कलस्सी 1:11 - कोन्छ्‌योककी सुङ

¹¹ तमा कोन्‍छ्‍योककी मोवा वोतुप ङार नेसुर ख्‍यिराङ रम्‍बु च्‍युङ्‍गिवी। तुक क्‍यासिन ख्‍यिराङ तेरी ताम्‍ङेला गा क्‍यानी डेकला देतुप ताङ हम क्‍यानी दे थुप्‍किवी।

कलस्सी 1:11 Iomraidhean Croise

लोमा छ्‍येतिवी लाका 1:8

यिने कोन्‍छ्‍योककी थु चाङ्‍मा ख्‍यिरा खला फेप्‍सिमा ख्‍यिरा ओङ ङ्‍येनी यरूशलेमला ताङ तेरी यहूदियाला ताङ सामरियाला ताङ जम्‍बुलिङकी दासा अन्‍तिम सेक्‍ला ख्‍यिरा ङे कोर्ला पङ्‍बु तेर्कितो।”

लोमा छ्‍येतिवी लाका 5:41

तमा लोमा छ्‍येतिवा येशूकी मिङला छेटाङ दुङल खुर छ्‍योवु च्‍युङ थुप्‍सुङ सिनी गा कियी सिरा छ्‍योखाङ नेमा पाङ्‍ला थेन गाल।

रोमी 2:7

छेटाङ ख्‍येल्‍सिनाङ हम क्‍यानी लाका ल्‍यामु कितुप ताङ कोन्‍छ्‍योककी थोक्‍ला मोवा ताङ ताङ्‍देन क्‍यानी खोकी मिङला नाम्‍साङ मिशिवु मिजी छोलुपतिवाला खोकी नाम्‍साङ मिशिवु मिजी नङ्‍गिवी।

१ कोरिन्‍थी 16:13

ख्‍यिराङ च्‍याङ्‍से देता, तमा तेपा रम्‍बु क्‍यानी ङाडेङ ताङ ङार छ्‍येवु क्‍यानी देता।

२ कोरिन्थी 4:7

यिने ङ्‍यिरा ख्‍याप्‍टाक क्‍यावु खक्‍छ्‍येवु लेन ल्‍यामु ति छ्‍यकुप थली नेक्‍योक नाङ्‍ला ज्‍याङ वे। तीकी तेन्दोक ति तेरी सिनाङ ओङ्‍ज्‍येन छ्‍ये ति ङ्‍यिरा नेसुर वावु मिन, कोन्‍छ्‍योक नेमा वावु यिन सिनी छ्‍या देन्‍दुपला यिन।

एफिसी 3:16

खो ताङ मुला ग्‍यक्‍चेकी मोलाम वोतुप तप्‍की खोकी थु चाङ्‍माकी ङारकी ख्‍यिरा सेमगी दिङ्‍ला रम्‍बु जो नङ्‍शी।

एफिसी 4:2

नरी सेम बोल्‍मु ताङ च्‍यङ्‍च्‍यु सेम्‍बा च्‍युङ्‍नी हम क्‍यानी च्‍यिककी च्‍यिकला ङ्‍यिङ्‍ज्‍ये की।

एफिसी 6:10

तेरी सिनाङ तिङ्‍ला ङ सिरिन, ख्‍यिराङ चोवो येशूकी ओङला ङार छ्‍येवु वुङ गोकिवी।

फिलिप्पी 4:13

च्‍यिलासिसिन ख्रीष्‍टकी नङ्‍गुप ङार नेसुर राङ ङ तेरी ताम्‍ङे कि थुप्‍किवी।

२ पत्रुस 1:6

रिक्‍पा थोप्‍सिमा डेकला दे गोकिवी, डेकला देसिमा हम क्‍या दे गोकिवी, हम क्‍या देसिमा ख्‍यिराङ खोरो सेमगी दिङ नेज्‍युनी कोन्‍छ्‍योककी सुङला युक गोकिवी,

यहूदा 1:25

खो ति च्‍यिक राङ ज्‍यु वोतुप कोन्‍छ्‍योक यिन, खो ति येशू ख्रीष्‍ट नेसुर दाक्‍पुला थर्वा नङ्‍गुप कोन्‍छ्‍योक यिन। खोला तेरी मोवा ताङ ताङ्‍देन ताङ ङार ताङ ओङ्‍ज्‍येन ति थल्‍मा नेज्‍यु तन्‍दा सेक तसाम नेज्‍यु तिङ्‍ला सेक नरीकी नरी वुङ्‍शी, आमिन।

ज्‍यल्‍का 14:12

तीकी थोक्‍ला कोन्‍छ्‍योककी कला ङ्‍येन्‍दुप ताङ येशूला तेपा कितुपतिवा डेकला दे गोकिवी।