुर राङ खोरे थोक्‍ला ज्‍ये नङ्‍गुप यिन।

कलस्सी 1:16 Iomraidhean Croise

यूहन्‍ना 1:10

खो ति जम्‍बुलिङला राङ ज्‍युनोक, तमा दी जम्‍बुलिङ ति खोकी राङ ज्‍ये नाङ्‍सुङ, यिन्‍सिनाङ जम्‍बुलिङकी मीतिवी खोला ङो माशेनोक।

यूहन्‍ना 1:3

तमा ती सुङ नेसुर राङ कोन्‍छ्‍योककी तेरी जम्‍बुलिङ ज्‍ये नाङ्‍सुङ, ज्‍येवु ति च्‍यिक साङ खोकी मिसिन माजोवु यिन।

रोमी 11:36

जम्‍बुलिङला वोतुप तेरी च्‍यालकतिवा खोकी राङ ज्‍ये नङ्‍गुप यिन। ती तेरी खो नेसुर राङ खोकी थोक्‍ला यिन। तुक क्‍यानी खोला राङ नरीकी नरी मोवा वुङ्‍शी। आमिन।

रोमी 8:38

तमा दाक्‍पुला छासे तेन्‍तेन वे। दाक्‍पु शेप यिन्‍सिनाङ मिजी यिन्‍सिनाङ, याङ्‍ना देवाच्‍येनकी लेन क्‍योलुप थुतिवा यिन्‍सिनाङ दी जम्‍बुलिङला ओङ्‍ज्‍येन कितुपतिवा यिन्‍सिनाङ, याङ्‍ना तसाम पेलाकी ताम्‍ङे यिन्‍सिनाङ ज्‍युक्‍थमाला वुङ्‍गुप ताम्‍ङे यिन्‍सिनाङ दी जम्‍बुलिङकी ङार यिन्‍सिनाङ,

रोमी 9:5

ती तिराङ मिन, तिवा ति अब्राहाम ताङ इसहाक ताङ याकूबकी गिपातिवा यिन। येशू ख्रीष्‍ट साङ तिवी गिपा नेमा राङ क्‍येवु यिन। ती येशू ख्रीष्‍ट ति जम्‍बुलिङ तेरीकी खला चोछ्‍ये वोतुप कोन्‍छ्‍योक यिन। खोला राङ नरी सोवा वुङ्‍शी, आमिन।

१ कोरिन्‍थी 8:6

दाक्‍पी थोक्‍ला ति पपा कोन्‍छ्‍योक च्‍यिक राङ वे। खोकी सुङ नेसुर राङ जम्‍बुलिङला वोतुप च्‍यालकतिवा तेरी ज्‍येसुङ। दाक्‍पु साङ कोन्‍छ्‍योककी थोक्‍ला मिजी क्‍योङ्‍यिन वे। तमा येशू ख्रीष्‍ट तिराङ दाक्‍पी तेपा क्‍यावु चोवो यिन। खो नेसुर राङ कोन्‍छ्‍योककी जम्‍बुलिङला वोतुप तेरी च्‍यालकतिवा ज्‍ये नाङ्‍सुङ। तमा दाक्‍पुला मिजी नङ्‍गुप साङ येशू ख्रीष्‍ट राङ यिन।

एफिसी 1:10

कोन्‍छ्‌योककी नोवा ति काङ यिन सिसिन तुजे छेसिमा देवाच्‍येन ताङ जम्‍बुलिङला वोतुप तेरी ख्रीष्‍टकी मुला खोकी ओङला च्‍युङ्‍शी।

एफिसी 6:12

च्‍यिलासिसिन दाक्‍पी ग्‍यकुप मक ति मी ताङ मुला मिन, यिने ओङ्‍ज्‍येन कितुपतिवा ताङ ङार वोतुपतिवा ताङ दी जम्‍बुलिङकी दुक्‍टाकी ङार ताङ देवाच्‍येनला वोतुप डेतिवी मुला यिन।

फिलिप्पी 2:10

तुक क्‍यानी देवाच्‍येनला वोतुपतिवा ताङ जम्‍बुलिङला वोतुपतिवा ताङ जम्‍बुलिङकी वोक्‍ला वोतुपतिवा तेरीकी येशूकी मिङला ताङ्‍देन कितुपला पुमुङ जुकिवी।

कलस्सी 1:15

येशू ख्रीष्‍ट ति दाक्‍पी मिककी मोथोङ्‍गुप कोन्‍छ्‍योककी जुजमला वोतुप चोवो यिन। खो ति जम्‍बुलिङला वोतुप तेरी च्‍यालकतिवा सिनाङ थल्‍माला वोतुप कोन्‍छ्‍योककी सेवु यिन।

कलस्सी 1:20

तमा ख्रीष्‍ट ग्‍यङ्‍शिङला टुङ्‍नी तेन्‍दुप ठक नेसुर लोदिमु नङ्‍नी खोकी जम्‍बुलिङ ताङ देवाच्‍येनकी तेरी च्‍यालकतिवा खोरे मुला डिक्‍सुङ।

कलस्सी 2:10

तमा ख्‍यिरा खोला तेपा क्‍यावु तप्‍की खोला वोतुप तेरी किताङ नालुतिवा ति ख्‍यिरा मिजीला थोप्‍नी वे। खो ति तेरी ओङ्‍ज्‍येन ताङ ङारतिवी खला चोछ्‍ये वे।

कलस्सी 2:15

ती ग्‍यङ्‍शिङ लोला राङ डेतिवी ओङ्‍ज्‍येनतिवा ताङ ङारतिवाला ना ताङ्‍नी तिवी खला खोकी ग्‍येल्‍सुङ। तमा मीतिवी मिङ्‍गाला तिवाला छ्‍या तेन्‍नी ङोशी मारे जोसुङ।

हिब्रू 1:2

यिने तसाम पेलाकी तिङ्‍मी तुजेला खोकी खोरे सेवु नेसुर दाक्‍पी मुला ताम्‍ङे क्‍या नाङ्‍सुङ। खोकी खोरे सेवु नेसुर राङ दी जम्‍बुलिङ ज्‍ये नाङ्‍सुङ। तमा स ताङ नामला वोतुप तेरी च्‍यालकतिवा तेरुपला खोरे सेवुला राङ पेन नाङ्‍सुङ।

हिब्रू 2:10

जम्‍बुलिङकी तेरी च्‍यालकतिवा कोन्‍छ्‍योककी राङ ज्‍ये नङ्‍गुप यिन। तमा तेरी च्‍यालकतिवा खोकी थोक्‍ला राङ वे। खोकी गिपातिवा बङीला खुरुङला वोतुप दोके मोवा ति गोतुपला येशूला छेटाङ खुर च्‍यिनी टेङ्‍बु जो नाङ्‍गुप ति कि राङ गोवु यिन। च्‍यिलासिसिन येशू ति तिवाला थर्वा नङ्‍गुपला लाम छ्‍या तेन्‍सुङ।

१ पत्रुस 3:22

खो देवाच्‍येनला फेप्‍सुङ, तमा देवाच्‍येनकी लेन क्‍योलुप थुतिवा ताङ ओङ्‍ज्‍येन कितुपतिवा ताङ ङारतिवाला खोरे ओङला ज्‍याक्‍नी खो ति कोन्‍छ्‍योककी यावी थाकाला वोतुप ठीला ज्‍युसुङ।