लोमा छ्‍येतिवी लाका 9:4 - कोन्छ्‌योककी सुङ

⁴ तमा वो ग्‍यप्‍लुङ्‍मे शाऊल ति तला लोक ग्‍यप्‍सुङ। ती पेला तीकी दुक सिरुप वोरु यी थोसुङ, “शाऊल, शाऊल, ख्‍युरुङ ङला च्‍यिला छेटाङ तेर्किवी?”

लोमा छ्‍येतिवी लाका 9:4 Iomraidhean Croise

मत्ती 25:40

तमा ङे तिवाला दुक सिवी, ‘वुतुङ के ङ ख्‍यिराङला सिरिन, ख्‍यिरा दे वोतुपतिवी पर्ला तेरी सिनाङ छ्‍युङा मिरा च्‍यिकला काङ क्‍यावे, ती ति ङला राङ क्‍यावु यिन।’

लूका 10:41

यिने चोवोकी तीला सुङ्‍सुङ, “मार्था, मार्था, ख्‍युरुङ याङ ताम्‍ङे बङीकी कोर्ला पप ताङ सेम्‍दुक किनोक।

यूहन्‍ना 18:6

येशूकी तिवाला “ती ति ङ राङ यिन।” सिनी सुङ्‍सिमा तिवा फिल्‍दुङ्‍मा गल्‍नी तला ग्‍यप्‍सुङ।

यूहन्‍ना 20:16

तमा येशूकी तीला “मरियम!” सिनी सुङ्‍सुङ। तमा मरियमकी खोकी थाकाला ग्‍युर्नी हिब्रू ताम्‍ङेला “रब्‍बोनी।” सिनी सिक्‍यासुङ। (तीकी तेन्‍दोक ति गेकेन सिक्‍यावु यिन।)

यूहन्‍ना 21:15

तमा तिवी खयुप सोनी सिन्‍सिमा येशूकी सिमोन पत्रुसला “यूहन्‍नाकी पुज्‍युङ सिमोन, ख्‍योरो ङला दी यम्‍बातिवी सिनाङ मङ ङ्‍यिङ्‍ज्‍ये किवी?” सिनी टिसुङ। तमा पत्रुसकी खोला “लसे चोवो, चोवोला ङे ङ्‍यिङ्‍ज्‍ये क्‍यावु ति चोवोला राङ छ्‍या वे।” सिनी सिक्‍यासुङ। तमा येशूकी तीला “ख्‍युरुङ ङे लुक रुकतिवाला चोसा।” सिनी सुङ्‍सुङ।

लोमा छ्‍येतिवी लाका 5:10

तुक सिक्‍यालुङ्‍मे सफिरा साङ पत्रुसकी चिप्‍ला राङ तला ग्‍यप्‍नी शिसुङ। ती ज्‍युक्‍ला ख्‍योक्‍पेजा नाज्‍युङतिवा नाङ्‍ला वानी तीला शेप थोङ्‍सिमा खोरो ख्‍योवा मुक्‍तुम ग्‍यपुप चाला राङ खुन गल्‍नी तीला साङ मुक्‍तुम ग्‍यप्‍सुङ।

लोमा छ्‍येतिवी लाका 9:5

तमा शाऊलकी सिक्‍यासुङ, “चोवो ख्‍युरुङ सु यिन?” तमा ते दुक सिरुप वोरु यी शाऊलकी थोसुङ, “ङ येशू यिन, ख्‍योरो ङला छेटाङ तेरिन वे।

रोमी 11:22

तुक क्‍यानी कोन्‍छ्‍योक ति च्‍यङ्‍च्‍यु सेम्‍बा वोतुप ताङ पर्च्या तोङ्‍गुप कोन्‍छ्‍योक यिन सिनी नासाम तोङ। ल्‍होसा, कोन्‍छ्‍योककी कला मुयुकुपतिवाला खोकी पर्च्या तोङ्‍गिवी। खोला नरी मोवा कितुपतिवाला खोकी च्‍यम्‍बा क्‍या नङ्‍गिवी। मिसियाङ ख्‍यिराङ साङ दोङ्‍बी येल्‍का दोके च्‍येनी क्‍युर्कितो।

१ कोरिन्‍थी 12:12

मी जु ति च्‍यिक राङ वोसिनाङ ती जुला लाक्‍पा काङ्‍बा ताङ यम्‍बा येन्‍लकतिवा बङी वे। तमा येन्‍लकतिवा बङी वोसिनाङ जु ति च्‍यिक राङ वे। ती दोके ख्रीष्‍टला तेपा कितुपतिवा बङी वोसिनाङ ख्रीष्‍ट ति च्‍यिक राङ ज्‍यु वे।

१ कोरिन्‍थी 4:7

सी ख्‍यिराङला मी यम्‍बा सिनाङ छ्‍ये यिन सिनी सिक्‍यासुङ? ख्‍यिरा मुला वोतुप तेरी मोलामतिवा कोन्‍छ्‍योककी ख्‍यिराङला नङ्‍गुप मिन रो? यिन्‍सिनाङ ख्‍यिराङ च्‍यिला तेके किवी?

एफिसी 5:30

च्‍यिलासिसिन दाक्‍पु ति खोकी जुकी येन्‍लक यिन।