लोमा छ्‍येतिवी लाका 3:16 - कोन्छ्‌योककी सुङ

¹⁶ ख्‍यिरा थोङ्‍गुप ताङ ङो शेवु दी मी ति येशूकी मिङ नेसुर काङ्‍बा चुनी युक थुपुप गाल्‍सुङ। येशूला तेपा क्‍यावु तप्‍की राङ हारिङ ख्‍यिरा मिककी थोङ्‍यिन दी मी ति टेकुप यिन।

लोमा छ्‍येतिवी लाका 3:16 Iomraidhean Croise

मत्ती 14:29

खोकी पत्रुसला “शोक!” सिनी सुङ्‍सुङ। तमा पत्रुस टु नेसुर पाप्‍नी छ्‍यी खला युनी येशूकी चिप्‍ला गाल्‍सुङ।

मत्ती 9:22

तमा येशू ख्‍युर ग्‍युर्नी ती पुम्‍पेजा तीला ल्‍हानी, “ओ पुमो, ख्‍युरुङ ङाडेङ की। ख्‍योरो तेपा क्‍यावु तप्‍की ख्‍युरुङ टेक्‍सुङ।” सिनी सुङ्‍सुङ। खोकी तुक सुङ्‍लुङ्‍मे ती पुम्‍पेजा ति टेक्‍सुङ।

यूहन्‍ना 14:12

वुतुङ के ङ ख्‍यिराङला सिरिन, सी ङला तेपा किवे, तीकी ङे क्‍यावु हलेवु लाकातिवा साङ किवी, तमा ती सिनाङ मङ लाका छ्‍ये साङ किवी, च्‍यिलासिसिन ङ पपी चाला डोयी वे।

यूहन्‍ना 7:23

ख्‍यिराङ मोशाकी ठिम तेन्‍दुपला ङासोप ङ्‍यिमाला साङ यहूदी च्‍येतुप लुक्‍सु किवी सिसिन ङे ङासोप ङ्‍यिमाला नेर्पु यीकी जु तेरी टेक च्‍यितुप तप्‍की ख्‍यिराङ च्‍यिला ङला ङ्‍यिर्मु किवी?

लोमा छ्‍येतिवी लाका 14:9

पावलकी सुङ ख्‍याप्‍टाक कियी वोतुप पेला तीकी ङ्‍येन्‍नी देसुङ। तमा पावलकी तीला केरी ल्‍हासिमा तीकी सेमला “ङ टेक थुप्‍किवी।” सिरुप तेपा वोतुप थोङ्‍नी

लोमा छ्‍येतिवी लाका 16:18

तीकी ङ्‍यिमा अलायी सेक तुक सिनी तिङ्‍यासिमा पावलला छेरा लानी ख्‍युर ग्‍युर्नी ती डे तीला, “येशू ख्रीष्‍टकी मिङला ख्‍युरुङ दे नेसुर थेन ग्‍युक!” सिनी वोरु तेन्‍सुङ। तमा ती डे ति शार्क्येक ती पुम्‍पेजी नेसुर थेन्‍नी गाल।

लोमा छ्‍येतिवी लाका 3:6

तमा पत्रुसकी सिक्‍यासुङ, “सेर ताङ ङुल याङ ङ्‍यिरा लोला मे, यिने ङ्‍यिरा लोला काङ नोके, ती ति ख्‍युरुङला तेरिन। नासरतकी येशू ख्रीष्‍टकी मिङला यु!”

लोमा छ्‍येतिवी लाका 3:8

खोक लानी युसुङ। तमा फिर्नी युकिन सिरा कोन्‍छ्‍योकला सोवा देकिन ल्‍हङाङ नाङ्‍ला शुसुङ।

लोमा छ्‍येतिवी लाका 4:10

ख्‍यिराङ ताङ इस्राएलकी मीतिवा तेरीकी ग्‍यङ्‍शिङ लोला कल्‍नी सेसिनाङ कोन्‍छ्‍योककी ङोसु लङ्‍गुप नासरतकी येशू ख्रीष्‍टकी मिङला दी मी ति ख्‍यिरा मिङ्‍गाला राङ टेक्‍नी लानी वे।

लोमा छ्‍येतिवी लाका 4:30

तमा नेर्पु टेक ज्‍यितुपला कोन्‍छ्‍योककी छ्‍याक ज्‍याङ नङ्‍नी कोन्‍छ्‍योककी चाङ्‍मा ताङ टेङ्‍बु वोतुप येशूकी मिङ नेसुर ततिवा ताङ हलेवु लाकातिवा च्‍युङ्‍शी।”

लोमा छ्‍येतिवी लाका 4:7

तिवी पत्रुस ताङ यूहन्‍नाला खोप्‍रे पर्ला ज्‍याक्‍नी दुक सिनी टिसुङ, “ख्‍यिरा चुका ओङ्‍ज्‍येन नेसुर ताङ सी मिङला दुक क्‍यावु यिन?”

रोमी 3:22

ती कोन्‍छ्‍योक नेमा वावु टेङ्‍बु ति येशू ख्रीष्‍टला तेपा क्‍यासिमा मी तेरीला वुङ्‍गुप यिन। खोकी सुला साङ नाम्‍साङ ख्‍ये मेबेवी।

१ कोरिन्‍थी 13:2

ङे मुला नम्‍दर शेतुप कटिनकी ङ्‍येम्‍बा साङ वे, तमा ङे मुला सुला साङ हाक्‍मोकोवु छ्‍याकला वोतुप ताम्‍ङे हाक्‍कोवु ताङ तेरी येन्‍देन शेकिवी, तमा रीतिवा साङ दोक थुपुप तेपा ति ङला वोसिनाङ ङे सेमला ति ङ्‍यिङ्‍ज्‍ये मेसिन ङ ति काङ साङ मिन।