लोमा छ्‍येतिवी लाका 7:8 - कोन्छ्‌योककी सुङ

⁸ तमा कोन्‍छ्‍योककी अब्राहामला यहूदीतिवी च्‍येतुप लुक्‍सु कितुप ताम्‍ङे साङ थाक्‍छ्‍येन नाङ्‍सुङ। ज्‍युक्‍ला अब्राहामला पुज्‍युङ यी क्‍येनोक। तमा ती पुज्‍युङ क्‍येवु ङ्‍यिमा दिनला तीकी यहूदी च्‍येतुप लुक्‍सु क्‍यासुङ। ज्‍युक्‍ला इसहाककी साङ खोरो पुज्‍युङ याकूबला ती च्‍येतुप लुक्‍सु क्‍यासुङ। तमा याकूबकी साङ खोरो पुज्‍युङ च्‍यिङ्‍ङीला तुक राङ क्‍यासुङ।

लोमा छ्‍येतिवी लाका 7:8 Iomraidhean Croise

मत्ती 1:2

अब्राहामकी पुज्‍युङ ति इसहाक, इसहाककी पुज्‍युङ ति याकूब, याकूबकी पुज्‍युङतिवा ति यहूदा ताङ तीकी उज्‍युनुपतिवा नोक।

यूहन्‍ना 7:22

मोशाकी ख्‍यिराङला यहूदी च्‍येतुप लुक्‍सु कितुप ठिम बिन वे। वुतुङ के ती ठिम ति मोशाकी बिन्‍दुप मिन, यिने ख्‍यिरा पगावा हङ्‍गावातिवा नेसुर वावु यिन। तुक क्‍यानी ख्‍यिरा ङासोप ङ्‍यिमाला साङ ख्‍यिरा पुज्‍युङतिवाला यहूदी च्‍येतुप लुक्‍सु किनोक।

लोमा छ्‍येतिवी लाका 2:29

ओ अच्‍युनुपतिवा, दाक्‍पी हङ्‍गावा दाऊदकी कोर्ला ङ तेन्‍तेन क्‍यानी ख्‍यिराङला सिरिन, खो शिनी मुक्‍तुम ग्‍यप्‍सुङ। ती खोकी फुङ्‍बु ज्‍यकुप टककी फुक ति तन्‍दा सेक दाक्‍पी पर्ला राङ वे।

रोमी 4:10

चुक क्‍यानी अब्राहामला टेङ्‍बु वे सिनी खोकी सेमला लिङ्‍गुप यिन? तीकी च्‍येतुप लुक्‍सु क्‍यावु तिङ्‍ला तीला टेङ्‍बु वे सिनी खोकी सेमला लिङ्‍गुप यिन की, ती सिनाङ गोमाला के तीला टेङ्‍बु वे सिनी सुङ्‍गुप यिन? तीला टेङ्‍बु वे सिनी खोकी सेमला लिङ्‍गुप ति च्‍येतुप लुक्‍सु क्‍यावु तिङ्‍ला मिन, गोमाला के यिन।

गलाती 3:15

अच्‍युनुपतिवा, ङे सिक्‍यावु ताम्‍ङे ति ख्‍यिरा हाक्‍कोशी सिनी ख्‍यिराङला मीतिवी पे नेसुर लापिन। थेङ्‍मा यी थाक्‍छ्‍येनी यिकीला सही क्‍यासिमा तीला सी साङ मिन सिनी सि मुथुपी, तमा ताम्‍ङे ल्‍हक्‍पा ज्‍याक्‍नी टिक साङ मुथुपी।

गलाती 3:17

ङे सिक्‍यावु ताम्‍ङे ति काङ यिन सिसिन, कोन्‍छ्‍योककी थेङ्‍मा यी अब्राहाम ताङ मुला थाक्‍छ्‍येन नङ्‍गुप ताम्‍ङेला लो सयी ज्‍यी ताङ खल सुम ज्‍युक्‍ला जोवु मोशाकी टिवु ठिमकी क्‍युर्नी मोज्‍योकिवी।

हिब्रू 7:4

तुक क्‍यानी मल्‍कीसेदेक चो ओङ छ्‍येवु नोक सिरुप ति ख्‍यिरा नासाम तोङ। दाक्‍पी हङ्‍गावा अब्राहामकी साङ खोरो मक नेसुर ग्‍येल्‍नी खुन वावु तेरी च्‍यालकतिवी नाङ्‍ला छो च्‍यिथम्‍बी नाङ ने छो च्‍यिक ति तीला पुल्‍सुङ।