लोमा छ्‍येतिवी लाका 5:12 - कोन्छ्‌योककी सुङ

¹² ती पेला लोमा छ्‍येतिवी छासे मिच्‍यिक्‍पाकी हलेवु लाकातिवा मीतिवाला छ्‍या तेन्‍सुङ। तमा तेपा कितुपतिवा तेरी मुला राङ ल्‍हङाङकी चाला वोतुप सोलोमनकी लेङाङ खला नरी जोम्‍गिनोक।

लोमा छ्‍येतिवी लाका 5:12 Iomraidhean Croise

मर्कूस 16:20

ती ज्‍युक्‍ला लोमातिवा तेरी दासाला गल्‍नी लेन ल्‍यामु ख्‍याप्‍टाक क्‍यासुङ। चोवो तिवी मुला ज्‍युनी लाका क्‍या नाङ्‍सुङ, तमा तिवी क्‍यावु हलेवु ततिवा नेसुर खोकी सुङ्‍गुप सुङ ति टेङ्‍बु वे सिरुप ति हाक्‍को च्‍यिसुङ। आमिन।

यूहन्‍ना 10:23

येशू ति ल्‍हङाङ नाङ्‍ला वोतुप सोलोमन दलान नेवा यरा युरा कियी ज्‍युनोक।

यूहन्‍ना 4:48

तमा येशूकी तीला “ख्‍यिरा ततिवा ताङ हलेवु लाकातिवा माथोङा सेक्‍ला नाम्‍साङ तेपा मिकिवी।” सिनी सुङ्‍सुङ।

लोमा छ्‍येतिवी लाका 1:14

ती लोमातिवा ति पुम्‍पेजातिवा ताङ येशूकी आमा मरियम ताङ खोकी नुपतिवा ताङ मुला जोम्‍नी सेम च्‍यिक राङ थिन्‍नी मोपोर क्‍या क्‍यावा देकिनोक।

लोमा छ्‍येतिवी लाका 14:3

ती तप्‍की पावल ताङ बारनाबासकी ङाडेङ क्‍यानी चोवो येशूकी सुङ ख्‍याप्‍टाक कियी ङ्‍यिमा अलायी सेक ते राङ देसुङ। तमा चोवो येशूकी तिवाला हलेवु ततिवा ताङ येम्‍जेन लङ्‍गुप लाकातिवा कितुप ओङ नङ्‍नी तिवी ख्‍याप्‍टाक क्‍यावु सुङ ति टेङ्‍बु यिन सिनी पङ्‍बु छ्‍या तेन्‍सुङ।

लोमा छ्‍येतिवी लाका 16:18

तीकी ङ्‍यिमा अलायी सेक तुक सिनी तिङ्‍यासिमा पावलला छेरा लानी ख्‍युर ग्‍युर्नी ती डे तीला, “येशू ख्रीष्‍टकी मिङला ख्‍युरुङ दे नेसुर थेन ग्‍युक!” सिनी वोरु तेन्‍सुङ। तमा ती डे ति शार्क्येक ती पुम्‍पेजी नेसुर थेन्‍नी गाल।

लोमा छ्‍येतिवी लाका 19:11

तमा ते कोन्‍छ्‍योककी पावलकी लक नेमा हलेवु लाकातिवा कि च्‍यिसुङ।

लोमा छ्‍येतिवी लाका 2:46

तिवा ङ्‍यिमी टेङ सेम च्‍यिक्‍पा राङ च्‍युङ्‍नी यहूदी ल्‍हङाङला जोम्‍गिनोक। तमा खाङ्‍बा खाङ्‍बाला कताङ्‍नी मुला राङ देनी सेम गा ताङ क्‍यानी समा सेनोक,

लोमा छ्‍येतिवी लाका 28:9

ते तुकै च्‍युङ्‍सिमा ती गारी गुरीकी यम्‍बा मी नेर्पुतिवा साङ ते वासुङ। तमा तिवी नेजु ति पावलकी टेक च्‍यिसुङ।

लोमा छ्‍येतिवी लाका 3:11

ती मी थेङ्‍बा ति पत्रुस ताङ यूहन्‍नाकी लाक्‍पाला जिम्‍नी मुला राङ वोतुप थोङ्‍सिमा मीतिवा तेरी हलेवा लानी सोलोमन लेङाङ खला छ्‍योङ्‍बाल ग्‍यकिन वासुङ।

लोमा छ्‍येतिवी लाका 4:30

तमा नेर्पु टेक ज्‍यितुपला कोन्‍छ्‍योककी छ्‍याक ज्‍याङ नङ्‍नी कोन्‍छ्‍योककी चाङ्‍मा ताङ टेङ्‍बु वोतुप येशूकी मिङ नेसुर ततिवा ताङ हलेवु लाकातिवा च्‍युङ्‍शी।”

लोमा छ्‍येतिवी लाका 9:33

ते तीकी एनियास सिरुप मी यी ठेसुङ। ती मी ति लो ग्‍ये नेज्‍युनी काङ्‍बा लाक्‍पा शोरुप नेजु ग्‍यप्‍नी ङ्‍यिलोक्‍नी राङ देकिनोक।

लोमा छ्‍येतिवी लाका 9:40

तमा पत्रुसकी ते खाङ्‍बी नाङ्‍ला वोतुप मीतिवा तेरीला पाङ्‍ला तेन तङ्‍नी पुमुङ चुनी मोपोर क्‍यासुङ। ती ज्‍युक्‍ला फुङ्‍बु तीकी थाकाला ल्‍हानी, “ओ तबीता खोक लो!” सिनी सिक्‍यासुङ। तमा तीकी मिक पेनी पत्रुसला थोङ्‍सिमा लानी देसुङ।

रोमी 15:19

ततिवा ताङ हलेवु लाकाकी ओङ ताङ, कोन्‍छ्‍योककी थु चाङ्‍माकी ओङ नेसुर क्‍यावु यिन। तुक क्‍यानी येशू ख्रीष्‍टकी लेन ल्‍यामु ति यरूशलेम नेज्‍युनी इल्‍लुरिकन सेक तेरी दासाला ङे ख्‍याप्‍टाक क्‍यायी।

२ कोरिन्थी 12:12

ङ वुतुङ के लोमा छ्‍ये यिन सिरुप ति छ्‍या देन्‍दुपला ख्‍यिरा पर्ला छासे डेकला देनी हलेवु ततिवा ताङ हलेवु लाकातिवा ताङ ङार छ्‍येवु लाकातिवा क्‍यावु यिन।

हिब्रू 2:4

दी थर्वा ति टेङ्‍बु यिन्‍दुप पङ्‍बु छ्‍या देन्‍दुपला कोन्‍छ्‍योककी साङ ततिवा छ्‍या देन्‍दुप ताङ हलेवु लाकातिवा ताङ नम्‍बा बङीकी ङार छ्‍येवु लाकातिवा क्‍या नाङ्‍सुङ। तमा खोकी नोवाला वोतुप दोके खोरे थु चाङ्‍माकी कटिनतिवा साङ नाङ्‍सुङ।