लोमा छ्‍येतिवी लाका 3:12 - कोन्छ्‌योककी सुङ

¹² ती थोङ्‍नी पत्रुसकी मीतिवाला सिक्‍यासुङ, “ओ इस्राएलकी मीतिवा, ख्‍यिराङ च्‍यिला हलेवा किवी? काङ दी मीला युक थुपुप जोवु ति ङ्‍यिराङला खक्‍छ्‍येवु ङार वोतुप तप्‍की यिन सिनी ख्‍यिराङ हलेवा क्‍यानी ल्‍हानी देकिवी? याङ्‍ना ङ्‍यिरा कोन्‍छ्‍योककी थोङ्‍दाङला क्‍यावु लाका ल्‍यामुकी यिन्‍दे सिनी नासाम तोङ्‍गिवी?

लोमा छ्‍येतिवी लाका 3:12 Iomraidhean Croise

यूहन्‍ना 7:18

खोरो राङ लापुप मी तीकी मीतिवा नेसुर ताङ्‍देन छोल्‍गिवी, यिने खोरुङला तोङ्‍गुप तीला मोवा कितुप नो वोतुप मी ति टेङ्‍बु वे, तीकी काङ साङ जिनोक मोजोवी।

लोमा छ्‍येतिवी लाका 13:26

ओ अब्राहामकी गिपा ताङ कोन्‍छ्‍योकला ज्‍यिवा कितुप यहूदी मिन्‍दुप मिरिक यम्‍बाकी मीतिवा, दी दिक्‍पा ने थरुप लेन ल्‍यामु ति कोन्‍छ्‍योककी दाक्‍पी पर्ला राङ ताङ वे।

लोमा छ्‍येतिवी लाका 2:22

ओ इस्राएलकी मीतिवा, ङे ताम्‍ङे ङ्‍येना! चोवो कोन्‍छ्‍योककी नासरतकी येशूला ख्‍यिरा चिप्‍ला तङ्‍नी ओङ छ्‍येवु लाकातिवा ताङ हलेवु लाकातिवा ताङ ततिवा छ्‍या तेन्‍सुङ। ती ताम्‍ङे याङ ख्‍यिराङला साङ छ्‍या राङ वोज्‍यिवी।

लोमा छ्‍येतिवी लाका 3:11

ती मी थेङ्‍बा ति पत्रुस ताङ यूहन्‍नाकी लाक्‍पाला जिम्‍नी मुला राङ वोतुप थोङ्‍सिमा मीतिवा तेरी हलेवा लानी सोलोमन लेङाङ खला छ्‍योङ्‍बाल ग्‍यकिन वासुङ।

लोमा छ्‍येतिवी लाका 3:13

अब्राहाम ताङ इसहाक ताङ याकूब ताङ दाक्‍पी पगावा हङ्‍गावाकी कोन्‍छ्‍योककी खोला शब्‍ज्‍यी बुलुप येशूला मोवा कि छ्‍योवु जो नाङ्‍सुङ। ती येशूला राङ ख्‍यिरा पिलातसकी लकला चेक तेतुप यिन। तमा पिलातसकी खोला पिताङ तोङ्‍गुप सिक्‍यासिनाङ ख्‍यिराङ माङ्‍येन।

रोमी 11:1

तुक क्‍यानी ङ ख्‍यिराङला टेयिन, “काङ कोन्‍छ्‍योककी खोरो पेतुप मीतिवाला क्‍युर्नी ज्‍याक्‍सुङ रो?” मिन, वुतुङ के खोकी तिवाला नाम्‍साङ क्‍युर्नी माज्‍याक। ङ साङ अब्राहामकी गिपा यिन, तमा बेन्‍यामीन मिछाङकी मी यिन।

रोमी 9:4

तिवा ति इस्राएलकी मीतिवा यिन। कोन्‍छ्‍योककी तिवाला खोरो पुज्‍युङ जो नाङ्‍सुङ, खोकी तिवाला खोरे मोवा छ्‍या तेन्‍सुङ, खोकी तिवी मुला थाक्‍छ्‍येवु ताम्‍ङे जो नाङ्‍सुङ, मोशा नेसुर ठिम साङ जो नाङ्‍सुङ, खोकी तिवाला यहूदी ल्‍हङाङला सोवा देकुप ताङ थाक्‍छ्‍येन नङ्‍गुप ताम्‍ङे साङ तिवाला राङ नाङ्‍सुङ।

२ कोरिन्थी 3:5

चुका लाका साङ ङ्‍यिरा राङ क्‍यावु यिन सिनी सि मुथुपी। ङ्‍यिराङला लाका कितुप ङार ति कोन्‍छ्‍योक नेमा राङ ङ्‍येतुप यिन।

ज्‍यल्‍का 7:13

ते वोतुप गोमा कितुप मी छ्‍येतिवी पर्ला मिरा च्‍यिककी “दी मज्‍या कर्मु कोन्‍दुपतिवा सु यिन? कनी नेसुर वावु यिन?” सिनी ङला टिसुङ।