लोमा छ्‍येतिवी लाका 8:5 - कोन्छ्‌योककी सुङ

⁵ तमा फिलिप ति सामरियाकी ग्‍येसा यीला गल्‍नी ख्रीष्‍टकी कोर्ला ख्‍याप्‍टाक क्‍यासुङ।

लोमा छ्‍येतिवी लाका 8:5 Iomraidhean Croise

लोमा छ्‍येतिवी लाका 1:8

यिने कोन्‍छ्‍योककी थु चाङ्‍मा ख्‍यिरा खला फेप्‍सिमा ख्‍यिरा ओङ ङ्‍येनी यरूशलेमला ताङ तेरी यहूदियाला ताङ सामरियाला ताङ जम्‍बुलिङकी दासा अन्‍तिम सेक्‍ला ख्‍यिरा ङे कोर्ला पङ्‍बु तेर्कितो।”

लोमा छ्‍येतिवी लाका 21:8

ती सला तीला ङ्‍यिराङ कैसरियाला वानी सुङ ख्‍याप्‍टाक कितुप फिलिपकी खाङ्‍बा देतिन। ती फिलिप ति यरूशलेम चर्चकी सुङ ख्‍याप्‍टाक कितुपला पेतुप मिरा दिनकी नाङ्‍ला मिरा च्‍यिक यिनोक।

लोमा छ्‍येतिवी लाका 5:42

तमा येशू राङ ख्रीष्‍ट यिन सिनी खाङ्‍बा खाङ्‍बा ताङ ल्‍हङाङ ल्‍हङाङला ङ्‍यिमी टेङ लेन ल्‍यामु ख्‍याप्‍टाक कियी ताङ येन्‍देन तेरिन युसुङ।

लोमा छ्‍येतिवी लाका 6:5

लोमा छ्‍येतिवी तुक सिक्‍यावु ताम्‍ङे ति तेरीकी सेमला गाल। तमा तिवी तेपा रम्‍बु वोतुप ताङ कोन्‍छ्‍योककी थु चाङ्‍माकी क्‍येङ्‍गुप स्‍तिफनस ताङ फिलिप ताङ प्रखरस ताङ निकनोर ताङ तिमोन ताङ पर्मिनास ताङ एन्‍टिओखिया नेसुर वानी यहूदी छ्‍योला शुकुप निकोलाउस तीला पेसुङ।

लोमा छ्‍येतिवी लाका 8:1

स्‍तिफनसला सेतुप मीतिवी पर्ला शाऊल साङ ख च्‍यिक नोक। ती छेर्मु राङ यरूशलेमकी तेपा कितुप मीतिवाला यहूदी गोमा कितुपतिवी जिम्‍नी छेटाङ तेरुप छाल्‍सुङ। तमा लोमा छ्‍येतिवा मिसिन यम्‍बा तेपा कितुप मीतिवा तेरी यहूदिया ताङ सामरियाकी दासा दासा नेवा थरा थुरा गाल्‍सुङ।

लोमा छ्‍येतिवी लाका 8:26

ती ज्‍युक्‍ला कोन्‍छ्‍योककी लेन क्‍योलुप थु यीकी फिलिपला दुक सिक्‍यासुङ, “ख्‍युरुङ लानी ल्‍होकी थाकाला ख्‍येलुप दासा पाङ्‍थेरीला ग्‍युक। तेसुर यरूशलेम नेवा गाजाला डोप लामला लेप्‍किवी।”

लोमा छ्‍येतिवी लाका 8:30

तमा फिलिप ति छ्‍योङ्‍बाल ग्‍यकिन गाल। ती मी छ्‍ये तीकी कोन्‍छ्‍योककी लुङ्‍तेम्‍बाकी थेप लोपिन क्‍यावु थोनी फिलिपकी तीला दुक सिनी टिसुङ, “दी ख्‍योरो लोपिन वोतुप थेप ति हाक्‍कोकिनोक?”

लोमा छ्‍येतिवी लाका 8:40

ती पेला राङ फिलिप ति अश्‍दोदला लेप्‍नोक। तमा कैसरियाला लेप्‍ता सेक लामला वोतुप तेरी युल ताङ ग्‍येसातिवाला लेन ल्‍यामु ख्‍याप्‍टाक कियी गाल।

लोमा छ्‍येतिवी लाका 8:6

फिलिपकी हलेवु ततिवा छ्‍या तेन्‍दुप ताङ सुङ ख्‍याप्‍टाक क्‍यावु थोङ्‍नी मीतिवी तीकी ताम्‍ङेला ङ्‍याम क्‍यानी ङ्‍येन्‍सुङ।

लोमा छ्‍येतिवी लाका 9:20

ते शार्क्येक तीकी येशू ति कोन्‍छ्‍योककी सेवु राङ यिन सिनी यहूदी छ्‍योखाङतिवी नाङ्‍ला ख्‍याप्‍टाक कितुप छाल्‍सुङ।

१ कोरिन्‍थी 1:23

यिन्‍सिनाङ ङ्‍यिराङ ति ग्‍यङ्‍शिङला कल्‍नी टुङ्‍गुप येशू ख्रीष्‍टकी कोर्ला सुङ ख्‍याप्‍टाक किवी। ती सुङ ङ्‍येन्‍दुप पेला यहूदीतिवी दी ताम्‍ङे ति कोन्‍छ्‍योकला मारे तोङ्‍गुप यिन सिनी सिवी, ग्रीकतिवी दी ताम्‍ङे ति फेन मोथोवु यिन सिनी सिवी।

१ कोरिन्‍थी 2:2

च्‍यिलासिसिन ती पेला ङे येशू ख्रीष्‍टकी कोर्ला ताङ खो ग्‍यङ्‍शिङला कल्‍नी टुङ्‍गुप कोर्ला तिराङ मिसिन ताम्‍ङे यम्‍बा काङ साङ कितुप नो माक्‍या।

१ कोरिन्‍थी 3:11

च्‍यिलासिसिन कोन्‍छ्‍योककी खाङ्‍बा जोपला डम्‍ज्‍यी तिङ्‍नी वे, ती डम्‍ज्‍यी ति चोवो येशू ख्रीष्‍ट यिन। ख्रीष्‍टकी मिसिन यम्‍बा सी साङ ती डम्‍ज्‍यी दिङ मुथुपी।