लोमा छ्‍येतिवी लाका 8:12 - कोन्छ्‌योककी सुङ

¹² यिने फिलिपकी कोन्‍छ्‍योककी ग्‍येल्‍खापकी कोर्ला ताङ येशू ख्रीष्‍ट मिङकी कोर्ला ख्‍याप्‍टाक क्‍यावु ताम्‍ङेला ख्‍योक्‍पेजा ताङ पुम्‍पेजातिवा तेरीकी तेपा क्‍यानी बप्‍तिस्‍मा लासुङ।

लोमा छ्‍येतिवी लाका 8:12 Iomraidhean Croise

मत्ती 28:19

ती तप्‍की ख्‍यिराङ गल्‍नी लुङ्‍बा तेरीकी मिरिकतिवाला ङे लोमा जो, तमा पपा कोन्‍छ्‍योक ताङ पुज्‍युङ ताङ खोकी थु चाङ्‍माकी मिङला तिवाला बप्‍तिस्‍मा बिन।

लूका 9:2

तमा तिवाला कोन्‍छ्‍योककी ग्‍येल्‍खाप ख्‍याप्‍टाक कितुप ताङ नेर्पुतिवाला टेक ज्‍यितुपला ताङ्‍सुङ।

लूका 9:60

तमा येशूकी तीला सुङ्‍सुङ, “शेपतिवी खोरो शेपतिवाला कल्‍दोक कि च्‍यी, यिने ख्‍युरुङ ति गल्‍नी कोन्‍छ्‍योककी ग्‍येल्‍खापकी कोर्ला ख्‍याप्‍टाक की।”

लोमा छ्‍येतिवी लाका 1:3

खोकी दुक्‍पा खुर्नी ङोसु लासिमा तिवाला खो ङोसु लावु ति हाक्‍को ज्‍यितुपला पङ्‍बु बङी छ्‍या तेन्‍सुङ। तमा ङ्‍यिमा खल ङ्‍यी सेक थेङ्‍मा अलायी खोरो लोमा छ्‍येतिवी पर्ला राङ छ्‍यर्नी तिवाला कोन्‍छ्‍योककी ग्‍येल्‍खापकी कोर्ला सुङ्‍सुङ।

लोमा छ्‍येतिवी लाका 11:20

ती पर्ला ललाइ ति साइप्रस ताङ कुरेनीकी मीतिवा नोक। तिवा ति एन्‍टिओखियाला वानी ग्रीककी मीतिवाला साङ येशू ख्रीष्‍टकी कोर्ला लेन ल्‍यामु ख्‍याप्‍टाक क्‍यासुङ।

लोमा छ्‍येतिवी लाका 18:8

पावलकी बिन्‍दुप सुङ थोसिमा ती छ्‍योखाङकी मी छ्‍ये क्रिस्‍पस ताङ तीकी मिछाङतिवा तेरीकी येशूला तेपा क्‍यासुङ। तमा कोरिन्‍थकी मीतिवा बङीकी पावलकी ख्‍याप्‍टाक क्‍यावु सुङ थोसिमा कोन्‍छ्‍योकला तेपा क्‍यानी बप्‍तिस्‍मा लानोक।

लोमा छ्‍येतिवी लाका 19:5

ती ताम्‍ङे थोसिमा तिवी येशूकी मिङला बप्‍तिस्‍मा लासुङ।

लोमा छ्‍येतिवी लाका 2:38

तमा पत्रुसकी तिवाला सिक्‍यासुङ, “ख्‍यिराङ तेरीकी ख्‍यिरा क्‍यावु दिक्‍पा नेमा थरुपला सेम ग्‍युर्नी येशू ख्रीष्‍टकी मिङला बप्‍तिस्‍मा लो! तमा कोन्‍छ्‍योककी थु चाङ्‍माकी ङ्‍येम्‍बा ति ख्‍यिराङला थोप्‍कितो।

लोमा छ्‍येतिवी लाका 2:41

तमा सु सुकी पत्रुसकी सिक्‍यावु सुङ थोवे, तिवी बप्‍तिस्‍मा लासुङ। ती छेर्मु तो मिसिन मी तोङ्‍डा सुम चोयी तिवी दला शुसुङ।

लोमा छ्‍येतिवी लाका 20:21

ङ दिक्‍छेन यिनोक सिनी सेम ग्‍युर्नी कोन्‍छ्‍योककी सुङला ङ्‍येन्‍दुप ताङ येशूला तेपा कि गोकिवी सिरुप ताम्‍ङे ति यहूदीतिवा ताङ ग्रीकतिवाला ङे पङ्‍बु बिनिन।

लोमा छ्‍येतिवी लाका 20:25

ल्‍होसा, ख्‍यिरा पर्ला कोन्‍छ्‍योककी ग्‍येल्‍खापकी कोर्ला ङे ख्‍याप्‍टाक क्‍यावे, यिने ख्‍यिरा पर्ला सी साङ येलुङ ङला मोथोङ्‍गिवी सिनी मला छ्‍या वे।

लोमा छ्‍येतिवी लाका 28:31

तमा सी साङ पावलला माक्‍येक। तुक क्‍यानी पावलकी ज्‍यिवा माक्‍यावा क्‍यानी कोन्‍छ्‍योककी ग्‍येल्‍खापकी कोर्ला ख्‍याप्‍टाक कियी ताङ चोवो येशू ख्रीष्‍टकी कोर्ला येन्‍देन बिन्‍सुङ।

लोमा छ्‍येतिवी लाका 5:14

तमा ख्‍योक्‍पेजा ताङ पुम्‍पेजातिवा बङीकी कोन्‍छ्‍योकला तेपा क्‍यानी तिवा ति मङ मङ फेलिन गाल्‍सुङ।

लोमा छ्‍येतिवी लाका 8:4

ती थरा थुरा गलुप तेपा कितुप मीतिवा खोप्‍राङ कनी कनी डिवे, ते राङ कोन्‍छ्‍योककी सुङ ति ख्‍याप्‍टाक क्‍यासुङ।

रोमी 10:10

च्‍यिलासिसिन सी खोला सेम नेज्‍युनी तेपा किवे, ती ति कोन्‍छ्‍योककी थोङ्‍दाङला टेङ्‍बु ङ्‍येकिवी। सी मीतिवी मिङ्‍गाला खोला तेपा कितिन सिनी सिवे, तीला दिक्‍पा ने थर ज्‍यिकिवी।

१ कोरिन्‍थी 11:11

यिन्‍सिनाङ चोवोकी थोङ्‍दाङला ति ख्‍योक्‍पेजाला पुम्‍पेजा मेसिन मेवी, पुम्‍पेजाला साङ ख्‍योक्‍पेजा मेसिन मेवी।

गलाती 3:28

तुक क्‍यानी कोन्‍छ्‍योककी थोङ्‍दाङला ख्‍यिरा नाङ्‍ला काङ ख्‍ये मे, यहूदी साङ मिन, ग्रीककी मी साङ मिन। योक्‍पु साङ मिन, ज्‍यिन्‍दाक साङ मिन। पुम्‍पेजा साङ मिन, ख्‍योक्‍पेजा साङ मिन। येशू ख्रीष्‍टला तेपा क्‍यासिमा ख्‍यिराङ तेरी च्‍यिक्‍पा राङ यिन।

१ पत्रुस 3:21

ती छ्‍यु ति तन्‍दा ख्‍यिराङला साङ र्‍होकुप बप्‍तिस्‍माकी थोक्‍ला गोमाला के छ्‍या तेन्‍दुप त यिन। ती बप्‍तिस्‍मा ति जुकी टेमा शलुप मिन, यिने ख्‍यिरा सेम टेङ्‍बुकी कोन्‍छ्‍योक ताङ मुला थाक्‍छ्‍येतुप त यिन। च्‍यिलासिसिन कोन्‍छ्‍योककी येशू ख्रीष्‍टला टुङ्‍गुप नेसुर ङोसु लाङ्‍नी ख्‍यिराङला शेप ने थर च्‍यिसुङ।