लोमा छ्‍येतिवी लाका 6:4 - कोन्छ्‌योककी सुङ

⁴ यिने ङ्‍यिराङ ति नरी मोपोर कितुप ताङ सुङ ख्‍याप्‍टाक कितुप लाका कितिन।”

लोमा छ्‍येतिवी लाका 6:4 Iomraidhean Croise

लूका 1:23

जकरिया यहूदी ल्‍हङाङला शब्‍ज्‍यी कितुप खोरो गोर्मा सिन्‍सिमा रङगी खाङ्‍बा लोक्‍नी गाल्‍सुङ।

लोमा छ्‍येतिवी लाका 1:14

ती लोमातिवा ति पुम्‍पेजातिवा ताङ येशूकी आमा मरियम ताङ खोकी नुपतिवा ताङ मुला जोम्‍नी सेम च्‍यिक राङ थिन्‍नी मोपोर क्‍या क्‍यावा देकिनोक।

लोमा छ्‍येतिवी लाका 2:42

तमा तिवा यम्‍बा तेपा कितुपतिवा ताङ मुला थिन्‍नी लोमा छ्‍येतिवी येन्‍देन ङ्‍येन्‍दुप ताङ डिक्‍जोम कितुप ताङ चोवोकी डेन साप लाका ताङ मोपोर क्‍या क्‍यावा देकिनोक।

रोमी 1:9

ङ ङे सेमगी दिङ नेज्‍युनी खोकी सेवु येशू ख्रीष्‍टकी थोक्‍ला लेन ल्‍यामु ख्‍याप्‍टाक क्‍यानी खोला शब्‍ज्‍यी क्‍यावु तप्‍की ङे नरी ख्‍यिराङला टेन्‍नी ङ्‍यी ताङ नुप्‍ज्‍या ख्‍यिरा थोक्‍ला मोपोर क्‍यावु ति कोन्‍छ्‍योकला राङ छ्‍या वे।

१ कोरिन्‍थी 9:16

दोजो ङे लेन ल्‍यामु ख्‍याप्‍टाक क्‍यासिनाङ काङ अम्‍बारङ्‍शिङ कितुप ताम्‍ङे मे, च्‍यिलासिसिन ङे लेन ल्‍यामु ख्‍याप्‍टाक माक्‍यावाला माक्‍यावी मेवी। ख्‍याप्‍टाक माक्‍यासिन ङला कोन्‍छ्‍योककी पर्च्या फोकिवी।

फिलिप्पी 1:4

तमा ख्‍यिराङ तेरीकी थोक्‍ला ङ मोपोर कितुप पेला नरी कोन्‍छ्‍योकला सेम गा क्‍यानी मोपोर कितिन।

कलस्सी 2:1

वुतुङ के ङे याङ ख्‍यिराङ ताङ लाउडिकियाला वोतुप मीतिवा ताङ ङला ङो माशेवुतिवा तेरीकी थोक्‍ला छासे टेमु क्‍यानी लाका क्‍या वे सिरुप ति ख्‍यिराङला हाक्‍कोशी सिरुप ङे नोवा वे।

कलस्सी 4:12

ख्‍यिरा मु नेसुर वावु इपाफ्रासकी ख्‍यिराङला टसी देलेक सिनी तङ वोतो। ती ति येशू ख्रीष्‍टकी थोक्‍ला शब्‍ज्‍यी कितुप मी यिन। तीकी ख्‍यिराङ तेपा रम्‍बु ताङ डेकला देनी कोन्‍छ्‍योककी नोवा ति काङ यिन सिनी तेन्‍तेन हाक्‍को थुप्‍शी सिनी नरी ख्‍यिरा थोक्‍ला मोपोर क्‍या क्‍यावा देकिवी।

कलस्सी 4:17

तमा “चोवोकी नङ्‍गुप लाका ति तेरी डुप राङ गोकिवी।” सिनी अर्खिप्‍पसला सिसा।

२ तिमोथी 4:2

ख्‍युरुङ कोन्‍छ्‍योककी लेन ल्‍यामु ख्‍याप्‍टाक कितुप पेला मीतिवी ङ्‍येन्‍सिनाङ माङ्‍येन्‍सिनाङ चो पेला साङ टडिक क्‍यानी दे। ङ्‍येवु मीतिवाला ल्‍यामु जोप ताङ वोरु देन्‍दुप ताङ सेम सो। मीतिवाला येन्‍देन तेरुप पेला डेकला देनी ल्‍यामु क्‍यानी येन्‍देन बिन।