लोमा छ्‍येतिवी लाका 4:1 - कोन्छ्‌योककी सुङ

¹ पत्रुस ताङ यूहन्‍ना मीतिवाला ख्‍याप्‍टाक कियी वोतुप पेला कोङ्‍यारतिवा ताङ यहूदी ल्‍हङाङकी मी छ्‍ये ताङ सदुकीतिवा तिवी चाला वानोक।

लोमा छ्‍येतिवी लाका 4:1 Iomraidhean Croise

मत्ती 16:12

खोकी तुक सुङ्‍सिमा ती ताम्‍ङे ति शुब्‍ज्‍याङला लुकुप खमीरकी कोर्ला मिनोक, यिने फरिसी ताङ सदुकीतिवी येन्‍देन नेसुर च्‍याङ्‍से दे सिनी सुङ्‍गुप नोक सिरुप ति लोमातिवी हाक्‍कोसुङ।

मत्ती 22:16

तमा तिवी खोप्‍रे लोमातिवाला ग्‍येल्‍वु हेरोदकी छोक्‍पाकी मीतिवी मुला येशूकी चाला ताङ्‍नी खोला दुक सिनी टि च्‍यिसुङ, “गेकेन, गेकेन याङ टेङ्‍बु यिन। गेकेनकी मीतिवी थोक्‍ला कोन्‍छ्‍योककी नोवा काङ यिन सिरुपकी कोर्ला टेङ्‍बो लोप्‍किवी। तमा सुला साङ ज्‍यिवा मिकिवी, च्‍यिलासिसिन गेकेनकी मीतिवाला ल्‍हानी ती मीतिवा ति सु यिन सिनी ङ्‍याम मिकिवी।

मत्ती 27:20

यिने कोङ्‍यार छ्‍येतिवा ताङ यहूदी गोमा कितुप मी छ्‍येतिवी मी माङ्‍छ्‍योकला चेन्‍नी बरब्‍बाला ति पि ताङ्‍नी येशूला ति सेतुप छ्‍येर्पा बिन सिनी सि च्‍यिसुङ।

मत्ती 27:41

तमा तुक राङ क्‍यानी कोङ्‍यार छ्‍येतिवी साङ यहूदी छ्‍योकी गेकेनतिवा ताङ यहूदी गोमा कितुप मी छ्‍येतिवी मुला मुला राङ खोला मारे ताङ्‍नी दुक सिक्‍यासुङ,

मत्ती 3:7

ते फरिसी छोक्‍पा ताङ सदुकी छोक्‍पाकी मीतिवा बङी बप्‍तिस्‍मा लङ्‍गुपला वुङ्‍यिन कितुप थोङ्‍नी यूहन्‍नाकी तिवाला दुक सिनी वोरु तेन्‍सुङ, “ओ, रुल कुपेङकी च्‍यप्‍रुक दोके दुक्‍टा वोतुपतिवा! वुङ्‍गुप छलुप कोन्‍छ्‍योककी पर्च्या ने टो सिनी ख्‍यिराङला सी सिक्‍यासुङ?

लूका 20:1

ङ्‍यिम्‍ज्‍यिक येशूकी यहूदी ल्‍हङाङला मीतिवाला येन्‍देन लोपुप ताङ कोन्‍छ्‍योककी लेन ल्‍यामु ख्‍याप्‍टाक क्‍या नङ्‍यिन नोक। ती पेला कोङ्‍यार छ्‍येतिवा ताङ यहूदी छ्‍योकी गेकेनतिवा यहूदी गोमा कितुप मी छ्‍येतिवा ताङ मुला खोकी चाला वानी

लूका 22:4

तमा ती ति कोङ्‍यार छ्‍येतिवा ताङ यहूदी ल्‍हङाङकी मक्‍मी छ्‍येतिवी चाला गल्‍नी येशूला चुक क्‍यानी जिम तेरुप सिनी तिवी मुला केवुल क्‍यासुङ।

यूहन्‍ना 15:20

‘चुका लावा साङ तीकी ज्‍यिन्‍दाक सिनाङ छ्‍ये मेवी।’ सिनी गोमाला ङे ख्‍यिराङला सिक्‍यावु ति ख्‍यिरा टेन्‍सो की। तिवी ङला छेटाङ बिन्‍सुङ सिसिन ख्‍यिराङला साङ छेटाङ तेर्किवी, यिने तिवी ङे सुङला ङ्‍येन्‍सुङ सिसिन ख्‍यिरा सिक्‍यावु ताम्‍ङेला साङ ङ्‍येन्‍गिवी।

यूहन्‍ना 18:3

ती पेला यहूदाकी रोमी मक्‍मीतिवी मुला कोङ्‍यार छ्‍येतिवा ताङ फरिसीतिवी तङ्‍गुप यहूदी ल्‍हङाङला र्‍हेन्‍दुप मीतिवाला टिनी ते वासुङ। तिवी पेक्‍टुल ताङ बाशिङ ताङ मक्‍मीकी लक्‍च्‍येतिवा खुर्नी वानोक।

लोमा छ्‍येतिवी लाका 4:6

ते तेरी सिनाङ कोङ्‍यार छ्‍ये हन्‍नास ताङ कैयाफा ताङ यूहन्‍ना ताङ अलेक्‍जेन्‍डर ताङ कोङ्‍यार छ्‍येकी खोरो मीतिवा साङ तेरी जोम्‍नोक।

लोमा छ्‍येतिवी लाका 5:17

यिने तेरी सिनाङ कोङ्‍यार छ्‍ये ताङ तीकी मुला वोतुप सदुकी छ्‍योक्‍पाकी मीतिवा ठतोक लानी लोमा छ्‍येतिवी तेन्‍दोकला लासुङ।

लोमा छ्‍येतिवी लाका 5:24

ती ताम्‍ङे थोनी त दीकी तेन्‍दोक ति काङ गिते सिनी ल्‍हङाङकी मक्‍मी छ्‍ये ताङ कोङ्‍यार छ्‍येतिवा काङ कितुप काङ कितुप गाल।

लोमा छ्‍येतिवी लाका 5:26

ती ताम्‍ङे थोसिमा ल्‍हङाङ र्‍हेन्‍दुप मी छ्‍येतिवा यम्‍बा ल्‍हङाङ र्‍हेन्‍दुप मीतिवी मुला गल्‍नी लोमा छ्‍येतिवाला काङ मेलोक्‍पा माक्‍यावा क्‍यानी टिनी वासुङ। च्‍यिलासिसिन तिवाला मेलोक्‍पा क्‍यासिन मीतिवी खोप्‍राङला दो बेप्‍किते नोनी तिवा ज्‍यिवा क्‍यासुङ।

लोमा छ्‍येतिवी लाका 6:12

तमा तिवी मीतिवा ताङ यहूदी गोमा कितुप मी छ्‍येतिवा ताङ यहूदी छ्‍योकी गेकेनतिवाला चेन्‍नी स्‍तिफनसला जिम्‍नी यहूदी छ्‍योकी ठिम्‍खाङला टि वासुङ।

लोमा छ्‍येतिवी लाका 6:7

तुक राङ क्‍यानी कोन्‍छ्‍योककी सुङ ति फेल गल्‍नी यरूशलेमला साङ कोन्‍छ्‍योकला तेपा कितुपतिवा बङी गाल। तमा यहूदी ल्‍हङाङकी कोङ्‍यारतिवी नाङ ने बङीकी तिवी क्‍यावु तेपा ति सेमला लासुङ।