लोमा छ्‍येतिवी लाका 6:11 - कोन्छ्‌योककी सुङ

¹¹ तमा तिवी छ्‍याकला मीतिवा ललाइला चेन्‍नी स्‍तिफनसकी तेन्‍दोकला दुक सि च्‍यिसुङ, “दीकी याङ कोन्‍छ्‍योक ताङ मोशाकी तेन्‍दोकला के मारे तोङ्‍गुप ताम्‍ङे लपुप ति ङ्‍यिरा थोसुङ।”

लोमा छ्‍येतिवी लाका 6:11 Iomraidhean Croise

यूहन्‍ना 1:17

कोन्‍छ्‍योककी ठिम ति मोशा नेमा राङ ङ्‍येतुप यिन, यिने कटिन ताङ टेङ्‍बु ति येशू ख्रीष्‍ट नेमा वावु यिन।

यूहन्‍ना 16:3

तिवी तुक क्‍यावु ति तिवी ङे पपाला साङ ङो माशे वे, ङला साङ ङो मेशेवु तप्‍की यिन।

यूहन्‍ना 9:29

कोन्‍छ्‍योककी मोशाला ताम्‍ङे सुङ्‍गुप ति ङ्‍यिराङला छ्‍या वे, यिने दी मी ति कनीकी मी यिन सिरुप ति ङ्‍यिराङला छ्‍या राङ मे।” सिनी सिक्‍यासुङ।

लोमा छ्‍येतिवी लाका 15:21

च्‍यिलासिसिन ताङ्‍बो नेज्‍युनी ग्‍येसा ग्‍येसाला वोतुप यहूदी छ्‍योखाङला ज्‍यिङ्‍बा बाक्‍यम तङ्‍नी सेतुप सेम्‍ज्‍येनकी कोर्ला मोशाकी ठिम ति ङासोप ङ्‍यिमाला नरी रोकिनोक।”

लोमा छ्‍येतिवी लाका 18:6

यिने यहूदीतिवा पावलकी तेन्‍दोकला लानी मर्च्या क्‍यासुङ। तमा पावलकी ख्‍युर ग्‍युर्नी तिवाला “ख्‍यिराङला कोन्‍छ्‍योक नेमा ख्‍येलुप पर्च्या ति ख्‍यिरा क्‍येन यिन, ङे ति मिन। त याङ ङ यहूदी मिन्‍दुप मिरिक यम्‍बाकी मीतिवी ते डोयी।” सिनी खोरो मज्‍यी लोकी थल्‍दुक र्‍हुन ज्‍याक्‍नी गाल्‍सुङ।

लोमा छ्‍येतिवी लाका 21:28

“ओ इस्राएलकी मीतिवा, दाल्‍जा किटे की! दी मी तीकी कनी साङ मीतिवाला दाक्‍पी गिपा ताङ दाक्‍पी ठिम ताङ दी ल्‍हङाङकी थोक्‍ला येन्‍देन मेलोवा तेर किनोक। तोजो तिराङ मिन, दीकी याङ ग्रीककी मीतिवाला साङ ल्‍हङाङ नाङ्‍ला टि वानी दी दासा चाङ्‍माला मेचेङ्‍गा जोसुङ।” सिनी सिक्‍यासुङ।

लोमा छ्‍येतिवी लाका 25:3

पावलला यरूशलेमला टि वुङ च्‍यी सिनी तीला गोङ्‍बा शुसुङ। च्‍यिलासिसिन तिवी पावलला लामला राङ सेतुप सिनी च्‍यु ल्‍हानोक।

लोमा छ्‍येतिवी लाका 25:7

तमा पावलला टि वासिमा यरूशलेम नेसुर वावु यहूदीतिवा पावलकी गारी गुरीला लानी तीकी थोक्‍ला छासे क्‍येन मेलोवातिवा ग्‍यप्‍सुङ। यिने तिवी ती क्‍येनकी पङ्‍बु ति काङ साङ तेर माथुप।

लोमा छ्‍येतिवी लाका 26:11

छ्‍योखाङ छ्‍योखाङला गल्‍नी तिवाला थेङ्‍मा बङी छ्‍येर्पा बिन्‍नी तेपा कितुप क्‍युर ज्‍यितुप ताङ येशूला मारे तोङ्‍गुप नो क्‍यायिन। तमा तिवाला ङ्‍यिर्मु लानी लुङ्‍बा ज्‍येनकी ग्‍येसातिवाला साङ गल्‍नी छेटाङ बिनिन।”

लोमा छ्‍येतिवी लाका 6:10

यिने कोन्‍छ्‍योककी थु चाङ्‍माकी च्‍यु ताङ रिक्‍पा नेमा स्‍तिफनसकी ताम्‍ङे लापुप थोङ्‍सिमा तिवा सी साङ काङ सि माथुप।

लोमा छ्‍येतिवी लाका 6:12

तमा तिवी मीतिवा ताङ यहूदी गोमा कितुप मी छ्‍येतिवा ताङ यहूदी छ्‍योकी गेकेनतिवाला चेन्‍नी स्‍तिफनसला जिम्‍नी यहूदी छ्‍योकी ठिम्‍खाङला टि वासुङ।

लोमा छ्‍येतिवी लाका 6:13

तमा तिवी पङ्‍बु जिनोक जोनी दुक सिक्‍यासुङ, “दी मी तीकी याङ मोशाकी ठिम ताङ चाङ्‍मा वोतुप ल्‍हङाङकी तेन्‍दोकला नरी मारे तोङ्‍गुप ताम्‍ङे तिराङ लप्‍किनोक।

रोमी 3:8

दोजो मी ललाइकी दाक्‍पी “कोन्‍छ्‍योक नेमा ल्‍यामु च्‍युङ्‍शी सिनी लाका मेलोवा कितुप।” सिवी सिनी दाक्‍पुला ताम्‍ङे मेलोवा क्‍यासिन ती ताम्‍ङे मेलोवा सिरुप मीतिवाला कोन्‍छ्‍योककी पर्च्या फोकिवी।

१ तिमोथी 1:13

गोमाला याङ ङे खोला मारे तङ्‍नी तेपा कितुपतिवाला दुक्‍पा बिन्‍नी ङ्‍यप्‍च्‍ये क्‍यायिन। ती ति ङे खोला तेपा माक्‍यावु पेला हाक्‍माकोनी क्‍यावु तप्‍की तन्‍दा खोकी ङला च्‍यम्‍बा नाङ्‍सुङ।