लोमा छ्‍येतिवी लाका 7:51 - कोन्छ्‌योककी सुङ

⁵¹ ओ अम्‍बारङ्‍शिङ ताङ सेम क्‍योङ्‍बु ताङ नम्‍ज्‍योक वोन्‍बी टेङ, ख्‍यिरा हङ्‍गावातिवी क्‍यावु दोके ख्‍यिराङ साङ कोन्‍छ्‍योककी थु चाङ्‍माला मारे तोङ्‍गिनोक।

लोमा छ्‍येतिवी लाका 7:51 Iomraidhean Croise

लोमा छ्‍येतिवी लाका 6:10

यिने कोन्‍छ्‍योककी थु चाङ्‍माकी च्‍यु ताङ रिक्‍पा नेमा स्‍तिफनसकी ताम्‍ङे लापुप थोङ्‍सिमा तिवा सी साङ काङ सि माथुप।

लोमा छ्‍येतिवी लाका 7:27

यिने मेलोक्‍पा कितुप मी तीकी मोशाला पुलिन सिरा दुक सिक्‍यासुङ, ‘ख्‍युरुङ ख्‍योरो लाम शु। ख्‍युरुङला सी ङ्‍यिरा खला ठिम तोङ्‍गुप जोसुङ?

लोमा छ्‍येतिवी लाका 7:35

ती मोशाला राङ मीतिवी दुक सिक्‍यावु यिन, ‘ख्‍युरुङला सी ङ्‍यिरा खला ओङ्‍ज्‍येन कितुप ताङ ठिम तोङ्‍गुप जोसुङ?’ यिने कोन्‍छ्‍योककी ती मोशाला राङ ती मीतिवाला ठिम तोङ्‍गुप ताङ थर ज्‍यितुपला मे बरिन वोतुप दोङ्‍बी पर नेमा देवाच्‍येनला लेन क्‍योलुप थु नेसुर ताङ्‍सुङ।

लोमा छ्‍येतिवी लाका 7:39

यिने दाक्‍पी हङ्‍गावातिवी खोकी ताम्‍ङे माङ्‍येन, तमा तीला क्‍युर ज्‍याक्‍नी मिश्र लुङ्‍बाला लोक्‍नी डोप नो क्‍यासुङ।

लोमा छ्‍येतिवी लाका 7:9

याकूबकी पुज्‍युङतिवी खोप्‍रे नुप योसेफला ति ठतोक क्‍यानी मिश्र लुङ्‍बाला चोनी ताङ्‍सुङ। क्‍यासिनाङ कोन्‍छ्‍योक ति योसेफ ताङ मुला राङ ज्‍युनोक।

रोमी 2:25

दोजो ख्‍युरुङ कोन्‍छ्‍योककी नङ्‍गुप ठिमला युकिवी सिसिन यहूदीतिवी च्‍येतुप लुक्‍सु तेन्‍दुप साङ तेन्‍दोक वे, यिने ठिम मातेन्‍सुङ सिसिन च्‍येतुप लुक्‍सु तेन्‍दुप साङ तेन्‍दोक मे। ख्‍युरुङ ति यहूदी मिन्‍दुप मिरिक यम्‍बाकी मीतिवा दोके राङ यिन।

एफिसी 4:30

तमा कोन्‍छ्‌योककी थु चाङ्‍माला सेम्‍दुक मालोङ, ती थु चाङ्‍माकी राङ ख्‍यिराङला दिक्‍पा ने थर ज्‍यितुप तुजे मालेपा सेक्‍ला ख्‍यिराङ खोकी ति यिन सिनी त ग्‍यप्‍नी वे।

फिलिप्पी 3:3

दाक्‍पु ति कोन्‍छ्‍योककी थोङ्‍दाङला वुतुङ के च्‍येतुप लुक्‍सु क्‍यावु मीतिवा यिन। च्‍यिलासिसिन दाक्‍पु याङ कोन्‍छ्‍योककी थु चाङ्‍मा नेमा खोला सोवा देकिवी, तमा येशू ख्रीष्‍टला तेपा क्‍यानी तेके किवी, जुला तिराङ कितुप लुक्‍सुला ति तेपा मिकिवी।

कलस्सी 2:11

ख्‍यिराङ खोला तेपा क्‍यानी यहूदी च्‍येतुप लुक्‍सु क्‍यावु यिन। ती च्‍येतुप लुक्‍सु ति मी लाक्‍पी क्‍यावु मिन, ख्रीष्‍ट नेमा राङ च्‍युङ्‍गुप यिन। ती ति ख्‍यिराङला वोतुप दिक्‍पाकी किताङ नालु क्‍युरुप यिन।