लोमा छ्‍येतिवी लाका 26:9 - कोन्छ्‌योककी सुङ

⁹ गोमाला याङ ङे साङ नासरतकी येशूला तेपा कितुपतिवाला क्‍येन तेरुप सिनी नासाम ताङ्‍यिन।

लोमा छ्‍येतिवी लाका 26:9 Iomraidhean Croise

यूहन्‍ना 15:21

तमा ख्‍यिराङ ङे तिङ्‍ला तिङ्‍योकुप तप्‍की तिवी ख्‍यिराङला तुका छेटाङ तेर्किवी। ती ति ङला तोङ्‍गुप तीला तिवी ङो माशेवु तप्‍की यिन।

लोमा छ्‍येतिवी लाका 21:13

यिने पावलकी ङ्‍यिराङला “ख्‍यिराङ दुक क्‍यान ङुनी ङे सेम च्‍यिला मेलोवा जेवी? चोवो येशूकी मिङला ङ चोन्‍खाङला शोर्सिनाङ, यरूशलेमला शिराङ गोसिनाङ ङ डोयी।” सिनी सिक्‍यासुङ।

लोमा छ्‍येतिवी लाका 22:3

तमा पावलकी तिवाला सिक्‍यासुङ, “ङ किलिकिया लुङ्‍बाकी टार्सस ग्‍येसाला क्‍येवु यहूदी मी यिन। तमा दी यरूशलेम ग्‍येसाला राङ गमलिएल गेकेनकी वोक्‍ला देनी ङ्‍यिरा पगावा हङ्‍गावाकी छ्‍योकी ठिमकी कोर्ला ल्‍यामो क्‍यान लापिन। हारिङ ख्‍यिराङ कोन्‍छ्‍योकला चो गा लान वे, ङला साङ तोजो राङ गा लान वोतुप्‍जा।

लोमा छ्‍येतिवी लाका 22:4

ती पेला ङे येशूला ल्‍यामो क्‍यानी हाक्‍माकोवु तप्‍की खोला तेपा कितुप मीतिवाला छेटाङ बिन्‍नी सेतिन। तमा ख्‍योक्‍पेजा पुम्‍पेजातिवाला टानी चोन्‍खाङला उपिन।

लोमा छ्‍येतिवी लाका 22:8

तमा ङे ‘ओ चोवो, ख्‍युरुङ सु यिन?’ सिनी टिसालेन्‍सिन खोकी ‘ङ ति ख्‍योरो छेटाङ तेरिन वोतुप नासरतकी येशू यिन।’ सिनी सुङ्‍सुङ।

लोमा छ्‍येतिवी लाका 24:5

च्‍यिलासिसिन ङ्‍यिरा ल्‍हासिन दी मी तीकी कनी साङ मीतिवाला छासे दुक्‍पा तेरुप ताङ लुङ्‍बा तेरीकी यहूदीतिवी पर्ला हराङ हुरुङ जोप ताङ नासरी छ्‍योककी गोमा कितुप मी छ्‍ये यिन्‍दुप थोङ्‍सुङ।

लोमा छ्‍येतिवी लाका 3:17

ओ अच्‍युनुपतिवा, ख्‍यिराङ ताङ ख्‍यिरा ठिम कितुपतिवी खो सु यिन सिरुप ति हाक्‍माकोनी येशूला सेतुप यिन सिरुप ति ङला छ्‍या वे।

लोमा छ्‍येतिवी लाका 3:6

तमा पत्रुसकी सिक्‍यासुङ, “सेर ताङ ङुल याङ ङ्‍यिरा लोला मे, यिने ङ्‍यिरा लोला काङ नोके, ती ति ख्‍युरुङला तेरिन। नासरतकी येशू ख्रीष्‍टकी मिङला यु!”

लोमा छ्‍येतिवी लाका 9:1

यिने शाऊल ति चोवो येशूला तेपा कितुप लोमातिवाला सेन क्‍युरिन सिनी ज्‍यिवा कुयिन नोक। तमा ती ति तेरी सिनाङ कोङ्‍यार छ्‍येकी चाला गल्‍नी

लोमा छ्‍येतिवी लाका 9:16

तमा तीकी ङे थोक्‍ला चो दुक्‍पा खुर गोकिनोक सिरुप ति ङ तीला छ्‍या देनिन।”

रोमी 10:2

ङ दी ताम्‍ङे ति पङ्‍बु तेरिन। ती ति काङ यिन सिसिन, तिवी कोन्‍छ्‍योककी थोक्‍ला ल्‍यामो क्‍यानी शब्‍ज्‍यी कितुपला गा क्‍यासुङ, यिने चुक क्‍यानी खोला शब्‍ज्‍यी कि गोकिवी सिरुप ति तिवाला हाक्‍मोकोनोक।

फिलिप्पी 3:6

तमा टेमुकी कोर्ला सि गोवु यिन्‍सिन येशूला तेपा कितुप मीतिवाला ङे छेटाङ बिन्‍दुप यिन, तमा यहूदी ठिमला वोतुप टेङ्‍बुकी कोर्ला सि गोवु यिन्‍सिन ङ ति क्‍येन मेतुप मी यिन।

१ तिमोथी 1:13

गोमाला याङ ङे खोला मारे तङ्‍नी तेपा कितुपतिवाला दुक्‍पा बिन्‍नी ङ्‍यप्‍च्‍ये क्‍यायिन। ती ति ङे खोला तेपा माक्‍यावु पेला हाक्‍माकोनी क्‍यावु तप्‍की तन्‍दा खोकी ङला च्‍यम्‍बा नाङ्‍सुङ।