लोमा छ्‍येतिवी लाका 4:13 - कोन्छ्‌योककी सुङ

¹³ पत्रुस ताङ यूहन्‍ना काङ साङ मालापुप ताङ येन्‍देन मेतुप यिन्‍सिनाङ तुका ङाडेङ वोतुप थोङ्‍नी ते वावु मीतिवा हलेवा क्‍यासुङ। तमा पत्रुस ताङ यूहन्‍ना येशूकी मुला युकुप मी यिन सिरुप ति तिवी हाक्‍कोसुङ।

लोमा छ्‍येतिवी लाका 4:13 Iomraidhean Croise

मत्ती 11:25

ती पेला येशूकी दुक सुङ्‍नी मोपोर क्‍या नाङ्‍सुङ, “ओ पपा, देवाच्‍येन ताङ जम्‍बुलिङकी चोवो, ङ पपाला थुचिछे बुलिन। च्‍यिलासिसिन पपी दी ताम्‍ङे ति रिक्‍पा वोतुप ताङ लापुप मीतिवाला छ्‍याकला ज्‍याक्‍नी आङा टिक्‍पे दोके मालापुप मीतिवाला छ्‍या तेन्‍सुङ।

मत्ती 26:71

तमा ती ज्‍युक्‍ला पत्रुस पाङ्‍ला गे चाला थेन्‍सिमा यम्‍बा लावाम यीकी तीला थोङ्‍नी, “दी मी तिङ नासरतकी येशू मुला राङ नोक।” सिनी सिक्‍यासुङ।

मत्ती 26:73

चेयी ज्‍युक्‍ला ते लानी देतुप मीतिवी पत्रुसकी चाला वानी, “वुतुङ के ख्‍युरुङ तिवी परकी मी राङ यिन, च्‍यिलासिसिन ख्‍योरो ताम्‍ङे लाप्‍ताङ ल्‍हासिन ख्‍युरुङ गालीलकी मी राङ यिन।” सिनी सिक्‍यासुङ।

लूका 22:8

तमा येशूकी पत्रुस ताङ यूहन्‍नाला दुक सुङ्‍नी ताङ्‍सुङ, “गल्‍नी दाक्‍पी थोक्‍ला यहूदी थरुप तुछ्‍येनकी डेन साप टडिक की।”

यूहन्‍ना 19:26

तमा येशूकी खोरो आमा ताङ तीकी चाला खुरुङला ङ्‍यिङ्ज्‍ये कितुप लोमा तीला थोङ्‍नी खोकी खोरे आमा तीला “ममो, दी ति ख्‍योरो पुज्‍युङ यिनो।” सिनी सुङ्‍सुङ।

यूहन्‍ना 7:15

खोकी नङ्‍गुप येन्‍देन थोसिमा यहूदी गोमा कितुप छ्‍येतिवा हलेवा लानी, “दी मी तीकी काङ मालाप सिनाङ चुक क्‍यानी दोजो येन्‍देन शेवु यिनाङ?” सिनी सिक्‍यासुङ।

यूहन्‍ना 7:49

ती ठिम काङ साङ हाक्‍मोकोवु मी माङ्‍छ्‍योकतिवाला कोन्‍छ्‍योककी मोताप सुकिवी।” सिनी सिक्‍यासुङ।

लोमा छ्‍येतिवी लाका 4:14

यिने ती टेकुप मी ति पत्रुस ताङ यूहन्‍नाकी मुला लानी देतुप थोङ्‍सिमा तिवी काङ साङ सि माथुप।

लोमा छ्‍येतिवी लाका 4:19

तमा पत्रुस ताङ यूहन्‍नाकी दुक सिक्‍यासुङ, “कोन्‍छ्‍योककी सुङ ङ्‍येन्‍दुप क्‍युर ज्‍याक्‍नी ख्‍यिरा ताम्‍ङे ङ्‍येन्‍दुप ति कोन्‍छ्‍योककी थोङ्‍दाङला ल्‍यामु यिनाङ मिन सिनी ख्‍यिराङ राङ नासाम तोङ!

लोमा छ्‍येतिवी लाका 4:29

ओ चोवो कोन्‍छ्‍योक, त याङ ङ्‍यिराङला छेटाङ दुङल तेरुपतिवाला ल्‍हानी ख्‍योरे शब्‍ज्‍यी बुलुपतिवाला ङाडेङ क्‍यानी सुङ ख्‍याप्‍टाक कि थुपुप जोटे की।

लोमा छ्‍येतिवी लाका 4:31

तुक सिनी मोपोर क्‍यान सिन्‍सिमा तिवा देतुप दासाला सयी ग्‍यपुप दोके क्‍यानी योसुङ। तमा तिवा तेरी कोन्‍छ्‍योककी थु चाङ्‍माकी क्‍येङ्‍नी तिवी ङाडेङ क्‍यानी कोन्‍छ्‍योककी सुङ ख्‍याप्‍टाक क्‍यासुङ।

लोमा छ्‍येतिवी लाका 9:27

तमा लोमातिवी पर नेमा बारनाबासकी शाऊलकी लाक्‍पाला जिम्‍नी लोमा छ्‍येतिवी चाला टि वानी चुक क्‍यानी चोवो येशूकी शाऊलला दमस्‍कस डोप लामला छ्‍यार्सुङ, खोकी तीला काङ सुङ्‍सुङ, तमा चुक क्‍यानी ती ग्‍येसाला ज्‍यिवा माक्‍यावा क्‍यानी येशूकी मिङला लेन ल्‍यामु ख्‍याप्‍टाक क्‍यासुङ, ती तेरी ताम्‍ङे ति तिवाला लाप्‍सुङ।

लोमा छ्‍येतिवी लाका 9:28

ती तप्‍की यरूशलेमला वोतुप लोमातिवी शाऊलकी ताम्‍ङेला तेपा क्‍यासुङ। तुक क्‍यानी शाऊल ति तेपा कितुप मीतिवी मुला नरी देनी काङ ज्‍यिवा माक्‍यावा क्‍यानी यरूशलेमला युनी येशूकी सुङ ख्‍याप्‍टाक क्‍यासुङ।

१ कोरिन्‍थी 1:27

यिने कोन्‍छ्‍योककी दी जम्‍बुलिङकी रिक्‍पा वोतुप मीतिवाला ङोछाला ख्‍येल ज्‍यितुपला जम्‍बुलिङकी अम्‍बारङ्‍शिङ वोतुप मीतिवाला पेन नाङ्‍सुङ। तमा ओङ छ्‍ये वोतुप मीतिवाला ङोछाला ख्‍येल ज्‍यितुपला जम्‍बुलिङकी ओङ मेतुप मीतिवाला पेन नाङ्‍सुङ।

१ कोरिन्‍थी 14:25

तमा तीकी खोरो सेमला वोतुप छ्‍याकला ज्‍यकुप ताम्‍ङेतिवा हाक्‍कोनी ती ति खवुतुङ्‍मा देनी कोन्‍छ्‍योकला सोवा देकिवी, तमा “वुतुङ के कोन्‍छ्‍योक ख्‍यिरा पर्ला वे।” सिरुप ति ख्‍याप्‍टाक किवी।

२ कोरिन्थी 3:12

तुक क्‍यानी ङ्‍यिराङला तुका रेवा वोतुप तप्‍की ङ्‍यिराङ छासे ङाडेङ कितुप गल वे।