लोमा छ्‍येतिवी लाका 3:6 - कोन्छ्‌योककी सुङ

⁶ तमा पत्रुसकी सिक्‍यासुङ, “सेर ताङ ङुल याङ ङ्‍यिरा लोला मे, यिने ङ्‍यिरा लोला काङ नोके, ती ति ख्‍युरुङला तेरिन। नासरतकी येशू ख्रीष्‍टकी मिङला यु!”

लोमा छ्‍येतिवी लाका 3:6 Iomraidhean Croise

मत्ती 10:9

ख्‍यिराङ छयी नाङ्‍ला सेरकी डेवा, ङुलकी डेवा ताङ सा डेवा काङ साङ माखुर।

मत्ती 7:22

कोन्‍छ्‍योककी ठिम तोङ्‍गुप तिङ्‍मी तुजेला मीतिवी ‘ओ, चोवो! ओ, चोवो! काङ चोवोकी मिङला ङ्‍यिरा नम्‍दर माशे रो? काङ चोवोकी मिङला ङ्‍यिरा र्‍हेन्‍डीतिवा माशर रो? तमा चोवोकी मिङला काङ ङ्‍यिरा हलेवु लाकातिवा बङी माक्‍यावु यिन रो?’ सिनी सिवी।

मर्कूस 14:8

दी पुम्‍पेजा तीकी याङ खोरो काङ कि थुपुप ति क्‍यावु यिन। तीकी ङे जुला टी जङ्‍बु खाप नुम पुनी ङे फुङ्‍बु कल्‍दोक कितुपकी थोक्‍ला टडिक क्‍यावु यिन।

मर्कूस 16:17

तमा तेपा कितुपतिवी मुला दी ततिवा वुङ्‍गिवी। ती ततिवा ति दिवा यिन। तिवी ङे मिङला र्‍हेन्‍डीतिवा शोर्किवी, ग्‍येताम कुतुक लप्‍किवी,

यूहन्‍ना 19:19

पिलातसकी यिकी यी पङ्‍लिङ लोला टिनी ग्‍यङ्‍शिङला ग्‍यक च्‍यिसुङ। ती यिकीला “नासरतकी येशू, यहूदीतिवी ग्‍येल्‍वु” सिनी टिनोक।

लोमा छ्‍येतिवी लाका 10:38

कोन्‍छ्‍योककी नासरतकी येशूला खोकी थु चाङ्‍मा ताङ ङार छ्‍येवु ओङ नाङ्‍सुङ। तमा कोन्‍छ्‍योक ति खोकी मुला राङ ज्‍यु वोतुप तप्‍की लुङ्‍बाकी छो ज्‍यीला खोकी लाका ल्‍यामुतिवा कियी शैतानकी दुक्‍पा बिन्‍नी नानी वोतुप ताङ डेकी कुलुपतिवा तेरीला टेक च्‍यितुप ति ख्‍यिराङला साङ छ्‍या वे।

लोमा छ्‍येतिवी लाका 16:18

तीकी ङ्‍यिमा अलायी सेक तुक सिनी तिङ्‍यासिमा पावलला छेरा लानी ख्‍युर ग्‍युर्नी ती डे तीला, “येशू ख्रीष्‍टकी मिङला ख्‍युरुङ दे नेसुर थेन ग्‍युक!” सिनी वोरु तेन्‍सुङ। तमा ती डे ति शार्क्येक ती पुम्‍पेजी नेसुर थेन्‍नी गाल।

लोमा छ्‍येतिवी लाका 2:22

ओ इस्राएलकी मीतिवा, ङे ताम्‍ङे ङ्‍येना! चोवो कोन्‍छ्‍योककी नासरतकी येशूला ख्‍यिरा चिप्‍ला तङ्‍नी ओङ छ्‍येवु लाकातिवा ताङ हलेवु लाकातिवा ताङ ततिवा छ्‍या तेन्‍सुङ। ती ताम्‍ङे याङ ख्‍यिराङला साङ छ्‍या राङ वोज्‍यिवी।

लोमा छ्‍येतिवी लाका 2:36

ती तप्‍की ख्‍यिरा ग्‍यङ्‍शिङला कलुप ती येशूला कोन्‍छ्‍योककी चोवो ताङ ख्रीष्‍ट जो नाङ्‍सुङ सिरुप ताम्‍ङे ति तेरी इस्राएलकी मीतिवी ल्‍यामो क्‍यानी हाक्‍को गोकिवी।”

लोमा छ्‍येतिवी लाका 3:16

ख्‍यिरा थोङ्‍गुप ताङ ङो शेवु दी मी ति येशूकी मिङ नेसुर काङ्‍बा चुनी युक थुपुप गाल्‍सुङ। येशूला तेपा क्‍यावु तप्‍की राङ हारिङ ख्‍यिरा मिककी थोङ्‍यिन दी मी ति टेकुप यिन।

लोमा छ्‍येतिवी लाका 3:5

तमा काङ रे च्‍यिक रे तेर्किते नोनी ती मी थेङ्‍बा तीकी पत्रुस ताङ यूहन्‍नाला ल्‍हा ल्‍हावा देसुङ।

लोमा छ्‍येतिवी लाका 3:7

तमा पत्रुसकी तीकी लाक्‍पा नालोक्‍पाला जिम्‍नी लोङ्‍डे क्‍यासुङ, क्‍यासिमा शार्क्येक तीकी काङ्‍बा ताङ छिङ्‍गुरतिवाला ङार ङ्‍येतुप ताङ

लोमा छ्‍येतिवी लाका 4:10

ख्‍यिराङ ताङ इस्राएलकी मीतिवा तेरीकी ग्‍यङ्‍शिङ लोला कल्‍नी सेसिनाङ कोन्‍छ्‍योककी ङोसु लङ्‍गुप नासरतकी येशू ख्रीष्‍टकी मिङला दी मी ति ख्‍यिरा मिङ्‍गाला राङ टेक्‍नी लानी वे।

लोमा छ्‍येतिवी लाका 4:7

तिवी पत्रुस ताङ यूहन्‍नाला खोप्‍रे पर्ला ज्‍याक्‍नी दुक सिनी टिसुङ, “ख्‍यिरा चुका ओङ्‍ज्‍येन नेसुर ताङ सी मिङला दुक क्‍यावु यिन?”

लोमा छ्‍येतिवी लाका 9:34

तमा पत्रुसकी तीला “ओ एनियास, येशू ख्रीष्‍टकी ख्‍युरुङला टेक ज्‍यिकिवी। खोक लानी ख्‍योरो सप्‍तेन थुल!” सिनी सिक्‍यासुङ। तमा ती ति शार्क्येक खोक लासुङ।

१ कोरिन्‍थी 4:11

तन्‍दा सेक ङ्‍यिराङ ल्‍होतुङ्‍बा ताङ कोम्‍बा लावु ताङ पेर्तुङ्‍बा सिङ वे। मीतिवी ङ्‍यिराङला दुङ्‍यिन वे, तमा ङ्‍यिरा खाङ्‍बा शिङ साङ मे।

२ कोरिन्थी 6:10

सेम्‍दुक लासिनाङ नरी गा लानी वे। पेराङ्‍बु वोसिनाङ मी बङीला छ्‍युक्‍पु जो थुपुप वे। काङ मेतुप दोके वोसिनाङ तेरी वोतुप दोके वे।

२ कोरिन्थी 8:12

ख्‍यिराङला तेरुप सेम वोसिन ख्‍यिरा लोला चो नोके, ती बिन्‍दुप ति कोन्‍छ्‍योक गा किवी, यिने ख्‍यिरा लोला मेतुप ति खोकी मोछोल्‍वी।

२ कोरिन्थी 8:9

दाक्‍पी चोवो येशू ख्रीष्‍टकी कटिन ति ख्‍यिराङला छ्‍या राङ वे। खो छ्‍युक्‍पु वे, यिन्‍सिनाङ ख्‍यिरा थोक्‍ला खो पेराङ्‍बु दोके च्‍युङ्‍सुङ। तीकी तेन्‍दोक ति खो पेराङ्‍बु च्‍युङ्‍गुप नेसुर ख्‍यिराङला छ्‍युक्‍पु च्‍युङ्‍शी सिनी यिन।

याकूब 2:5

तुक क्‍यानी ङे ङ्‍यिङ्‍ज्‍येवु अच्‍युनुपतिवा, दी ताम्‍ङे ङ्‍येना। जम्‍बुलिङला वोतुप पेराङ्‍बुतिवाला कोन्‍छ्‍योककी पेनी तिवी क्‍यावु तेपाला छ्‍युक्‍पु जोनी खोला ङ्‍यिङ्‍ज्‍ये कितुपतिवाला तेरिन सिनी खोकी थाक्‍छ्‍येन नङ्‍गुप ग्‍येल्‍खापला दे छ्‍योवु जो मनङ्‍गिवी रो?

१ पत्रुस 4:10

ख्‍यिराङ सुला कोन्‍छ्‍योक नेमा मीतिवाला शब्‍ज्‍यी कितुपला ओङ थोप्‍वे, ती ओङ थोपुप दोके क्‍यानी च्‍यिककी च्‍यिकला शब्‍ज्‍यी की।