लोमा छ्‍येतिवी लाका 8:16 - कोन्छ्‌योककी सुङ

¹⁶ च्‍यिलासिसिन ती पेला तेपा कितुप मी सम्‍बातिवी येशूकी मिङला बप्‍तिस्‍मा तिराङ लानोक, यिने कोन्‍छ्‍योककी थु चाङ्‍मा ति सुला साङ माथोप्‍नोक।

लोमा छ्‍येतिवी लाका 8:16 Iomraidhean Croise

मत्ती 28:19

ती तप्‍की ख्‍यिराङ गल्‍नी लुङ्‍बा तेरीकी मिरिकतिवाला ङे लोमा जो, तमा पपा कोन्‍छ्‍योक ताङ पुज्‍युङ ताङ खोकी थु चाङ्‍माकी मिङला तिवाला बप्‍तिस्‍मा बिन।

लोमा छ्‍येतिवी लाका 19:2

“ख्‍यिरा तेपा क्‍यासिमा ख्‍यिराङला कोन्‍छ्‍योककी थु चाङ्‍मा ङ्‍येसुङ माङ्‍ये?” सिनी टिसुङ। यिने लोमातिवी पावलला “माङ्‍ये वे। कोन्‍छ्‍योककी थु चाङ्‍मा वे सिरुप ति ङ्‍यिरा थोवु साङ माथो वे।” सिनी सिक्‍यासुङ।

लोमा छ्‍येतिवी लाका 2:38

तमा पत्रुसकी तिवाला सिक्‍यासुङ, “ख्‍यिराङ तेरीकी ख्‍यिरा क्‍यावु दिक्‍पा नेमा थरुपला सेम ग्‍युर्नी येशू ख्रीष्‍टकी मिङला बप्‍तिस्‍मा लो! तमा कोन्‍छ्‍योककी थु चाङ्‍माकी ङ्‍येम्‍बा ति ख्‍यिराङला थोप्‍कितो।

रोमी 6:3

ख्‍यिराङला छ्‍या राङ वे, दाक्‍पु तेरीकी बप्‍तिस्‍मा लासिमा येशू ख्रीष्‍ट ताङ मुला च्‍यिक्‍पा राङ च्‍युङ्‍गुप यिन। तीकी तेन्‍दोक ति दाक्‍पु बप्‍तिस्‍मा लङ्‍गुप पेला दाक्‍पी मिजी ङ्‍यिङ्‍बा ति खोकी मुला राङ शेप यिन।

गलाती 3:27

च्‍यिलासिसिन ख्‍यिराङ तेरी येशूकी मुला बप्‍तिस्‍मा लानी खो मुला राङ सेम च्‍यिक्‍पा राङ च्‍युङ्‍नी वे।