लोमा छ्‍येतिवी लाका 6:1 - कोन्छ्‌योककी सुङ

¹ ती पेला तेपा कितुपतिवा बङी गाल्‍सुङ। तमा हिब्रू ताम्‍ङे लपुप यहूदीतिवी तेन्‍दोकला ग्रीक ताम्‍ङे लपुप यहूदीतिवी ङ्‍योशोक ङ्‍योशोक सिक्‍यासुङ। च्‍यिलासिसिन लोमातिवी ङ्‍यिमी टेङ साप समा गोतुप पेला ग्रीक ताम्‍ङे लपुप पेर्मी युक्‍सिमतिवाला लङ्‍गुप समा मोथोप्‍नोक।

लोमा छ्‍येतिवी लाका 6:1 Iomraidhean Croise

मत्ती 23:13

“ख्‍यिराङ यहूदी छ्‍योकी गेकेनतिवा ताङ फरिसीतिवाला मोताप सुकुप यिनो, ख्‍यिराङ खोनक्‍पुतिवा! च्‍यिलासिसिन ख्‍यिराङ ति कोन्‍छ्‍योककी ग्‍येल्‍खापकी गोला गोल्‍ज्‍याक ग्‍यम वे। तमा खुरुङ साङ तीकी नाङ्‍ला मुशुकिवी, शुकुप छोलुप मीतिवाला साङ शुक मिज्‍यिवी।

लोमा छ्‍येतिवी लाका 11:20

ती पर्ला ललाइ ति साइप्रस ताङ कुरेनीकी मीतिवा नोक। तिवा ति एन्‍टिओखियाला वानी ग्रीककी मीतिवाला साङ येशू ख्रीष्‍टकी कोर्ला लेन ल्‍यामु ख्‍याप्‍टाक क्‍यासुङ।

लोमा छ्‍येतिवी लाका 11:26

शाऊलला ठेसिमा एन्‍टिओखियाला टिनी वासुङ। तमा तिवी मुला लो खोर्मा यी सेक देनी चर्चला वोतुप तेपा कितुप मीतिवा बङीला नरी ठेनी येन्‍देन बिन्‍सुङ। ती पेला नेज्‍युनी एन्‍टिओखियाला वोतुप लोमातिवाला थल्‍माला ख्रीष्‍टियान सिनी सिक्‍यावु यिन।

लोमा छ्‍येतिवी लाका 11:29

तुक क्‍यानी एन्‍टिओखियाला देतुप तेपा कितुप मीतिवी दाक दाक्‍पी काङ अछ्‍योवु ति टङ्‍गा दुनी यहूदियाला देतुप तेपा कितुपतिवी थोक्‍ला कल तोङ्‍गुप सिनी तेन्‍तेन क्‍यासुङ।

लोमा छ्‍येतिवी लाका 2:41

तमा सु सुकी पत्रुसकी सिक्‍यावु सुङ थोवे, तिवी बप्‍तिस्‍मा लासुङ। ती छेर्मु तो मिसिन मी तोङ्‍डा सुम चोयी तिवी दला शुसुङ।

लोमा छ्‍येतिवी लाका 2:45

तिवी खोप्‍राङ मुला वोतुप टोङ्‍बा ताङ समा च्‍यालकतिवा साङ चोनी कतुकारला ख्‍येलुपतिवा तेरीला गोनी तेर्किनोक।

लोमा छ्‍येतिवी लाका 2:47

कोन्‍छ्‍योकला सोवा देकिनोक। तमा तेरी मीतिवी तिवाला ल्‍यामु सिनोक। दिक्‍पा ने थरुपतिवाला ति कोन्‍छ्‍योककी ङ्‍यिमी टेङ फेल्‍नी डो ज्‍यिकिनोक।

लोमा छ्‍येतिवी लाका 4:35

लोमा छ्‍येतिवाला चेक तेर्किनोक। तमा ती टङ्‍गा ति सु सुला काङ काङगी थोक्‍ला गोकिवे, तिवाला गोनी तेर्किनोक।

लोमा छ्‍येतिवी लाका 4:4

यिने तिवी सुङ ख्‍याप्‍टाक क्‍यावु थोनी मी माङ्‍शोककी येशूला तेपा क्‍यासुङ। तमा तेपा कितुपतिवा तो मिसिन तोङ्‍डा ङ चोयी लेप्‍नोक।

लोमा छ्‍येतिवी लाका 5:14

तमा ख्‍योक्‍पेजा ताङ पुम्‍पेजातिवा बङीकी कोन्‍छ्‍योकला तेपा क्‍यानी तिवा ति मङ मङ फेलिन गाल्‍सुङ।

लोमा छ्‍येतिवी लाका 5:28

“ख्‍यिराङला येशूकी मिङला काङ साङ ख्‍याप्‍टाक माकिसा सिनी ङ्‍यिरा सिक्‍यायिन, यिन्‍सिनाङ ख्‍यिरा याङ यरूशलेमकी दासा तेरीला ख्‍याप्‍टाक क्‍यानोक। तमा खोला सेतुप क्‍येन ति ख्‍यिरा ङ्‍यिरा खला के ग्‍यकिनोक।”

लोमा छ्‍येतिवी लाका 6:2

ती तप्‍की लोमा छ्‍ये मिरा च्‍यिङ्‍ङीकी यम्‍बा लोमातिवा तेरीला कताङ्‍नी सिक्‍यासुङ, “दाक्‍पु कोन्‍छ्‍योककी सुङ ख्‍याप्‍टाक कितुप क्‍युर ज्‍याक्‍नी समा गोतुप लाका तिराङ कितुप ति ल्‍यामु मिन।

लोमा छ्‍येतिवी लाका 6:7

तुक राङ क्‍यानी कोन्‍छ्‍योककी सुङ ति फेल गल्‍नी यरूशलेमला साङ कोन्‍छ्‍योकला तेपा कितुपतिवा बङी गाल। तमा यहूदी ल्‍हङाङकी कोङ्‍यारतिवी नाङ ने बङीकी तिवी क्‍यावु तेपा ति सेमला लासुङ।

लोमा छ्‍येतिवी लाका 9:29

तमा खो ग्रीक ताम्‍ङे लपुप यहूदीतिवी मुला येशूकी सुङगी कोर्ला ताम्‍ङे कितुप ताङ केवुल साङ किनोक। यिने तिवी तीला सेतुप छोल्‍गिनोक।

लोमा छ्‍येतिवी लाका 9:39

तमा पत्रुस तिवी मुला ते गाल। ते लेप्‍सिमा तिवी पत्रुसला येला तेला वोतुप कोठाला क्‍याल्‍सुङ। ते पेर्मी युक्‍सिमतिवा तेरी पत्रुसकी गारी गुरीला लानी ङुयी सिरा तबीता तिवी मुला वोतुप पेला तीकी चेम्‍बुप मज्‍यातिवा छ्‍या तेन्‍सुङ।

लोमा छ्‍येतिवी लाका 9:41

तमा पत्रुसकी तीकी लाक्‍पाला जिम्‍नी खोक लाङ्‍सुङ। ती ज्‍युक्‍ला तेकी युक्‍सिमतिवा ताङ तेपा कितुपतिवाला नाङ्‍ला कताङ्‍नी ती शेप ने सेन्‍बु लावु ति तेरीला छ्‍या तेन्‍सुङ।

रोमी 12:7

शब्‍ज्‍यी कितुप यिन्‍सिन ल्‍यामु क्‍यानी शब्‍ज्‍यी कि गोकिवी। मीला लाप्‍नी तेरुप यिन्‍सिन ल्‍यामु क्‍यानी लाम तेरुप लाका कि गोकिवी।

१ कोरिन्‍थी 10:10

दाक्‍पु ति कोन्‍छ्‍योककी तेन्‍दोकला ङ्‍योशोक ङ्‍योशोक सिरुप मेङ्‍गिवी। तिवी पर्ला मिरा चोकी ङ्‍योशोक ङ्‍योशोक सिक्‍यावु तप्‍की कोन्‍छ्‍योककी देवाच्‍येनकी लेन क्‍योलुप थुतिवा ताङ्‍नी तिवाला ना तोङ च्‍यिसुङ।

२ कोरिन्थी 11:22

तिवा हिब्रू यिन सिसिन ङ साङ हिब्रू यिन। तिवा इस्राएलकी मीतिवा यिन्‍सिन ङ साङ इस्राएलकी मी यिन। तिवा अब्राहामकी गिपा यिन्‍सिन ङ साङ अब्राहामकी गिपा राङ यिन।

फिलिप्पी 3:5

ङ क्‍येवु ङ्‍यिमा ग्‍येला यहूदी च्‍येतुप लुक्‍सु क्‍यावु यिन, तमा ङ इस्राएलकी मी यिन, तमा बिन्‍यमिन गिपाकी मी यिन, तमा वुतुङ के हिब्रू मी यिन, तमा यहूदी ठिमकी कोर्ला सि गोवु यिन्‍सिन ङ फरिसी यिन,

१ तिमोथी 5:3

वुतुङ के युक्‍सिम फोकुपतिवाला ल्‍हाटे की।

१ तिमोथी 5:9

लो खल टुक सिनाङ ल्‍हक्‍पा लेपुप युक्‍सिमतिवाला तिराङ युक्‍सिम यिन सिनी युक्‍सिमतिवी मिङ ति थो ग्‍यप। ती ति ख्‍योवा च्‍यिककी मुला तिराङ जेन्‍दी क्‍यावु वुङ गोकिवी।

हिब्रू 13:1

ख्‍यिराङ च्‍यिककी च्‍यिकला रङगी अच्‍युनुपतिवा दोके क्‍यानी ङ्‍यिङ्‍ज्‍ये किसा।

याकूब 1:27

पपा कोन्‍छ्‍योककी थोङ्‍दाङला टेङ्‍बु वोतुप ताङ क्‍येन मेतुप किताङ नालु ति तप्‍रुक ताङ युक्‍सिमतिवाला कतुकारला ख्‍येलुप पेला ल्‍हटे कितुप ताङ दी जम्‍बुलिङकी दुक्‍टा नेसुर खुरुङला राङ कुतुक ज्‍योकुप यिन।

याकूब 4:5

कोन्‍छ्‍योककी दाक्‍पुला नङ्‍गुप थु चाङ्‍माकी दाक्‍पुला छासे गा लानी ङ्‍यिङ्‍ज्‍ये किवी सिनी कोन्‍छ्‍योककी सुङला टिवु ति तेर्मे यिन सिनी ख्‍यिराङ नासाम तोङ्‍गिवी?

याकूब 5:9

ती तप्‍की अच्‍युनुपतिवा, ख्‍यिराङ च्‍यिककी च्‍यिकला ङ्‍योशोक ङ्‍योशोक मासिर। मिसियाङ ख्‍यिराङ कोन्‍छ्‍योककी पर्च्याला ख्‍येल्‍गितो। ल्‍होसा, ख्‍यिराङला ठिम कितुप चोवो ति गे चाला राङ वोतो।